Man in Springs met R50 miljoen se goud betrap

‘n Onbekende man (31) is in hegtenis geneem in Springs Maandag vir die besit van onverwerkte goud ter waarde van R50 miljoen.

‘n Woordvoerder van die Valke in Noordwes, Tlangelani Rikhotso, sê die onverwerkte goud was versteek in die enjinkompartement.

Die verdagte is Maandagaand in hegtenis geneem in Springs, nadat Valkelede inligting ontvang het van ‘n voertuig wat gebruik word om goud te smokkel van Noordwes na Gauteng.

Blykbaar was die verdagte alleen in ‘n silwer Audi A6 op pad toe die Valke toegeslaan het.

Hulle het die voertuig deursoek en die onverwerkte goud in die Audi se enjinkompartement gekry.

Die verdagte verskyn vanoggend in die Springs-landdroshof.

9 thoughts on “Man in Springs met R50 miljoen se goud betrap”

        1. Nee wat. My ondervinding met moderne motors het my laat uitwyk na die minder tegnologies gevorderde motors. Hy ry nie so sag nie, maar hy ry. Gewoonlik kry jy die meeste probleme met die klokkies en fluitjies van die nuwerwetse twak en dan kos die goed jou ‘n fortuin. Ek is ‘n goeie (amateur) werktuigkundige en em kon nog maklik aan die K-Jetronic en sulke tipe brandstofinspuiters werk, maar die nuwes kan jy net nie regmaak nie en die klompe sensors en goed maak dit onmoontlik as jy nie DUUR rekenaartoerusting het nie. Ek het gesien hoe werktuigkundiges met ‘n Volkswagen vir 3 weke sukkel om ‘n fout met die petrolstelsel op te los. Op die einde was dit een van die sensors wat nogal nie te veel gekos het nie, maar die werk aan die kar het ‘n fortuin gekos. Nee, ek wil die goed nie hê nie.

          Familie van my het gesukkel met ‘n Volkswagen met olie in die water. Die “satanic mechanics” pluk toe die silinderkop af om die koppakstuk te vervang, maar sonder om die kompressie eers te toets – Rbaie vir die eienaar. Dir was toe die water-oor-oliekoelerwat gelek het en waar olie dan in die watersisteem ingepomp was. Nee wat, hierdie karre is nie vir Afrika nie.

          Soos ek die kode van die kleure in die enjinkompartement van hierdie kar verstaan is die gekleurde proppe en goeters al waar jy mag vat as jy nie die werktuigkundige is nie. Ek weet dat simpel Mercedes so is.

          2. Ek het al baie na hierdie soort DDM verwys an ‘n Donn…. Duitse Motor, maar ek kan hom maklik regmaak. Wanneer die nuwe Kombi se motor lol is hy ook ‘n Donn.. Duyitse Motor. Dis net soos hierdie Amarok met die 2 turbo’s en diesel. Daar is 3 redes hoekom ek nie van hom hou nie 2 turbo’s en diesel. Wanneer daardie 3 goed lol en jy moet betaal is die Amarok gou gou ‘n Amafok.

Maak 'n opvolg-bydrae