‘n Jong Jood van Sandton, Ben Sasonof, bevind hom tans midde-in Suid-Afrika se soveelste Facebook-rasseherrie. Soos Penny Sparrow voor hom, het hy hom oor die swart strandgangers in Durban uitgelaat, en sommer terselfdertyd vir president Jacob Zuma beledig. In ‘n Facebook-inskrywing wat oral deur die Suid-Afrikaanse en selfs oorsese media aangehaal word, het Sasonof blykbaar gesê:
Die implikasie is duidelik: swartes op die strand stink. Terwyl Penny Sparrow vervolg en beboet is omdat sy gesê het dat swartes op strande “soos ape” rommel rondstrooi, lyk Sasonof se stelling oor die reuk van swartes op die oog af erger.
Op sy oorspronklike Facebook-glansfoto, wat hy egter intussen verwyder het, poseer Sasonof met ‘n groepie vriende wat duidelik Jode is en waarvan een in die tradisionele swarthoeddrag geklee is. Indien Sasonof self Joods is, wat deur sy voornaam en van gesuggereer word, verleen dit ‘n verdere etniese dimensie aan die voorval, omdat daar nou vir die eerste keer sedert 1994 sprake van onmin tussen Jode is: die ANC-jeugliga in Durban het reeds aangedui dat hy van plan is, soos in die geval van Penny Sparrow, ‘n klag van crimen injuria teen Sasonof aanhangig te maak.
Op ‘n navraag van PRAAG, het die Suid-Afrikaanse Joodse Raad van Afgevaardigdes ‘n verklaring uitgereik waarin hulle Sasonof se uitlatings verwerp.
Volgens Wendy Kahn, voorsitster, is dit “met ‘n gevoel van déjà vu dat die SA Joodse Raad van Afgevaardigdes nogmaals die uitlatings van ‘n ander Suid-Afrikaner, Ben Sasonof, veroordeel vir soortgelyk aanstootlike kommentaar wat hy oor die Durbanse strand dié naweek gemaak het.”
Die Joodse Raad verwerp alle vorme van rassisme en hoop om binnekort die Wet op haatmisdaad geïmplementeer te sien.
Die verklaring lui voorts: “Alle vorme van rassisme is onaanvaarbaar in ‘n Suid-Afrika waar ons daagliks daarna streef om ‘n kultuur wat op menseregtebeginsels en waardigheid en vryheid vir almal gegrond is, vir almal wat in die land woon. Die SAJRA doen ‘n beroep op alle Suid-Afrikaners om op te staan en teen diskriminasie te veg waar dit ook al te vinde is. Ons het so pas Versoeningsdag gevier, en nou, maar as ooit, behoort ons daaraan toegewy te wees om ‘n nie-rassistiese land te bou.”
Op Facebook was Sasonof ook in ‘n onderonsie met ‘n Moslem betrokke waarin hy hom soos volg uitgelaat het, asook beweer dat hy nie ‘n rassis is nie omdat hy met ‘n “swart meisie uitgegaan het”.
Leave a Reply
You must be logged in to post a comment.