Sake – Bladsy 15 – praag.co.za

Wallstraat bied geen skitterende loopbaangeleenthede meer nie

Beroepslui in Wallstraat probeer tans om nuwe loopbane met minder vergoeding te vind.

Meer as 76 000 werksgeleenthede in die finansiële sektor is volgens data wat deur Bloomberg saamgestel is, in die Amerikas verlore.

Die globale kredietinsinking wat 'n jaar gelede begin het, het bankiers gedwing om elders te begin soek.

Omtrent 33 000 finansiële werksgeleenthede in New York sal teen Junie 2009 verdwyn.

Michael Maloney, wat finansiële beroepslui vir Maloney Inc. rekruteer, sê dat hy nog nooit oor die afgelope dertig jaar iets soortgelyks gesien het nie.

Verkoopsmanne en handelaars in staatseffekte probeer tans alles van kroegman speel tot eiendomsagent wees sodat hulle hul betalings op versekering en skoolfonds vir hul gesinne kan bykom, sê Maloney.

хорватия виза 2015

Mosambiek gaan biobrandstofprojekte keur

Die Mosambiekse minister van landbou sê sy regering sal slegs biobrandstofprojekte goedkeur indien hulle nie met voedselproduksie bots nie.

Die minister, wat by 'n seminaar oor biobrandstowwe verlede week in Beira gepraat het, het gesê dat biobrandstowwe 'n werkbare alternatief vir ingevoerde ingevoerde petroleum verteenwoordig.

Hy het gesê sy regering is verbind tot die uitvoer van volhoubaarheidstudies oor biobrandstofproduksie.

Sleutelvoedselgewasse soos mielies, hoewel hulle maklik in biobrandstof omgeskakel kan word, kwalifiseer nie vir sulke projekte in Mosambiek nie.

Die Mosambiekse regering wil die struik jatrofa kweek.

Om jatrofasaad vir die produksie van diesel te gebruik kompromitteer hoegenaamd nie voedselsekerheid nie, aangesien jatrofa op marginale grond gekweek word en oneetbaar is.

Die twee grootste biobrandstofbeleggingsprojekte tot dusver sal van suikerriet gebruik maak om etanol te produseer.

гималайская соль в

Ekonomiese herstel hang van olieprys af

Suid-Afrika se ekonomiese herstel hang van die olieprys af, het 'n beleggingsontleder vandag gesê.

Mark Appleton, van BJM-privaatkliëntdienste, sê finansiële markte het die potensiaal om te herstel solank as wat die tempo van olieprysstygings verslap.

'n Beter olieprys sou meer buigsaamheid tot gevolg hê sover dit monetêre beleid betref, het Appleton gesê.

Inflasievrese het die sentrale banke gedwing om op beperking eerder as ekonomiese groei te fokus.

Appleton glo dat die olieprysstyging waarskynlik op laer vlakke gaan stabiliseer.

Maar hy is versigtig oor plaaslike rentekoerse en voorsien nog een verhoging van 50 basispunte.

designer bridal headbands

Woonhuismark het nog nie herstel nie

Absa-huislenings sê die volle uitwerking van die rentekoersverhogings gedurende die eerste helfte van 2008 het nog nie na die huismark deurgesyfer nie.

Die huismark gaan tyd neem om te herstel, ondanks stabiele rentekoerse.

Verbruikers het tydelike verligting ontvang toe rentekoerse verlede Donderdag onveranderd gelaat is, maar verskeie rentekoersverhogings oor die afgelope twee jaar het 'n baie negatiewe uitwerking op die prys van woonhuise gehad.

Rentekoerse het reeds 10 keer tussen Junie 2006 en Junie vanjaar gestyg.

Dié toename het tesame met skerp stygings in brandstof- en voedselpryse plaasgevind, wat koopkrag geweldig verminder het.

топкарго отзывы

Ses miljoen Suid-Afrikaners is diep in die skuld

Consumer Assist, Suid-Afrika se grootste skuldberadingsorganisasie, sê 'n beraamde 6 miljoen Suid-Afrikaners is diep in die skuld.

Dié met die meeste skuld is tussen 25 en 35 jaar oud en verdien tussen R8000 en R15 000 per maand.

André Snyman, die uitvoerende hoof van Consumer Assist sê die lae rentekoerse het 'n valse sin vir rykdom geskep en toe rentekoerse begin styg het verbruikers hulself in die moeilikheid bevind.

Snyman sê die Reserwebank se besluit verlede week om nie rentekoerse te verhoog nie is welkom.

