praag.co.za

Engelse Maties nie geskors oor rassisme nie

Written by

praag

in

,

Universiteit Stellenbosch sê kritiese debat is meer waardevol as dissiplinêre optrede teen studente wat hulleself as swartes vermom het vir pret.

Die kommunikasie en skakeling departement sê in ‘n verklaring “‘n kritiese debat en versoenende gesprekke is van veel groter waarde vir Universiteit van Stellenbosch se studentegemeenskap as optrede teen die studente.”

‘n Derde persoon het verlede week ná ‘n verjaardagpartytjie by AmaZink in Kayamandi die pretmakers se foto’s op sosiale media versprei.

Twee van die drie studente het geposeer vir foto’s met hulle gesigte swart gesmeer, swart kroespruike op en uitrustings bedoel om soos die twee tennissterre Serena en Venus Williams te lyk. Die foto’s is wyd versprei op Twitter.

Die universiteit het gesê dit aanvaar die aanbeveling van die ondersoek dat geen dissiplinêre aksie geneem sal word teen die Engelse studente Michael Weaver, Ross Bartlett en Mark Burmann nie.

“Die drie studente het ‘n verbintenis om deel te neem aan besprekings in verskeie studenteforums om verhoudings na hul optrede te help herstel wat wrok en pyn uitgelok het,” het die instelling gesê.

Dit was die tweede soortgelyke voorval by ‘n instelling van hoër onderwys in die land. Twee Afrikaanse vrouestudente van die Universiteit van Pretoria is in September geskors nadat ‘n foto van hulle op die internet verskyn het met swart gesmeerde gesigte en opgestopte agterstewes.

Universiteit Stellenbosch waarnemende rektor en visekanselier Professor Leopoldt van Huyssteen het gesê hoewel die instelling nie enige dissiplinêre optrede oorweeg nie, het hulle nog steeds die voorval beskou in ‘n baie ernstige lig.

“… Ons land se geskiedenis en kwesbare verhoudings vereis dat ons sensitief vir opmerkings, aksies en terminologie wat kwetsend en aanstootlik kan wees moet wees,” het hy gesê.

Comments

5 responses to “Engelse Maties nie geskors oor rassisme nie”

  1. Rebel Avatar
    Rebel

    Ek kan jou waarborg, as hierdie studente uitgesproke Afrikaners en pro-Afrikaans was, was hulle summier vir rassisme aangekla, geskors en van die kampus verwyder. Daar is geen kritiese debat by Maties nie. Alles n blufspul. Hulle is tipiese strooipoppe van die ANC-regering.

    1. G Avatar
      G

      Moenie mense probeer mislei nie. Stellenbosch is teen die ANC regering. Cyril is hulle man. Die ANC regering is Zoeloe. Maties is Hanskak(k)ies

  2. Karel Combrinck Avatar
    Karel Combrinck

    Ag vader “versoenende gesprekke” foeitog. Hoe Amerikaans tog en hoe foefierig. Miskien het hierdie studente hulle gesigte swart geverf omdat hulle gevoel het dis die enigste manier waarop hulle welkom sal wees by hierdie Amerikaanse foefie universiteit.

    1. Rooikop Avatar
      Rooikop

      g@tkruip op sy beste.

  3. Dolk Avatar
    Dolk

    Intelligensie is ‘n uiters relatiewe begrip en rolspeler in die samelewing… Dit kniehalter en verdraai die reg toomloos én, soomloos – wanneer in die verkeerde hande. Dit kan moeiteloos miljoene mense – sonder om uit te sonder, vermoor.

    Universiteite – enige tersiêre instellings is sulke broeikaste… Had ‘n genie maar die wysheid, integriteit en getrouheid van ‘n getroue boerboel gehad, was daar tot vandag toe nie een atoombom gemaak nie. Helaas, die domste onder die slimmes begryp die mag, wat korrupsie laat bloei…

    Intelligensie is op sy beste ‘n seëning van God – op sy slegste ‘n vervloeking vir dié wat dit misbruik. Ons neem te veel aan van té min mense en, ons verwag té min – van té veel mense.

    Intellek sonder wysheid en insig is soos ‘n kragtige bom – wat tussen ‘n skare mense ingegooi word. In ons geval – die barbaar is die leë bottel… Die res verskaf ons.

Leave a Reply

More posts