praag.co.za

Polisie in hul eie vangwa toegesluit deur rowers

Written by

praag

in

,

Drie verdagtes is Dinsdag in hegtenis geneem nadat twee polisiebeamptes in Rabierif in Midrand, Gauteng van hul vuurwapens beroof is en agter in hul eie vangwa opgeland het.

“Die drie verdagtes, tussen 25 en 30 jaar oud, sal binnekort in die Tembisa landdroshof verskyn,” het brig. Neville Malila, woordvoerder van die polisie, in ʼn verklaring gesê.

Hulle sal teregstaan op aanklagte van gewapende roof, kaping, poging tot moord en die onwettige besit van vuurwapens en ammunisie.

“Die verdagtes het twee polisiebeamptes oor middagete genader terwyl hulle by ʼn kosstalletjie gesit het,” het Malila verduidelik. “Die verdagtes het ʼn vuurwapen op die beamptes gerig en hulle wapens afgeneem. Hulle het die beamptes daarna in hul patrollievoertuig toegesluit en met die vuurwapens gevlug.”

Malila sê nog drie verdagtes het opgedaag en hulle het ʼn voertuig gekaap en daarmee gevlug.

“Lede van die gemeenskap het die vangwa oopgemaak en die polisiebeamptes bevry,” het hy gesê. “Die lede het bystand ontbied en die verdagtes is agternagesit.” Die verdagtes het verskeie skote op die polisiebeamptes gevuur voordat hulle beheer verloor het oor hul voertuig. Geen beserings is aangemeld nie.

“Die polisie het drie verdagtes in hegtenis geneem en drie vuurwapens gekonfiskeer,” het Malila bygevoeg. “ʼn Derde vuurwapen word verbind aan ʼn voorval in September 2014 waar daar op Johannesburgse metropolisiebeamptes geskiet is voordat hulle van hul wapens ontneem is.”

Nog verdagtes is op vrye voet.

Comments

5 responses to “Polisie in hul eie vangwa toegesluit deur rowers”

  1. Sherlock Holmes Avatar
    Sherlock Holmes

    Wenke uitgevoer soos aangetref in die wêreldbekende handboek, How to catch a thief.

    1. Agent Witbeer 007 Avatar
      Agent Witbeer 007

      wha ha ha ha ha ha ek kan al die prentjie sien, die goed moet mos altyd vreet, voor werk ,na werk, tydens werk, tydens etes,…… wonder wat is alles bedien by die “kosstalletjie”

      1. Sherlock Avatar
        Sherlock

        So, hulle eet selfs tydens etes?! Ek sal dit aan my vriend Watson noem sodat ons dit kan insluit as ‘n wenk in die herdruk van ons boek, How to catch a thief (Dertiende uiitgawe. Hou gerus die rakke van u naaste boekhandelaar dop. Dis ‘n winskoop. Ons gaan selfs ‘n lys van Afrika-gevegstekens daarby insluit. Ons uitgewer spook op die oomblik nog om die monopolie wat ‘n sekere kêreltjie wat op sy dag vir die ANC-regime se inligtingsdienste gewerk het, te verbreek. Want hierdie wenke behoort aan die volk, nie aan ‘n Witberg of ‘n Pienkberg of watse berg ook al nie, ons moet envoudig die houvas wat die ANC-regime met hul terreurveldtogte op die Afrikanervolk het breek. Bly intussen ver weg van polisie-vangwaens.)

        1. Agent Witbeer 007 Avatar
          Agent Witbeer 007

          hie hie hie stuur asb vir my die nuwe uitgawe pdf, format……. e-boek

      2. Rooikop Avatar
        Rooikop

        Jy het dit verkeerd – tydens etenstyd word daar onder die boom gedut 🙂

        Gepraat van misdaad – ek het vanoggend verby die een (http://www.timeslive.co.za/thetimes/2014/11/05/fleeing-hijacker-endangers-motorists) gery net nadat dit gebeur het. Filemon het op die sypaadjie gesit, sy hande geboei, bloed aan sy jean en met ‘n polisieman wat ‘n R4 of so iets op hom gerig hou. Die arme oom in wie se Jetta/Polo hulle vasgery het, se kar is moeg. So ook die BMW waarin die ander spul gejaag het. Ek het gewonder hoekom die wille rollie – nou weet ek.

Leave a Reply

More posts