Dan Roodt, Author at praag.co.za

Polisieman wat omkoopgeld vat, vas

‘n Polisieman is in Wolmaransstad in hegtenis geneem nadat hy omkoopgeld aanvaar het om ‘n dossier oor veediefstal te laat verdwyn, het ‘n woordvoerder Sondag gesê.

Lt.kol. Lesego Metsi, polisiewoordvoerder, het gesê die polisie het ‘n lokval gestel en die speurkonstabel gevang toe hy Saterdagmiddag R2 000 kontant van twee mans by ‘n vulstasie aanvaar het.

Die beampte is verbonde aan die veediefstaleengheid in Sannieshof.

Metsi het gesê die twee mans is uit op borgtog nadat hulle onlangs in Atamelang in hegtenis geneem is vir veediefstal.

“Die beampte het aanvanklik R8 000 van die beskuldigdes geëis om van die dossier ontslae te raak,” het Metsi gesê.

“Hulle het hom na bewering R6 000 op twee vorige geleenthede betaal, maar hy het nie twee ander afsprake in Ottosdal nagekom om die finale betaling te ontvang nie.”

Hulle het toe die polisie in kennis gestel.

Metsi het gesê die twee beskuldigdes kan dalk ook van bedrog aangekla word.

Die polisieman in sy 30’s, sal na verwagting van omkopery en korrupsie aangekla word. Hy verskyn Maandag in die Wolmaransstad-landdroshof.

Voortrekkers verlaat Natal

Toe die Kaapse goewerneur verneem dat Smith hulp vra, het hy ‘n mag onder kol. Josias Cloete per skip gestuur om die beleërde garnisoen te ontset. Cloete was lid van ‘n gesiene Kaapse familie. Die Natallers kon nie verhinder dat hy land nie en het teruggeval na Pietermaritzburg.

Cloete het aan die Zoeloes die reg gegee om beeste en perde van die trekkers af te neem en teen betaling na hom te bring. In dié proses het Zoeloes verskeie trekkers vermoor. Hoewel party trekkers bereid was om hulle te verset, het die Volksraad hulle aan die Britse gesag onderwerp, onder meer weens die dreigende Zoeloegevaar.

Sowat ‘n jaar later het Napier die toestemming waarop hy so lank gewag het, gekry om Natal te annekseer. Hy het Henry Cloete, ‘n broer van kol. Josias Cloete, as kommissaris gestuur.

Groot was veral die protes van die vroue, wat soveel moes opoffer vir die vryheid. Onder leiding van Johanna Smit, suster van Gerrit Maritz en eggenote van Erasmus Smit, het ‘n afvaardiging van 400 ‘n onderhoud met Cloete gevra. Eers het Johanna Smit ‘n uiteensetting gegee van wat in die verlede met hulle en hul volk gebeur het. Daarna het Johanna Maré ‘n smeekskrif aangebied.

Terwyl sy besig was om dit aan hom voor te lees, het Cloete besluit om die saal te verlaat. Die vroue het hom voorgekeer en mev. Smit het verklaar: “Ons het goed en bloed gegee om onder die gehate vlag uit te kom, en al moet ons kaalvoet en blootshoof oor die Drakensberg loop, ons sal nie onder dié vlag berus nie.” Nog ‘n vrou het gesê: “Ons voete is deurgeloop en ons is moeg van die swerwerslewe en ontbering. Maar ons is bereid om nog verder te loop. Ons is bereid om kaalvoet oor die berge te gaan, die vryheid of die dood tegemoet.”

Reeds van 1842 af het die trekkers Natal begin verlaat. Pretorius en sy ou kommandante Landman en De Lange het hulle probeer aanpas by die nuwe omstandighede. Pretorius het in ‘n poging om Afrikaners en Engelse op sosiale gebied bymekaar te bring, een aand ‘n deftige bal en dinee aangebied met die keurigste geregte: lensiesop, skaapvleis, wildsvleis met spek gestop, hoender, kalkoen, bobotie, sosaties, groenboontjies, aartappelkoekies, blomkool, slaai en koue tong, ham en klein toebroodjies, wyn en brandewyn, en as nagereg wafels. Ds. Lindley het die tafelgebed gedoen, en Pretorius se toespraak by ‘n heildronk is sin vir sin getolk.

