praag.co.za

VSA dreig SA met opskorting van AGOA

Written by

praag

in

,

President Barack Obama het Suid-Afrika 60 dae gegee om te reageer om die AGOA-ooreenkoms te red.

Die African Growth and Opportunity Act (AGOA) is ‘n handelsooreenkoms wat die vrye invoer van Amerikaanse landbouprodukte in ruil vir uitvoervoordele behels.

Amerika sê Suid-Afrika het onder meer onnodige sanitêre vereistes vir Amerikaanse vark- en beesvleis ingestel, nadat pluimveeprodukte verlede Desember na ‘n uitbreking van voëlgriep verbied is.

Suid-Afrika sal die voordele ingevolge die wet op Afrika Groeigeleenthede prysgee, indien die hindernisse rakende Amerikaanse hoender- en vleisuitvoere nie uit die weg geruim word nie.

Die verlies aan voordele beloop na raming bykans R100 miljoen.

Suid-Afrika het ‘n spertyd van 15 Oktober misgeloop om op nuwe reëls vir invoere van Amerikaanse pluimvee- en vleis-produkte ooreen te kom.

“Ek neem hierdie stap omdat Suid-Afrika voortgaan om beperkings aan langdurige Amerikaanse handel te stel, insluitend hindernisse wat op sekere Amerikaanse landbou-uitvoere geld,” het hy gesê in ‘n brief aan die Kongres.

Vrye toegang tot Suid-Afrika vir Amerikaanse handel en belegging is een van die kriteria vir lidmaatskap van AGOA.

Die ooreenkoms is vroeër vanjaar hernu en bied belastingvrye toegang tot goedere van sub-Sahara Afrika-lande, wat wissel van ru-olie tot klere.

In 2014 het Suid-Afrika $176 miljoen se landbouprodukte na die Verenigde State uitgevoer onder AGOA.

Produkte wat geraak word sluit lemoene, wyn, makadamianeute en sitrussap in, volgens Amerikaanse data.

Comments

13 responses to “VSA dreig SA met opskorting van AGOA”

  1. Johan Avatar
    Johan

    Wee ons, diè probleem tesame met die Wet op die Beskerming van Beleggings wat onlangs aanvaar is, is net rooiligte.
    Al word die AGOA probleem opgelos, gaan art 4 van voornoemde wet in elk geval beleggings beperk. Hier verwys ek spesifiek na die oprigting van produktiewe maatskappye (fabrieke, ens) deur buitelanders.
    Alle ondernemings is nou onderworpe (of dan minstens na ondertekening van die wet) aan AA, BEE, en die ander twak.
    Die beskerming wat bilaterale ooreenkomste (daar is 46 die afgelope tyd opgesê) aan veral Amerikaanse, en die westerse lande bied, behoort nog tussen 10 tot 20 jaar te geld in terme van die ooreenkomste.
    Die voornoemde wet bepaal egter dat die beskerming nie meer sal geld nie. Volgens internasiole reg geld die bilaterale ooreenkomste in die eerste plek en die munisipale (die betrokke land) wetgewing in die tweede plek.
    Graaff-Reinette se plase is, volgens my inligting omtrent geheel in die besit van buitelanders. Wat gaan die effek van grondgryp hier en elders wees.

    1. Gas Avatar
      Gas

      Dis nog ‘n rede waarom die Afrikaner hom moet loswikkel uit die regime en sy staatsbestel. Ook die regime se verdrae.
      Dankie vir die agtergrondinligting. As daar nog is, plaas dit maar op Praag, dit help.

      1. Johan Avatar
        Johan

        Wat die grondkwessie betref – hier gaan daar nog ‘n bitter stryd wees. Dit gaan na alle waarskynlikheid die kantelpunt wees. Dit sal buitelanderse eienaars veral raak.
        So 2 jaar terug het Zim mos ‘n Duitser se grond wou vat. Dit het net ‘n oproep van Merkle gekos om ‘n stokkie voor die gryp te steek.
        Die rol van die WHO (handelsorg) en die ooreenkomste daar aangegaan is nie deur die regering verdiskonteer met die aanvaarding van die wet nie. Hier gaan die naledi’s hulle ook vasloop.

        1. Gas Avatar
          Gas

          Gewis gaan die grondkwessie hoe later hoe kwater word, die die kwessie is totaal deur die skeppers van die NSA onderskat, Pik Botha wat dit ruiterlik in ‘n artikel in die Farmers Weekly ‘n paar jaar gelede erken het.

