Die VF Plus gaan die Kommissie vir die Bevordering en Beskerming van die Regte van Kultuur-, Godsdiens- en Taalgemeenskappe en die Pan-Suid Afrikaanse Taalraad vra om ondersoek in te stel na die sensurering van die volkslied tydens die openingseremonie van die Konfederasie Bekerkompetisie, Sondag.
Die party het verskeie klagtes ontvang van lede van die publiek wat ontsteld is oor die feit dat die organiseerders van die openingswedstryd slegs ‘n verkorte weergawe van die volkslied uitgesaai het, waarin die Afrikaanse deel van die Stem spesifiek weggelaat is.
Die VF Plus se parlementêre woordvoerder oor Sport, Willie Spies, het in ‘n verklaring gesê die volkslied is ‘n nasionale bate wat op ‘n treffende manier erkenning gee aan al die land se taal- en kultuurgroepe.
“Dit is onaanvaarbaar dat die erkenning wat aan die Afrikaanse erfenis gegee word in ‘n belangrike nasionale simbool soos die volkslied op die manier by ‘n internasionale geleentheid misken is. Daar behoort vasgestel te word of die voorval geïsoleerd was en reëlings behoort getref te word om ‘n herhaling van die gebeure te voorkom.”
Leave a Reply
You must be logged in to post a comment.