Maar die lewe het ondraaglik geword. Straffeloos is vee geroof soos aan die oosgrens. Herhaaldelik het Pretorius klagtes van veediefstal, brandstigting en onveiligheid voor die bevelvoerende offisier in Port Natal gebring.

Hy het in 1847 na Grahamstad gery om met die goewerneur, sir Henry Pottinger, mooi te praat, maar dié wou hom nie eens ontvang nie. Die toestand was toe al so erg dat Pretorius se gesin van hul plaas gevlug het. ‘n Swart dorp is daarnaby aangelê. Toe hy sy mense in Desember 1847 bereik, was hulle saam met ander vlugtelinge in ‘n laer langs die Tugela. Maar waarheen kon hulle vlug? In die gebied tussen die Vaal en Oranje was daar spanning tussen wit mense en Griekwas.

Verraai u volk – stem gerus DA!

Afrikaners beskik oor ‘n heroïese geskiedenis – of níé. Want vir elke volksheld tydens die Groot Trek of Vryheidsoorloë was daar dalk ‘n papbroek en volksverraaier wat wou weghardloop of lustig met die vyand saamgewerk het, dikwels vir eie gewin. In ANC-Suid-Afrika word Afrikanerverraaiers as’t ware op die hande gedra. Hulle is die nuwe helde waaroor ons monopolistiese media swymel en wat medaljes by bekroningsgeleenthede ontvang.

Maar ook die gewone man op straat wat nooit die orde van Mapungubwe – of watter ander naam die ANC se medaljes ook al dra – gaan ontvang nie, kan baie doen om Afrikanerverraad te bevorder. Hy of sy kan byvoorbeeld vir die DA stem, soos vele Afrikaners reeds doen.

U kan ‘n vriend of kollega in die rug steek, elkeen om u bedrieg. Maar ‘n stem vir die DA is eintlik die grootste bydrae wat u kan lewer om die Afrikaner se gewisse ondergang te bewerkstellig.

Op sy eenvoudigste ontneem elke stem vir die DA die Vryheidsfront van befondsing deur die staat en die parlementêre stelsel. Die Vryheidsfront is die laaste oorblywende Afrikaner- politieke party wat aan die formele politiek deelneem. As u dus ‘n goeie hensopper wil wees, moet u sorg dat dié party in die 2014-verkiesing geheel en al verdwyn en met oorgawe DA stem.

Luister vir die propagandameesters van die Nasperskoerante soos Beeld, Die Burger en Rapport en beskou die uitwissing van die laaste bietjie Afrikanerinvloed in die politiek as ‘n nasionale prioriteit. Die Vryheidsfront is die laaste politieke party wat die Afrikanersaak in die parlement stel. Daarom behoort hy te verdwyn en slegs die DA en enkele swart partye in die opposisie oor te bly.

Elke goeie Afrikanerverraaier in die tradisie van Piet de Wet, Kortbroek van Schalkwyk, Beyers Naudé, Braam Fischer en wie nog behoort die Black Sash-vrou, mev. Helen Zille, met oorgawe te steun. Sy het reeds Afrikanername van die Kaapse strate verwyder en kan nog baie meer doen om ons erfenis uit Suid-Afrika te laat verdwyn. Haar swart protégé, Lindiwe Mazibuko, verdien insgelyks u steun en dis verblydend dat ‘n lesersopname op een van die Nasperswebwerwe onlangs bevind het dat meer as die helfte van lesers meen sy “is ‘n goeie idee”!

Lindiwe Mazibuko is ‘n natuurlike leier vir Afrikaners. Sy is jonk, swart en vroulik, alles dinge wat in haar guns tel. Sy ondersteun ook radikale grondhervorming en die ANC se Freedom Charter. Met haar as die DA se parlementêre leier, gaan dit amper beter wees om vir die DA te stem as om ANC te stem.

Kom ons wees eerlik, liewe Afrikanerverraaier. Hoe gouer die Afrikaner die doodskoot in Suid-Afrika kan kry, hoe beter. Terwyl die Vryheidsfront kliphard teen grondhervorming baklei en luidkeels teen plaasmoorde en ander geweld beswaar maak, wil die DA ons mense van hul grond verdwyder en bly die party tjoepstil oor plaasmoorde. U stem vir die DA kan die Vryheidsfront permanent uit die parlement verwyder en sodoende ‘n groot bydrae tot nasiebou lewer.