Maar hy het bygevoeg dat dit gevaarlik sou wees om te aanvaar dat rentekoerse nie gaan aanhou styg nie.

детям Фільчаков прокурор

Anglo en MDC hou geheime samesprekings

Anglo American het geheime samesprekings met Zimbabwe se MDC gehou, volgens die Financial Times in Londen.

Anglo stel belang in winsgewende platinamynkonsessies indien Tsvangirai se party aan bewind kom.

Die Financial Times sê dat die MDC beplan om die mynbou in die land te hersien, wat oor die tweede grootste platinareserwes na Suid-Afrika beskik.

Impala Platinum se Zimplats is tans die grootste platinamyn in Zimbabwe

Angloplat besit die Unki-projek. Dit beplan om oor twee jaar met produksie te begin ondanks kritiek omdat die maatskappy in Zimbabwe belê terwyl Mugabe aan die mag vasklou.

Nóg Anglo American nóg MDC-amptenare wou onmiddellik op die artikel kommentaar lewer.

Данильченко

Koers hou

Die Suid-Afrikaanse Reserwebank se monetêrebeleidskomitee het die sleutelrepokoers onveranderd op 12 persent gelaat. Die prima-uitleenkoers bly staan op 15.5 persent.

Dit is die tweede keer sedert Junie 2006 en in 12 vergaderings dat die koers onveranderd bly. By al die ander vergaderings is die koers elke keer met 50 basiese punte verhoog.

feathered frenzy

Finansies gaan ingekort word

'n Komitee wat deur 'n voormalige visevoorsitter van die Federale Reserwebank van New York gelei word, het 'n verslag geproduseer wat 'n revolusie in die finansiële wêreld in die vooruitsig stel.

Dit stel voor dat streng beperkings op afgeleide instrumente geplaas word en dat hulle onder die beheer van reguleerders geplaas word. Kleinhandelbeleggers behoort ook teen hul ingewikkelde produkte beskerm te word.

Die verslag het 'n gunstige reaksie van groot internasionale banke ontvang.

Dit verteenwoordig die eerste institusionele stap om die rol van finansies in die VSA en die globale ekonomie in te kort.

Die ineenstorting in Februarie van die veilingsgraadsekuriteitemark het getoon dat afgeleides in die praktyk, gedurende 'n krediettekort, nie werk nie.

Die verslag stel voor dat 'n verbod op die verkoop van veilingsgraadsekuriteite aan kleinhandelbeleggers geplaas word.

free online casino

Gautengse blankes verdien meer as ander rassegroepe

Nog hoop vir blankes Foto: Catalin Stratila

Ondanks regstellende aksie, SEB en 'n gebrek aan regeringskontrakte vir blankes, verdien Kaukasiërs steeds meer as ander rassegroepe in Gauteng, Suid-Afrika se ekonomiese swaartepunt.

Volgens Unisa se buro vir marknavorsing, was die gemiddelde jaarlikse inkomste van blanke huishoudings in Gauteng in 2006 die som van R253 370, met Asiërs kort op hul hakke met R240 114. Swartes en kleurlinge staan heelwat agtertoe met die gemiddelde swart huishoudelike inkomste op R90 280 en die kleurlinginkomste op R130 101.

Die gemiddelde jaarlikse inkomste van huishoudings in Gauteng het R131 563 in 2006 bedra, met salarisse en lone wat die hoofbron van inkomste was.

Die verskillende rassegroepe het ook breed verskil wat die gedeelte van inkomste vanuit eie ondernemings betref, met 28,8% van blanke inkomste wat aan eie ondernemings toegeskryf kan word, teenoor 16% vir Asiërs. Swartes het 12,6% van inkomste uit eie ondernemings verhaal, met kleurlinge laaste op 11,3%.

обучение

China gaan die VSA as grootste vervaardiger verbysteek

China gaan aanstaande jaar die VSA as die wêreld se grootste produsent van vervaardigde goedere verbysteek.

As gevolg van die snel verswakkende Amerikaanse ekonomie het dit vier jaar vroeër gebeur as wat aanvanklik verwag is.

Global Insight, 'n Amerikaanse ekonomiese raadgewende firma, sê China sal aanstaande jaar 17 persent van vervaardigde waarde-uitset verskaf terwyl die VSA 16 persent sal voorsien.

Verlede jaar het Global Insight-ekonome voorspel dat die VSA sy topposisie tot 2013 sou behou.

Die verwagte verandering gaan 'n einde maak aan 100 jaar van Amerikaanse oorheersing.

China keer nou terug na die posisie wat dit vir sowat 1 800 jaar beklee het tot omstreeks 1840 toe Brittanje ná sy nywerheidsrevolusie die wêreld se grootste vervaardiger geword het.

