President Jacob Zuma het die onderneming gegee dat die regering voortaan hofbevele sal respekteer en daaraan gehoor sal gee.
Zuma het Donderdag ‘n vergadering tussen die regbank en die regering – die heel eerste in die demokratiese bestel – gelei ná klagtes oor beweerde onregverdige aanvalle op die land se howe.
Zuma het gesê die vergadering het positiewe resultate opgelewer. Hy het gepraat ná die spesiale vergadering wat met Hoofregter Mogoeng Mogoeng, adjunkpresident Cyril Ramaphosa en verskeie ministers in Pretoria gehou is.
Mogoeng het die vergadering in Julie aangevra nadat aanvalle en openbare kritiek op die regbank uit veral ANC- en SAKP-geledere ’n hoogtepunt ná die Omar al-Basjir-sage bereik het.
Mogoeng het ontken dat daar ‘n konstitusionele krisis op hande is. Hy sê “diep nadenke” en “harde institusionele selfondersoek” is al wat nodig is.
Hy het ander partye aangeraai om te luister na vrae wat moontlik die waarheid kan bevat en kan lei tot selfkritiek.
Mogoeng sê die regbank het nie sy verpligtinge oorskry nie.
Die sekretaris-generaal van die ANC, Gwede Mantashe het vroeër vanjaar gekla dat die regbank se betrokkenheid soms te ver strek, met verwysing na verskeie beslissings wat teen die staat gemaak is.
Eintlik sê hy maar seker vir die regbank om in hulle spoor te trap – dit is mos wat mantashe so ‘n ruk terug kwytgeraak he.
Zuma se bek is net groot. Hy het nog nooit by enige belofte gehou nie. Kom ons kyk as hy weer gedagvaar word.
So vêr as wat die Ooste van die Weste verwyder is, is die linkeroog van zuma ten opsigte van sy regteroog verwyder…