Die Vryheidsfront is boonop die enigste politieke party wat mediaverklarings in Afrikaans uitreik. Is dit nie ‘n onding wat uitgeroei moet word nie? Elke politieke party in die land behoort slegs verklarings in Engels uit te reik en in Engels met die publiek te kommunikeer. Soos die ANC byvoorbeeld. Of die DA. Of Cope.

Elke stoere DA-ondersteuner behoort te weet dat die voortbestaan van die Vryheidsfront ‘n bedreiging vir die soomlose transformasie van Suid-Afrika tot ‘n Engelstalige Afrikaland soos Zambië, Zimbabwe of Kenia inhou. Die staat finansier die politieke partye en solank as wat daar enkele miljoen rand per jaar aan ‘n groepie Afrikaner-politici en -aktiviste in die Vryheidsfront vloei, mag die Afrikaner dalk weer opstaan om sy voortbestaan en sy regte in die land en internasionaal op te eis. Dit mag nie gebeur nie. Die meesterplan van Lord Milner en mev. Helen Zille to eradicate the last vestiges of Afrikanerism from South Africa moet verwesenlik word.

Die Vryheidsfront is die enigste party in die parlement wat beswaar maak wanneer die afskaffing van Afrikaans op skool en op universiteit ter sprake kom. Al die voortreflike Engelsgesinde Afrikanerverraaiers daar buite kan nie toelaat dat so iets langer geduld word nie. Al stem soveel Afrikaners reeds DA, is dit nog nie honderd persent nie!

As u dus regtig ‘n groot bydrae tot Afrikanerondergang wil maak, praat gerus met u vriende om die braaivleisvuur. Oorreed hulle om DA te stem en te sorg dat die laaste Afrikanerstemmetjie in die parlement finaal stilgemaak word.

Nie net sal dit ‘n goeie ding wees as Afrikaners uit die politiek verdwyn nie, maar ons volk verdien om deur jong, swart radikale en ‘n paar bejaarde Engelse liberale gelei te word. Ons land moet net soos elke ander Afrikaland word, sonder Afrikanerlandbouers, -ingenieurs, -wetenskaplikes, -administrateurs, -onderwysers, ens.

Korrupsie? Misdaad? Hoë belastings? Tolpaaie? Watwou! Trek net u kruisie by die DA-blokkie, soos die meeste mense reeds maak.

Sonder Afrikaners en veral Afrikaners in die politiek, kan die land net verbeter.

Boeke gratis

Die geboorteplek van die drukmedia het openbare boekrakke op straathoeke, stadspleine en supermarkte staangemaak.

By dié “biblioteke,” wat gratis vir algar is, kan mense enige boek neem en enige boek agterlaat vir ander om te lees.

Daar is geen registrasieproses nie, geen datum waarteen die boek teruggegee moet word nie en jy kan soveel neem of gee soos wat jy wil.

“Hierdie projek is gemik op almal wat daarvan hou om te lees, sonder beperkings op ouderdom en opleiding. Dit is oop vir almal,” het Michael Aubermann, een van die organiseerders, aan Associated Press gesê.

Die stad se jongste boekrak, wat €5 000 gekos het, is ‘n staalrak met glasdeure en is twee weke gelede langs Bayenturm, een van die stad se Middeleeuse torings, opgerig.

Dit is die vierde gratis boekrak wat Aubermann se groep, die Keulse Burgertrust, in die stad opgerig het. Twee ander is ook in Ikea-winkels geplaas.

“Ons het ons ander buitemuurse rakke verlede jaar ingesit en dit werk regtig goed,” het Aubermann, ‘n 44-jarige wat in IT-bestuur werk, gesê.

Die openbare boekrakke, wat gewoonlik deur donasies gefinansier word en deur plaaslike vrywilligergroepe bestuur word, is onafhanklik van mekaar in verskeie stede oor Duitsland opgerig, insluitende Berlyn, Hannover en Bonn.

Elke rak het sowat 200 boeke en dit neem gewoonlik sowat twee weke vir die rak om heeltemal met nuwe titels vervang te word, het hy gesê.

