Dzhokhar Tsarnaev (21) is Woensdag skuldig bevind in verband met die Bostonse Marathon-bomontploffings en kan waarskynlik die doodstraf te wagte wees, het ANA berig.
Tsarnaev se skuldigbevinding kom nie as ‘n verrassing nie, aangesien sy regsverteenwoordiger van die begin af sy rol in die aanval erken het. Hy is op al 30 aanklagte teen hom skuldig bevind en op 17 van die aanklagte kan hy die doodstraf opgelê word.
Die bomontploffings op 15 April 2013 het drie lewens geëis en 264 mense is beseer.
Dzokhar en sy broer, Tamerlan, het twee drukkokerbomme by die eindstreep van die marathon laat ontplof. Tamerlan is dae na die ontploffing dood toe hy deur die polisie geskiet en deur sy broer omgery is tydens ‘n chaotiese ontsnappingspoging. Dzokhar se regsverteenwoordiger het aangevoer dat hy onder sy broer se invloed was.
Tydens die volgende fase van die verhoor sal aanklaers verswarende omstandighede aan die hof voorlê ter ondersteuning van die doodstraf.
Nog ‘n valse vertoning:
https://buelahman.wordpress.com/2013/04/20/are-you-just-a-believer-or-do-you-think/
Good analysis. Here is more on Iran, still the same ‘theatre company’: https://firstlook.org/theintercept/2015/04/07/10-things-didnt-know-weve-done-iran/