Ek het vroegoggend op hierdie herdenking van daardie dag weer Dan Roodt se artikel gelees. Toevallig verwys hy juis in die laaste paragraaf na die sogenaamde Boeremag met al die toevallighede daarom heen – die Paleis van Justisie, die Rivonia-verhoor, die prokureur betrokke met die naam van Paul Kruger, die juridiese aspekte.
Min het ons daardie dag geweet dat Meimaand ook ons geskeidenismaand sal bly.
Op 3 Mei 2006 kry Herman van Rooyen en Rudi Gouws dit reg om uit die Hooggeregshof te ontsnap en agt maande soek te bly.
Op 16 Mei vanjaar sterf Herman Scheepers, beskuldigde nr. 5 in die saak. Hy is vandag(19 Mei) op Piet Retief begrawe. Hy het maande lank stukkie vir stukkie gesterwe aan die gevolge van ’n breinvirus. As gevolg van die erns van sy siekte het hy darem borg gekry en sy vrou en dogters kon hom sy laaste dae in hul eie huis versorg.
Net laas week het die 138ste getuie begin getuig. ’n Senior Superintendent (hanteerder van die eerste getuie) is in terme van artikel 204 van die Strafproseswet gewaarsku dat hy slegs vrywaring kan kry van moontlike strafregtelike vervolging indien hy die hof kan oortuig dat hy die waarheid praat. Die klagtes: besit van ’n onwettige vuurwapen, besit van plofstof en meineed. Meineed: oor getuienis wat hy in die onderskeie borgaansoeke van beskuldigdes 1 tot 4, wat steeds in aanhouding is, gelewer het.
Dan Roodt se artikel het my daardie tyd al daarop gewys, dat toevallighede in geskiedenis verander en ek het daardie dag op die trappe besef dat ons midde in die geskiedenis staan. Sy aanhaling van Andrè Malraux het aan my kom klou:
“Vir my het die politiek nog nooit bestaan nie. Wat wel bestaan, is geskiedenis.”
Anita du Plessis is een van die “Boeremagvrouens” wie se mans tans aangehou word en op aanklagte van hoogverraad verhoor word.
Leave a Reply
You must be logged in to post a comment.