Mense neem dikwels meer boeke as wat hulle terugsit, maar dit lyk nie asof die uitgewers en aanlynboekverkpers gepla is nie, en hulle ondersteun die gedagte.

Daar was natuurlik al vergrype soos een lid van die publiek wat al die boeke geneem het en by ‘n vlooimark gaan verkoop het.

Uitgewers sê hulle beskou dit as ‘n promosie en nie ‘n kompetisie nie. Hulle kla egter dat godsdienstige groepe die rakke misbruik en boeke verwyder om hul eie eng godsdienstige idees te probeer versprei, maar sulke boeke word glo dadelik verwyder.

Rassistiese en prekerige boeke word ook glo afgehaal.

Fiksie, reisgidse, speurverhale en selfhelpboeke is die gewildste. Klassieke werke word ook op die rak geplaas.

ET se geslagsdele was ontbloot

Die eerste persoon wat die lyk van die vermoorde AWB-leier, Eugene Terre’Blanche, gesien het, sê sy lyfband was los en sy geslagsdele was ontbloot.

Die eerste ding wat Robert van Heerden, paramedikus, gesien het toe hy in die slaapkamer kom, was ‘n plas bloed op die grond, het die rondgaande hof op Ventersdorp Vrydag gehoor.

Van Heerden het, terwyl hy met sy flitslig in die kamer geskyn het, bloed van die bed op die grond sien drup, asook bloed op die gordyne en mure.

Hy het vir ‘n pols gevoel en besef Terre’Blanche is dood.

Van Heerden het gesê die lyk het afgekoel maar hy nie kon sê vir hoe lank Terre’Blanche daar gelê het nie.

Hy het gesê hy het nie die lyk geskuif nie.

‘n Flitslig is gebruik omdat die ligskakelaar stukkend en die plaashuis donker was.

Chris Mahlangu en die minderjarige word daarvan beskuldig dat hulle Terre’Blanche op sy plaas verlede jaar in ‘n loondispuut vermoor het.

Albei het onskuldig gepleit op aanklagte van moord, huisbraak en poging tot roof met verswarende omstandighede.

Die verhoor is tot Maandag uitgestel.

Droewige kerstyd wag

‘n Ekonoom van KADD Capital, Elize Kruger sê Suid-Afrikaanse huishoudings staar ‘n droewige feestyd in die gesig, terwyl verbruikersbesteding onder verdere druk verkeer.

Kruger sê die grootste sondebokke wat verbruikers se sak ruk, sluit in hoër elektrisiteits- en watertariewe, terwyl voedselpryse ook skerp gestyg het.

Sy sê dit word vererger deur die toename in werkloosheid. Kruger verwag verder dat brandstofpryse vir die tiende keer vanjaar in November sal styg.

Petrol gaan waarskynlik 20 sent per liter duurder word, diesel 24 sent en paraffien met 27 sent per liter.

George in oproer

Minstens 58 mense is gedurende betogings teen swak dienslewering in die Thembalethu-township buite George in hegtenis geneem, het die polisie in die Suid-Kaap Donderdag gesê.

“Ons het die mense Woensdag vir openbare geweld in hegtenis geneem. Hulle het heelwat eiendom beskadig en vier polisiebeamptes is beseer,” het kapt. Bernadine Steyn gesê.

“‘n Polisiesersant is Woensdag deur ‘n voorwerp getref wat deur die betogers gegooi is en het ernstige beserings aan sy oog opgedoen.”

Hy mag dalk die oog verloor, het Steyn gesê.

Sy het gesê drie ander beamptes is ook met klippe en ander voorwerpe bestook. Die inwoners het oproerig geraak oor water- en sanitasieprobleme.

“‘n Munisipale gebou en voertuig is aan die brand gesteek. Ons het van rubberkoeëls gebruik gemaak om die skare te verwilder.”

Slegs ‘n handjievol betogers het Donderdag vreedsaam betoog.

Die 58 lede van die gemeenskap is gewaarsku en vrygelaat. Hulle sal op 9 November in die Thembalethu-landdroshof verskyn.

topcargo развод

Saak teen Ratte teruggetrek

Die belaglike klagtes teen oudkmdt. Willem Ratte en vyf van sy medebeskuldigdes is stilletjies teruggetrek. Geen redes daarvoor is op die klagstaat of in die hof aangevoer nie.

