Sewe huiskomiteelede van Hombré-manskoshuis is voorlopig van pligte onthef, berig die NWU-PUKKE se Facebookblad. Voortspruitend uit die ondersoek wat van stapel gestuur is ná die insident waartydens eerstejaarstudente van die Hombré Manskoshuis na bewering betrokke was in ʼn onderonsie met ʼn senior personeellid, is sewe lede van die huiskomitee laat gistermiddag voorlopig van hul pligte onthef, en moes hulle die betrokke koshuis ontruim. Die primarius van die koshuis is nie een van die bogenoemde sewe HK-lede nie, en twee ander HK-lede (o.a. die onderprimarius) het self besluit om te bedank.
Alternatiewe verblyfreëlings op die universiteit se onkoste is vir dié studente getref.
Die rede vir dié stappe is om seker te maak dat die ondersoek behoorlik gedoen kan word en om enige moontlike intimidasie vanuit welke oord of inmenging met die ondersoek te voorkom. Die integriteit van die ondersoek moet ten alle koste beskerm word, en studente wat nié by die beweerde insident betrokke was nie, moet geïdentifiseer en beskerm word. Die ondersoek na beweerde wangedrag deur eerstejaarstudente gaan ook steeds voort.
Reëlings sal getref word om ʼn tussentydse leierskapstruktuur in die koshuis te vestig.
Die insident het op 21 Januarie teen ongeveer 07:30 voor die Institusionele Kantoor plaasgevind toe die 53 jaar oue personeellid probeer het om tussen die groep studente deur te beweeg. Hulle het na bewering probeer keer dat hy tussen hulle deurloop, en in die proses het hy ʼn rugbesering opgedoen. Lede van die huiskomitee was teenwoordig ten tyde van die voorval.
Wonder wat is daar aan die gang. Sover ek kon uitvind was die dosent blank.
Dit is alweer n tradisie wat buite verband geruk is. Wanneer
die koshuis erens gaan as as koshuis groep dan het hulle altyd in blok formasie
gestap en die leerkrag wou deur hulle gestap het in die geroesmoes het hy geval
wat sleg is, is dat hy onlangs n rugoperasie gehad het. Die primarius en
koshuis vader was in n vergadering en nie teenwoordig tydens die voorval nie.
Die leerkrag het ook nie n klag gelê nie – maar dit wel vir een van sy kollegas
vertel wat dit weer vir n volgende een vertel het en toe uiteindelik by die
raad uitgekom het. As die leerkrag nie nou verplig word om n klag te lê nie hoop
ek sal daar nie enige verdere nagevolge wees nie.
Hoekom ons toelaat dat die land se politiek ons beskaafde mense so onwrig en ontsenu kan ek nie begryp nie. Ons raak soos n klomp skape in n skaapkraal waarin n klomp wildehonde losgelaat is.
Hoe pateties is hierdie affêre!
Wie stel belang in die jong leerlinge van die doppers se Standerd 11 klas se dinge en wie of wat op sy/haar rug te lande gekom het!!!
In die lig van al die onhebbelikhede, misdade, plundery en wat ookal in hierdie land gepleeg word, verdien hierdie storie wragtag geen kommentaar nie.
Nie eers hierdie pruttel van my nie.
Is daar enige bewyse dat dié affêre ‘n rasaangedrewe voorval was? Hoekom het sewe ander huislede van die komittee ook sommer bedank? Was daar meer blankes as nie-blankes tussen die groep “studente”? Dit sal nou ‘n ding wees wat aandag moet kry indien dit wel die geval was.
Gostwriter hierdie was n saak wat onder normale
omstandighede intern hanteer sal word. Daar is werklik geen rassisme op die PUK nie om die eenvoudige rede dat daar studeer word en en akademie vooropgestel word. Hoelank dit so sal
bly kan n mens maar net hoop, want die ANC is nie gemaklik met iets wat funksioneel is nie, hulle geniet dit gedrewe om alles min of meer gelyk met die grond te maak en gewoonlik net twee bakstene op mekaar los sodat die wat waag om daar te loop daaroor te kan struikel.