Vooruitsigte vir billike handel donker

Die geloofwaardigheid van 'n sleutelstaatsinstelling wat billike handel monitor, word betwyfel nadat dit nog 'n hofgeding verloor het.

Die Internasionale Handelsadministrasiekommissie het vier hofsake oor die afgelope 12 maande verloor, met nog 'n saak wat hangende is.

Die howe het gekla oor die kommissie se gebrek aan prosedures en bevindings.

In die jongste saak het die Pretoriase Hooggeregshof Itac beveel om die storting van skokbuise te ondersoek wat van China afkomstig is.

Nadat Itac duidelike bewys van storting gevind het, is die ondersoek gestaak.

Hoofkommissaris Nomonde Maimela het raad van haar regsbeampte verontagsaam deur te sê dat indien Suid-Afrikaanse maatskappye nie hul mededingers ken nie, hulle behoort dood te gaan.

Verder wil Maimela ander maatskappye ontmoedig om antistortingsaansoeke te bring deur die verontregte party te dagvaar.

машинкі на пульту

Absa s? die boubedryf gaan floreer

Absa sê die oplewing in die boubedryf gaan tot na 2010 aanhou.

Peter Steyn, die hoof van konstruksie en infrastruktuur by Absa-korporatiewe en sakebank, sê Suid-Afrika ervaar 'n tekort aan produksievermoë.

Hy sê dit sou onrealisties wees om te verwag dat die ekonomie met 4 of 5% gaan groei indien ons nie ons vermoë uitbrei nie.

Steyn sê hoewel die 2010-sokker gehel[p het, sal toekomstige groei deur kragopwekking, padinfrastruktuur en waterverwante beleggings gedryf word.

'n Sleutel-element oor die mediumtermyn gaan die regering se beplande besteding van R600 miljard op infrastruktuur wees.

Die privaatsektor sal waarskynlik 'n mindere rol speel.

Die boubedryf het sedert die jaar 2000 met 10% per jaar gegroei.

Лобановский

Vigs in Amerika is ‘n swart siekte

Volgens 'n verslag wat verlede week verskyn het, is die Vigsepidemie onder Afro-Amerikaners in sekere dele van die Verenigde State net so erg soos in dele van Afrika.

Die verslag is deur die Swart Vigs-instituut gepubliseer, 'n MIV/Vigs-dinkskrum wat uitsluitlik op Afro-Amerikaners fokus.

Die uitvoerende hoof van die instituut, Phil Wilson, sê dat data van 2006 aantoon dat ongeveer die helfte van die een miljoen Amerikaners wat met MIV of Vigs saamleef swart is.

Hoewel swartmense slegs een uit elke agt Amerikaners verteenwoordig, is een uit elke twee mense wat met MIV in die Verenigde State saamleef swart, verklaar die verslag.

Vigs bly ook die leidende sterfte-oorsaak onder swart vroue tussen die ouderdomme van 25 en 34 en die naasgrootste doodsoorsaak by swart mans tussen 35 en 44.

Swart Amerikaners staan bokant Ethiopië en net onder die Ivoorkus wat MIV-bevolking betref.

Sowel Ethiopië en die Ivoorkus bevind hulself onder die 15 lande wat hulpfondse van die president se noodplan vir vigsleniging ontvang.

dsp ac 224 прокурор Фильчаков

Eskom op besoek aan vernaamste Europese hoofstede

Uitvoerende bestuurslede van Eskom het hul mees gedetailleerde herstelplan tot op hede op 'n besoek aan Europese finansiële hoofstede uiteengesit.

Die toer het verlede week geëindig. Eskom het met banke, kredietgraderingsagentskappe en maatskappy wat in Suid-Afrika belê, gepraat.

Hulle wou ook 'n gedeelte van die R350 miljard wat nodig is om nuwe kragstasies te finansier, bekom.

Dreigemente deur Cosatu en die stygende koste van steenkool en diesel dreig om die nutsmaatskappy in jaarlikse verliese te dompel nog voordat hy met sy kapitaalbestedingsprogram begin.

Suid-Afrika loop tans met 'n gevaarlike klein elektrisiteitsreserwe en na verwagting gaan dit tot 2012 aanhou.

Die duur van die kragkrisis hang gedeeltelik af van hoe vinnig Eskom internasionale finansiering kan bekom.

Die Eskom-bestuurspan sê dat kredietgraderingsagentskappe nou die sentrale belang van Eskom vir die Suid-Afrikaanse ekonomie na hul tog begryp.

справки купить