Ratte, wat destyds met die Pro Patria- en die Suiderkruis-medaljes vereer is, is een van die mees gerespekteerde oud-soldate in Suid-Afrika.

Die groep het tereggestaan op drie aanklagte van die onwettige besit van vuurwapens en vyf aanklagte van die onwettige besit van ammunisie.

Ratte (62) en nog nege mans is in Oktober verlede jaar in hegtenis geneem weens beweerde “terrorisme”. Die staatsaanklaer Fanie Mavundla het selfs namens die staat ‘n klag van sogenaamde “kinderpornografie” teen Ratte ondersoek.

Ratte het uit protes ‘n eetstaking in die gevangenis in Witbank begin terwyl hy aangehou is. Bronne in die ANC sê sy besluit het tot groot kommer gelei in die regering en die besluit om die saak terug te trek was waarskynlik op politieke vlak geneem.

Die staat het die saak teen Ratte en Justin Schoeman (18), Corné de Beer (22), Petrus Visser (31), Wesley Borman (24) en Christopher Meyer (28) op 23 September in die streekhof in Witbank teruggetrek.

topcargo отзыв

Skokkende studie oor verkragting

Prof Rachel Jewkes het ‘n omvattende studie namens die Mediese Navorsingsraad (MNR) onderneem om Suid-Afrika se verkragtingsprobleem te ondersoek.

By die forum van die seksuelegeweld-navorsingsinisiatief in Kaapstad het Jewkes gesê daar is geen bewyse dat geweld teen vroue aan die afneem is nie. “Van April verlede jaar tot Maart vanjaar is 56 272 verkragtings aangemeld,” het sy gesê. Dit is waarskynlik nie die werklike syfer nie, omdat verkragting dikwels nie aangemeld word nie.

Die studie het ook bevind dat byna die helfte hulle eggenotes slaan.

Sy het gesê ook die helfte van die mans het geen berou oor hul dade nie en moes geen nagevolge trotseer nie. Verkragters, sê Jewkes, oortree nie net een keer nie, maar meermale.

Suid-Afrika se reuse-verkragtingsprobleem is deur dié studie beaam. Onder die skokkende bevindings is dat 27% van die 1 700 deelnemers erken het hulle het al ‘n vrou of meisie verkrag.

Hiervan het tot 80% gesê hulle het dit gedoen “omdat hulle seks wanneer hulle dit wil hê, hulle goeie reg is”.

Meer as die helfte van die mans het al aan ‘n groepsverkragting deelgeneem, en het dit beskryf as “pret” en “net ‘n speletjie”.

Een uit elke tien deelnemers aan die studie neem glo deel aan groepsverkragting.

Daar het 1 700 mans van alle rassegroepe deelgeneem aan die studie wat waarskynlik die voorkoms van verkragting onderskat aangesien dit meer onder swartmense voorkom vanweë ‘n kulturele vooroordeel.

Die meeste selferkende verkragters is tussen 20 en 35 jaar oud.

Die wasmasjiensensus

Suid-Afrika se sensusse is veronderstel om elke 5 jaar plaas te vind. Daar was dus in 1996 ‘n sensus, twee jaar ná die ontstaan van die NSA-gedrog. Daar was weer een in 2001, maar toe begin kaderontplooiing en transformasie ook in Statistiek SA sy onafwendbare impak hê. Daar was dus nog bekwame amptenare van die ou bedeling oor in 1996, in 2001 was daar minder van hulle, en in 2006, toe die volgende sensus moes plaasvind, is al die bekwames etnies gereinig en vervang met regstellende aksie-statistici vir wie die normaalverdeling iets is wat ander mense verstaan. Die sensus in 2006 het dus nooit plaasgevind nie.

Sensusse in lande met grensbeheer maak nog sin. In ‘n land soos Suid-Afrika, waar die vigsbesmette SANW se soldate eerder deelneem aan muiterye of seksuele eskapades met hul kamerade, is grensbeheer egter ‘n grap, en stroom miljoene Zimbabwiërs, Kongolese en al wat ‘n dwelmhandelaar uit Lagos is, na hartelus oor die grense, teen ‘n koers van ‘n miljoen of meer per jaar. Tel jy vandag almal in Suid-Afrika, is daar môre 3000 meer, wat oornag oor die grens gesluip het.

