Die Suid-Afrikaanse minister van staatsveiligheid David Mahlobo het Maandag aangekondig dat Arthur Fraser, ‘n bruin man, as nuwe direkteur-generaal en rekenpligtige beampte van sy departement aangestel is.
Fraser (foto), ‘n voormalige adjunk-direkteur-generaal in die voormalige Nasionale Intelligensie-agentskap, het Maandag ná sy aanstelling begin werk en sy pos is reeds deur president Jacob Zuma bekragtig, het Mahlobo in ‘n verklaring gesê.
“Hy bring met hom saam ‘n groot begrip en kennis van die intelligensie-omgewing en sy slim bestuurservaring sal help om die organisasie vorentoe te dryf,” het Mahlobo gesê.
“Ons glo mnr Fraser is opgewasse vir die taak en sal die nodige leierskap bied wat sal verseker dat die Agentskap in staat sal wees om sy grondwetlike en wetlike mandaat na te kom in die handhawing van nasionale sekuriteit.”
In 2009 het die Mail & Guardian berig dat Fraser die man was wat die sogenaamde spioenasiebande aan prokureurs van Zuma uitgelek het, wat daartoe gelei het dat die 783 aanklagte van korrupsie teen Zuma teruggetrek is.
Vroeër vanjaar het die hooggeregshof in Pretoria het egter gesê die besluit om klagtes teen die president te laat vaar was “irrasioneel”.
Dit lyk na ‘n een van die tipiese vetkat “agtergebelewenes” van die nuwe Suid-Afrika. Op wie en wat moet hy nogal spioeneer? Beslis sal sy belangrikste taak wees om op wittes te spioeneer. Hy gaan nou Praagberigte in die geheim lees om vas te stel hoe die “regses” dink.
As dit sy werk gaan wees, werk hy vir die Neocons.
Dit word reeds gedoen. As jy die internet gebruik is dit 100% moontlik dat jy op gespioeneer gaan word. Whatsapp (oorgekoop deur spioennetwerk Facebook) word veral gebruik. Mense val vir die ‘encrypted messages’ aanduiding. Dit is nie. FB is lief om mense soos Merkel uit te help.