Agt Chinese mediese werkers wat ebola-pasiënte behandel het, is onder kwarantyn in Sierra Leone geplaas.
Eksperimentele medikasie kan glo gebruik word om die virus te bestry.
Verskeie entstowwe word tans getoets, en “belowende resultate” is glo verkry, maar die gebruik van die eksperimentele middel het aanleiding gegee tot ‘n etiese debat oor of dit regverdigbaar is om ongetoetsde middels te gebruik, en indien wel, wie behandel moet word.
Intussen sal die Wêreldgesondheidsorganisasie die riglyne opstel vir die gebruik van eksperimentele medikasie wat hulle meen teen 2015 beskikbaar sal wees. Die WGO het reeds die ebola-uitbreking in Wes-Afrika as ’n internasionale openbare gesondheidsnoodtoestand bestempel.
Die WGO het kritiek gekry vir die wyse waarop hulle tydens die H1N1-pandemie in 2009, “behulpsaam” was om haastig ‘n entstof te bemark. Dit het tot aansienlike winste vir farmaseutiese maatskappye gelei.
Die ebola-epidemie het net meer as 1 000 lewens geëis.
Liberië het intussen ʼn eksperimentele serum aangevra van die VSA. Daar is drie laboratoriums wat sulke middels vervaardig met befondsing van die Amerikaanse Departement van Verdediging.
Dis nie bekend of die Chinese dokters en een verpleegster wat onder kwarantyn geplaas is, wel ebola onder lede het nie.
Nog 24 verpleegsters, die meeste van hulle werksaam in ʼn militêre hospitaal, is ook onder kwarantyn geplaas.
Suid-Afrika kort dringend ’n praktykkode vir gesondheidsbeamptes om enige moontlike uitbreking van die ebola-virus te hanteer, het die DA Maandag gesê.
“Sonder ’n praktykkode sal gesondheidsbeamptes landwyd nie nasionale riglyne hê om ’n moontlike mediese noodgeval wat met ebola verband hou te bedwing nie,” het Wilmot James, DA-LP, in ’n verklaring gesê.
Hy het ’n beroep op dr. Aaron Motsoaledi, minister van gesondheid, gedoen om dringend só ’n kode in die Staatskoerant te publiseer.
Volgens James moet die kode onder meer insluit hoe ebola-lyke hanteer moet word en hoe hospitaalsale onder kwarantyn geplaas moet word.
Moenie bekommer nie, dr. Aaron Motsoaledi het alles onder beheer en is mos op “hoë gereedheid”…
Ja, met die termometer by die lughawe en al!
“Agt Chinese mediese werkers wat ebola-pasiënte behandel het, is onder kwarantyn in Sierra Leone geplaas.”.
Agt is baie – dis stof tot nadenke.
Wonder of daar ook Spur’s is? Die Sjinese is berug daarvoor dat hulle aan alles peusel. Soort van: “On the spur of the moment” glips.
“Agt is baie – dis stof tot nadenke.”
Vigs maak ‘n 1000 elke maand dood in SA alleen … nou klink die Agt(8) vir my maar effe min!
https://www.youtube.com/watch?v=Ya8o2oj7V7E
Ebola is baie sneller as Vigs – die feit dat dit 8 Sjinese mediese werkers is – wat al die gevare ken, het my onwillekeurig ‘n beeld laat sien – waar die agt in ‘n Bos-spur aan ‘n stapel vars, vinger-lek-lekker frikkadelle smul…