          1. Riempies Avatar
            Riempies

            Pik Botha het presies geweet wat hy doen – hoekom is die
            land skielik ononderverdeelbaar gemaak in die nuwe grondwet van die NWO? Hy het Kissenger toegelig oor die Afrikanerhart t.o.v. sy grond en om hulle kans op onafhanklikheid finaal onhaalbaar te maak.

          2. Gas Avatar
            Gas

            Ek skryf maar net dat ek dit in Farmers Weekly gelees het. Ek weet ook Pik was betrokke by die Broederbond se ad hoc-komitee oor grond en eiendomsreg en tien teen een nog lid daarvan, die komitee wat vir ‘n paar jaar “ondergronds” was (ha-ha… ‘n komitee oor grond wat “ondergronds” gaan!), maar nog heel tyd aan die werk is, ‘n studiestuk van ‘n ander lid van die ad hoc-komitee, Werner Weber, wat pas verskyn het. Hoop maar mnr. Weber, so ver ek weet ‘n vooraanstaande VF Plusser, vertel vroeër of later meer van die inhoud van sy werk en dat wat hy daarin, nogal net in Engels, geskryf het nie net as vertroulike inligting vir Afrikanerbondlede se oë bedoel is nie.
            Dit slaan ‘n mens in ieder geval dronk dat sulke “navorsing” nou eers deur die Afrikanerbond gedoen word, nou dat die teerling gewerp is, ‘n mens wat met die roekelose oortuigingskrag van die Broederbond gaan staan en nuwe grondwette vir ‘n land opstel sonder om eers vas te stel waar hy gaan staan wat eiendomsreg en grondbesit betref as so ‘n grondwet/te eers van krag is.
            Maar miskien moett mnr. Weber maar self verduidelik, mnr. Weber wat op sy dag ‘n HNP-kandidaat in verkiesings was.

  2. Riempies Avatar
    Riempies

    En toe vang slim sy eie baas of hoe Amerika?

    1. Ou Transvaal Avatar
      Ou Transvaal

      Dit blyk dat McDonalds in Amerika markaandeel verloor op pad na bankrotskap ,daardie hoender moet erens heen,dit is ook die geval met vele Amerikaanse vleisprodukte met die inkrimping van China mark.So dit is na Afrika om oortollige produkte te stort.

  3. Craig Avatar
    Craig

    The Times of London reported in 2000: “US military scientists … are working on weather systems as a potential weapon. The methods include the enhancing of storms and the diverting of vapor rivers in the Earth’s atmosphere to produce targeted droughts or floods.”

    Also read: http://www.wmo.int/pages/prog/arep/wwrp/new/documents/WM_statement_guidelines_approved.pdf

    Climate currently in Ghana. Not only have changing rainfall patterns devastated the hydro-electric system, it has become extremely hard for farmers. The last decade has seen the highly predictable wet and dry seasons become wildly unpredictable. It has been unseasonally raining heavily all over Ghana. The situation is extremely difficult for farmers. Mango farmers are now praying for relief from the rain for the next six weeks or the mangoes won’t flower. The continuing rains may already have adversely affected next year’s harvest.

    Climate currently in SA is drought, drought and more drought.

    1. Rudi Avatar
      Rudi

      Regtig? So jy dink USA met al hul natuurlike rampe beheer die natuur? Jy moet wakker skrik. Dink jy Zuma en kie moet bande breek met USA. Dink jy China is die Engel wat wag vir SA? Jy is ‘n dwaas

      1. Johan Avatar
        Johan

        My seuns doen kontrakwerk vir ‘n Chinese maatskappy. Die versoek met elke kwotasie is elke keer, “give better price”.
        Hulle verskaf al die materiaal in sekere projekte, my seuns moet die arbeid en bestuur verskaf.
        As enige een dink ons heil lê net in China, moet diè twee keer dink.
        Die Chinese vra twee pond vleis vir elk pond (rand) wat hulle gee.

        1. Riempies Avatar
          Riempies

          Johan ons weet dit – dit is die swartes wat dit moet
          agterkom, as dit nie alreeds vir hulle te laat is nie.

  4. Kalium_Chloraat Avatar
    Kalium_Chloraat

    Toets die Amerikaanse hoender vir hormone, dit sal gou rede gee teen die invoer daarvan.

Leave a Reply

More posts