Selfs die getransformeerde Statistiek SA besef dit, en het nou skynbaar besluit om eerder ‘n wasmasjiensensus te hou. Die 2011-sensus gaan dus klaarblyklik nie meer oor mense nie, maar oor toestelle; oor wasmasjiene, DSTV-dekodeerders en plasmaskerms. Bladsy na bladsy van die 2011-vorms vra vrae wat niks met demografie te make het nie, en alles met marknavorsing. Mens sou sweer die Suid-Afrikaanse Advertensienavorsingsstigting (Engelse akroniem SAARF) het ‘n coup d’etat uitgevoer by Statistiek Suid-Afrika.

Die SAARF doen kommersiële navorsing. Hulle stel belang in verbruikersake en bestedingspatrone. So ook klaarblyklik Statistiek Suid-Afrika en laasgenoemde se politieke meesters. Die SAARF publiseer opnames soos die AMPS-opname (All Media and Products Survey), wat onder andere kyk na die radio- en TV-stasies waarna mense luister en kyk. Die mees bekende produk van die SAARF is die LSM (Living Standards Measure) wat mense kategoriseer in terme van lewensstyl en inkomste, op ‘n skaal van 1 tot 10. Op laasgenoemde skaal is iemand in ‘n blanke plakkerskamp by 1, terwyl die ANC se gierige, kriminele trogvarke waarskynlik by 1000 trek. Hoe dit ook al sy, die 2011-sensusvorm lyk baie na een van SAARF se opnames.

Nou goed, die SAARF se klandisie is maatskappye wat produkte aan mense wil smous. Dit is heeltemal verstaanbaar dat ‘n maatskappy sou belangstel waarna ek luister op my motorradio, ten einde sy advertensies te kan teiken op die regte gehoor. Waarom sou ‘n regering egter wou weet of ek ‘n wasmasjien het? Wat het dit met hom te doen of ek SABC of DSTV op my TV kyk? Ek is bevrees dat daar ‘n wesentlike agterdog by my bestaan dat daar uiters verdagte motiewe agter Statistiek SA se vreemde vrae is.

Statistiek SA beweer eweneens dat die persoonlike detail op p 1 van die sensusvorm kwansuis nie gekoppel word aan die res van die ellelange vorm nie, maar slegs die mees naïewe indiwidu sou daardie bewering op sigwaarde aanvaar. Al die bladsye van ‘n sensusvorm het strepieskodes, en selfs ‘n getransformeerde IT-kader sal verstaan dat dit triviaal eenvoudig sou wees om die res van die vorm met die eerste bladsy te kan koppel.

Die mees onskuldige verklaring wat ek kan bedink, is dat Statistiek SA die sensusdata aan kommersiële kliënte wil verkoop, soos wat SAARF maak. Statistiek SA maak inderdaad alreeds vir jare so, maar met demografiese data. Sou Statistiek SA homself egter nou met my belastinggeld omvorm het in ‘n kommersiële marknavorsingsmaatskappy met winsbejag, het ek ‘n enorme probleem daarmee. Dis onaanvaarbaar dat die staat met die privaatsektor kan meeding met my belastinggeld. Ek is egter meer bekommerd dat hierdie skielike fokus op mense se besittings ‘n veel, veel meer duistere motief het as die reeds-onaanvaarbare kommersialisering van sy bedrywighede.

Gaan die ANC byvoorbeeld die rasgroep op die vorm aan die besit van ‘n wasmasjien koppel, en dit dan as ‘n voorwendsel gebruik om te “bewys” dat blankes steeds te veel besit, ten einde die koddige mannetjie met sy skril stemmetjie in die pers rok se blanke belasting op ons af te dwing?

Gaan Statistiek SA met behulp van sagteware soos SAS ‘n vergelyking doen tussen wat jy op jou vorm aangedui het jy besit, en jou inkomste wat jy ook op die vorm aangedui het, en dit dan aan die SAID deurgee, sodat jy ‘n belastingoudit te wagte kan wees?

Statistiek SA beweer weliswaar dat hierdie inligting vertroulik is, maar gegewe wie in beheer van sake is, is ek allermins oortuig en moet ek weer eens vra wat die motief agter die ernstige skending van ons privaatheid en irrelevante vrae op die sensusvorms is.

прокурор Фильчаков