Die grootste sonkrag-ontwikkelaar ter wêreld, Skypower van Kanada hoop Suid-Afrika se swart onderwysprestasie sal verbeter en brande in lokasies sal binnekort iets van die verlede wees.
Skypower het 5000 sonkragligte aan swart skoolkinders in arm gemeenskappe geskenk.
Die sonligte sal glo kerse te vervang wat swart leerlinge laataand moet gebruik waneer hulle studeer en daardeur hul skoolwerk negatief beïnvloed.
Na raming is daar 600 miljoen mense in landelike dele van Afrika wat aangewese is op die gebruik van hoogs vlambare, duur en besoedelende paraffienlampe vir lig.
Die minister van Handel en Nywerheid, Rob Davies het die skenking verwelkom.
Hy sê onderwys en opvoeding is ‘n fundamentele kwessie in Suid-Afrika wat lewens kan verbeter.