Oostenryk het byna die eerste Europese Unie-lidland geword wat ‘n ver-regse staatshoof verkies het, maar ‘n skietery het dit verhoed.
Voorlopige uitslae láát Sondag het Norbert Hofer van die Vryheidsparty (FPO) ‘n voorsprong van 3,8 persentasiepunte gegee.
Maar drie mense is dood by ‘n konsert in die dorp Nenzing in die weste van Oostenryk terwyl inwoners by die stembusse was.
‘n Sewe-en-twintigjarige man het op konsertgangers geskiet en twee mense is dood. Elf mense is in die voorval gewond. Die man het homself daarna doodgeskiet.
Volgens die polisie het die aanvaller ‘n rusie met sy vriendin gehad waarna hy ‘n vuurwapen in sy motor gaan haal het. Hy het voor die voet op die sowat 150 mense losgebrand wat die konsert bygewoon het.
Die skietery het die regse kandidaat Hofer se kanse bederf aangesien hy ‘n voorstander van vuurwapens is. Die haarbreedte voorsprong van net 144 006 stemme is uitgewis met die tel van ongeveer 700 000 posstemme na die skietery.
Hofer, die 45-jarige vuurwapenentoesias, het groot steun onder Oostenrykers wat ongemaklik is met die rekordaantal asielsoekers wat Europa verlede jaar tydens die vlugtelingkrisis binnegestroom het en kriminaliteit laat verhoog het.
Die verlinkse Alexander van der Bellen van die Groenparty het die anti-immigrasie kandidaat van die Vryheidsparty, kon Hofer net-net verslaan het.
Die uitslae van die verkiesing vir die grotendeels seremoniële amp is senuagtig in Europa afgewag. Die Vryheidsparty het sy teleurstelling met die nederlaag uitgespreek, maar rekordgetalle in steun verwelkom.
Die 72-jarige Van der Bellen sou sonder die skietinsident nooit die pyp gerook het nie, aangesien Hofer voorgeloop het.
Indien Hofner verkies is, sou Oostenryk die eerste lidland van die EU wees met ‘n verregse staatshoof.
Hofer se voorganger, Jörg Haider is onder vreemde omstandighede in ‘n motorongeluk oorlede.