Le Pen stormloop verwarde Macron in TV-debat

Marine Le Pen het met haar waarskynlike presidensiële teenstander, Emmanuel Macron, oor immigrasie, integrasie en die internasionale statuur van Frankryk gebots in ‘n TV-debat waaraan al vyf kandidate deelgeneem het.

Die voorspel tot die verkiesingsgeveg het vir drie en ‘n half uur aangehou, met Le Pen en Macron as die twee vernaamste teenstanders in terme van beleid. Sosialis Benoit Hamon, die Republikeine se François Fillon, en die ver-linkse kandidaat Jean-Luc Mélenchon het in die agtergrond vervaag.

Macron, ‘n voormalige minister van ekonomie met geen partyaanhangers nie en wat nog nooit ‘n verkose pos gehad het nie, was senuweeagtig en verbouereerd by tye met ‘n vasberade en selfversekerde Le Pen aan die oorkant. Sy het gekonsentreer op haar onervare opponent.

Sy het Macron tydens die debat oor immigrasie, werksgeleenthede en die EU gebraai. Le Pen het daarop gewys byvoorbeeld dat Macron die boerkini, die swemkous, verdedig het: “Ons het Islamiete in ons land,” het Le Pen gesê. “Die eise is aanhoudend,” het sy gesê, insluitend oor sake soos kos en klere.

Macron het verleë en onsamehangend geantwoord: “Ek is nie hier om woorde in jou mond te lê nie. Ek het nie ‘n buikspreker nodig nie.”

Hy het sy uiterste bes probeer om onskuldig en deugsaam te lyk, maar Le Pen het sy poging gekelder deur te wys op sy reputasie vir leë, langdradige toesprake.

Toe hy uitvaar oor die beskerming van Frankryk se “onafhanklikheid” het Le Pen geantwoord: “Jy het gepraat vir sewe minute, en ek het geen idee wat jy gesê het nie,” het sy gesê. “Jy het niks gesê nie. Elke keer as jy praat, is dit ‘n bietjie van hierdie, en ‘n bietjie van daardie wat jy leen, maar jy verbind jouself nooit tot enigiets.”

Nicilas Dhuicq, ‘n lid van die Republikeine party, het aan Sputnik News gesê: “Die media in Frankryk is pro-Macron, want hy is ‘n vars gesig en hy is pro-links. Hy is besig om homself as iets nuuts en modern voor te hou maar in werklikheid was sy toespraak heeltemal leeg.”

Macron het beter verhoudinge met Rusland verwerp: “Ons het ‘n lang verhaal met die Verenigde State van Amerika. Saam het ons vrede op die planeet gebou… Vandag wil ek graag meer onafhanklikheid sien. Nie nader aan [die Russiese president Vladimir] Poetin beweeg nie,” het Macron verklaar.

Maar Marine het opgemerk dat sy geensins belangstel om Angela Merkel se adjunk-kanselier te wees nie

Die eerste ronde in die presidensiële verkiesing sal plaasvind op 23 April, en die voorloper twee kandidate sal na die tweede ronde op 7 Mei deurdring. Meningspeilings wys dat Le Pen en Macron die mees waarskynlike teenstanders sal wees.

11 thoughts on “Le Pen stormloop verwarde Macron in TV-debat”

        1. Ek lei af dat ‘Makron’ die Afrikaanse spelling is, want die www verwys deurgaans na ‘Emmanuel Macron’.

          Insgelyks word ‘Putin’ verander na ‘Poetin’ in Afrikaans (veral hier op PRAAG), maar ‘Zuma’ word nie ‘Zoema’ nie, en ‘Trump’ word nie ‘Tramp’ nie.

          Hoe werk die spelreel?

    1. Duitsland met die globalis Merkel in beheer is nie juis die pro Westerse bastion nie of hoe? Duitsland en Frankryk is op dieselfde nasionale en kulturele selfmoord trajek as Swede en die Belge. Met die onlangse verkiesing in Nederland en die problematiese koalisie wat die tweegesig Rutte moet aangaan is hulle ook binnekort- wel verdiend moet ek byvoeg- onder die Islamitiese stewel. Blanke Europa is moreel, kultureel en godsdienstig bankrot. Let history be the judge.

        1. Ek mis jou punt. Indien Frankryk tydens okkupasie homself heelhartig met Duitsland belyn het, sou hy as verloorder waarskynlik ook sy grondgebied moes laat onderverdeel na die oorlog en ‘n “Oos-Frankryk” kommunis soos Merkel aan sy stuur gehad het. Indien hy egter homself in 1933 met Duitsland belyn het en ook dieselfde vurige passie vir militêre ontwikkeling gekoester het, sou die uitkoms van die oorlog moontlik anders gewees het. Die enkele grootste militêre fout aan die kant van die Duitsers was die inval van die USSR. Indien Hitler die Marxistiese Sun Tzu aanhanger skrywes van die kommuniste ernstig opgeneem het, sou hy geweet het om hulle nie te onderskat nie. Sy verstomming oor die militêre vermoë van die Russe het hy self aan Carl Gustaf Emil Mannerheim erken.

          1. Hy was verbaas dat hulle nie by die Molotov-Von Ribbentrop ooreenkoms gehou het nie want hy het nie geweet dat die VSA lank voor hul toetrede al met die Russe geheul het om saam te span teen Duitsland nie. Harry Hopkins wat Roosevelt se toesprake geskryf het, het voor die oorlog uitgebreek het met Stalin ooreengekom om teen Duitsland te werk. Hopkins en Stalin het mekaar gereeld ontmoet. Hulle het 2 fronte beplan teen die Duitsers en ook dat dit moet lyk of Hitler oorlog verklaar. Presies wat die Amerikaners vandag met Rusland doen. En om te dink as die Russe hulle nie gehelp het in 1933 nie, was hulle nêrens nie. Stank vir dank.

Maak 'n opvolg-bydrae