Twee renosterkoeie is doodgemaak en van hulle horings gestroop by die Tala-privaatwildreservaat naby Pietermaritzburg, het RSG berig.
Die jongste voorval bring die getal renosters wat tot dusver vanjaar in Kwazulu-Natal gestroop is, op 41 te staan.
In dieselfde tydperk verlede jaar is slegs 27 renosters gestroop. Die bestuurder van die wildreservaat, Phelelani Duma, sê hulle het gisteroggend op die twee onthoringde renosters afgekom.
Duma sê die kwessie is by die Valke aangemeld.
Volgens hom is die stropery ‘n nuwe verskynsel in privaatreservate in en om Pietermaritzburg.