Die Franse skeidsregter van vanoggend se rugby-kampioenskapswedstryd op Eden Park in Auckland tussen die Springbokke en die All Blacks, het die toets bederf toe hy vier geelkaarte uitgedeel het.
Die Springbokhaker, Bismarck du Plessis, is van die veld af gestuur toe hy ‘n tweede geelkaart van Romain Poite gekry het, met kommentators en rugbylui wat hul koppe in ongeloof geskud het oor veral sy eerste geelkaart.
Die Bokke het 50 minute lank met net 14 spelers gespeel en het met 29-15 gewen, wat aan hulle ‘n bonuspunt vir vier drieë besorg het.
Die All Blacks is nou vier punte voor op die rugbyleer met nog twee wedstryde wat oor is. – RSG