Die kommunikasiewerkersvakbond, die CWU het ‘n beroep op die regering gedoen om in te gryp by die Poskantoorstaking. Die vakbond se adjunkpresident, Clyde Mervin sê die Poskantoor is in ‘n krisis, het RSG berig.
Hy het by die vakbond se nasionale kongres in Witrivier in Mpumalanga gesê die afdanking van die senior bestuurslede kan ‘n oplossing wees. Honderde poskantoorwerkers staak sedert verlede maand.
Hulle eis hoër salarisse en dat ‘n einde gemaak word aan wat hulle as uitbuiting bestempel. Aan die begin van die maand is 473 tydelike poskantoorwerkers afgedank wat onwettig gestaak het.
Poskantoorwerkers het ook in Januarie en Februarie gestaak wat tot groot oponthoude met posaflewering gelei het. Arbeidsoptrede by die Poskantoor het reeds vanjaar ‘n verlies van 71 miljoen rand tot gevolg gehad.
Soek hulle ‘n tweede Marikana? Dis wat gebeur as die regering ingryp.
Hoekom nie? Elke bietjie help.
Stem, die Blinde sweep gebruik die sonderlingste kanale…
staking?…… ek het dan geen diensverandering opgemerk die laaste 20 jaar nie…… 20 toonbanke en een wekka in elke poskantoor, dog dit is “normaal”