Motoriste in Gauteng in die omgewing van OR Tambo-lughawe, is gewaarsku dat vertragings voorkom na die Internasionale Lughawe aan die Oos-rand waar meter-taxibestuurders paaie versper het uit protes teen die Uber-vervoerstelsel.
‘n Gedeelte van die N24 na die lughawe word versper tussen Edenvale en die Barbara-afrit. Die rede vir die protesoptrede hou verband met teenstand teen Uber-voertuie wat die taxi’s as ongewensde mededinging beskou.
Motoriste word aangeraai om die N12 te gebruik. Verkeer word reeds erg ontwrig, veral vanaf die Gilooleys-wisselaar en die R21-oos word ook geraak.
JHB – #AVOID: R24 Highway (Update), Metered Taxi Driver Protest: @ortambo_int pic.twitter.com/S259zt2Cvf
— Rob Byrne (@TrafficSA) March 10, 2017
Polisie het gesê die protes raak die R21, R24 en N12 hoofweë, en is onwettig. Hulle dreig om metertaxi’s te verwyder en diegene wat betrokke is in hegtenis te neem.
Paaie oral in die omgewing van Pretoria en Kempton Park word geraak deur motoriste wat van ompaaie gebruik maak om die versperrings te vermy.
Wys jou net. Die vryemarkstelsel kry hul onder.
http://www.biznews.com/asset-management/2017/03/09/black-investors-anc/.
So neem die skaal en die intensiteit van die oefeninge toe.
Nou wat van die wetsgehoorsame landsburger wat nou al vir weke by die werk probeer uitkom, – met of sonder Uber-taxis? Nou gaan ‘n brandstofstaking ook na bewering aanstons begin. Wat is die impak hiervan op die land se ekonomiese lewering? Ek dag dan al ons “leiers” (en ons mense/ werkers) is so begaan oor ekonomiese groei en werkskepping … ?
dis wat gebeur as die “majority” mense regte gegun word….