praag.co.za

Bouval

Written by

Dan Roodt

in

,

Bouval

Waar eens gewoel en gewerskaf
is, staan nou gras, geel soos kakie
knapsekêrels ‘n olieboom of twee
‘n akkedis huiwer en skarrel weg

Dakloos gloei die wit mure nogtans
teen twaalfuur in die snikheet son
swart krake rank na bo en onder
soos versteende plante naamloos

Geskend die grafstene iewers teen
die randjie, graniet en kruis weggedra
herwin vir ‘n beter doel as om
die verdwene stamlede te gedenk

Die windpomp het verroes
die dam is leeg en gebars
die leë krip ‘n simbool van gebrek
aan sowel skaapskare as herder

As die son laatmiddag water trek
verdonker geleidelik elke venstergat
en iewers glim spatsels lig
soos oë agter grynsende maskers

Comments

16 responses to “Bouval”

  1. betzie Avatar
    betzie

    Ai , hoe raak my binneste in beroering by die aanlees hiervan . Bouval sê soveel meer as murasie .

  2. Trippie Avatar
    Trippie

    Pieter Bruwer (Digter)

    Één geringe volk
    (Die Profeet Sefanja)

    Grimmigheid sal jul verteer
    al jul bloed word so vergiet,
    jul het van God weggekeer-
    hulpkrete is dus verniet.

    Vele nasies ‘s uitgeroei
    al hul stede ‘s laag gelê,
    tot niks meer daar sou kon groei-
    geen mond weer ’n woord sou sê.

    Al jul rykdom word geplunder
    al jul huise word verwoes,
    al jul oeste sal verminder-
    oorgegee aan mot en roes.

    Al jul lewens word vernietig
    vrou en kinders word vermoor,
    selfs jul mans ween nou verdrietig-
    as hul al hul hoop verloor.

    Dis die dag van jul benoudheid
    dis jul nag van vrees en angs-
    duisternis en donkerheid-
    dood bekruip jul onderlangs.

    Goud en silwer ‘s waardeloos
    al jul skatte kan nie red,
    want jul land is goddeloos-
    jul ‘s vervul met vuil en smet.

    Wil jul nou die boodskap hoor:
    slegs die Here kan jul red,
    geen vals priester of pastoor
    hul oortree, verkrag die wet.

    Min sal by die Heer kom rus
    en ontsnap aan spies en dolk,
    tog oorkant die rivier van Kus-
    één ellendige geringe volk

    Sal skuil by die Ew’ge God
    al raak dinge ook hoe erg,
    hul ontkom aan hierdie lot
    gaan woon op Sy Heil’ge berg.

    1. Riempies Avatar
      Riempies

      Is dit nie opmerklik deur ons Afrikaner geskiedenis digters
      en skrywers altyd die voorloper was van
      die herlewing van die Afrikanervolk.

      Opregte dan aan Pieter Bruwer ons herlewings digter en groot
      dankie Trippie dat jy hierdie gedig met ons gedeel het.

  3. Trippie Avatar
    Trippie

    ‘N MOET DEEL – 5000 Vlaminge sing ‘De Stem’ by Zangfees 2014 in Antwerpen.

    https://www.facebook.com/photo.php?v=10204581660007813&set=o.625786784156926&type=2&theater

    1. Riempies Avatar
      Riempies

      Trippie sonder jou bydraes gaan ons op Praag baie armer wees – Baie dankie!
      en die grootste dankie waartoe ek instaat is vir die Vlaminge!

    2. Karel Combrinck Avatar
      Karel Combrinck

      Emosioneel en inspirerend. Dankie Trippie. Jy’s tops.

    3. Eric Bornman Avatar
      Eric Bornman

      Was Basson ook daar en het hy en Gtakramp ook saam gesing?

      1. Riempies Avatar
        Riempies

        Nee hulle kon nie sing nie hulle ken net die baiesukkel.

    4. Andy Avatar
      Andy

      Ek sit hier en tjank dat die trane so loop. Dit is so erg ek kan amper nie tik nie.
      GENUGTIG vir wie sal dit nooit mooi bly nie.
      Mag ons dit nooit vergeet nie, en altyd oordra na ons nasate..
      Dit is met sulke geleenthede dat n mens besef wat is nasie trots.
      Trippie ek salueer jou, BAIE DANKIE vir hierdie insetsel.

      1. Trippie Avatar
        Trippie

        Ek gaan ‘n groot leuen vertel as ek sê ek het nie trane en hoendervleis gekry nie ! Dankie Andy.

  4. Henrietta Avatar
    Henrietta

    Is jy die digter Dr Dan? Diep roerende gedig – het self al by bouvalle gestaan en gewonder wie daar gebly het, watter “verhale” sou die stukke muur en vloere kon vertel …

  5. Riempies Avatar
    Riempies

    Gister toe ek hierdie gedig gelees – het die beeld van my ouers se geskende grafte waar al die koper blompotte uitgebreek is en die koperhande wat deur een van ons bekende volkskunstenaars geskep is uitgekap is, weer voor my geestesoog gesien.

    Pynlike herinneringe – hulle sal egter altyd voortleef in hulle nalatingskap en in hulle kinders, kleinkinders en agterkleinkinders – nageslag en gedigte soos hierdie, baie dankie dr. Dan.

  6. jan Avatar
    jan

    Inderdaad sangrypend die verskriklikste leegheid van Godverlatenheid ja …
    Orania het net so gelyk 20 jaar gelede toe ons dit gekoop het van Waterwese vir R1.4 miljoen..
    Die geskatte waarde is nou R500 mijloen se kapitaalontwikkeling……..

    My gebed is soos Elisa vir sy slaaf: ‘Ag Here maak tog sy/hulle oge oop dat hy/sy/hulle kan sien dat ons baie meer is as hulle!!”

    1. Henrietta Avatar
      Henrietta

      Met daardie tempo van ontwikkeling gaan dit nie meer lank wees voordat daar ‘n grondeis teen Orania kom nie …. het enige van julle al gehoor van ‘n grondeis teen Karoo-plase??? Die redes is voor die hand liggend …

  7. Karel Combrinck Avatar
    Karel Combrinck

    Gedigte kan dikwels op meer as een manier verstaan word. Vir my verwys dié gedig in die eerste plek na die gestroopte boererepublieke na die ABO. Maar dit dui ook op die huidige toestand van ons volk wat deur lafhartiheid en verraad op sy knieë gedwing is. Die Afrikaner het na die bitter pyn van die ABO weer opgestaan. Hy sal dit nou weer moet doen. Tensy hy verkies om as ‘n akkedis in die bouval voort te lewe.

  8. Andy Avatar
    Andy

    Ai mense, hoe lank nog ,gaan ons net by praat bly. Hoe lank nog gaan ons in raadsale sit en redeneer met volwassenes wat soos kinders dink en rerdeneer. Hoe lank nog…………………..
    Ons mense gaan ten gronde saam met die land. Ons sien en weet en besef die tyd loop uit maar daar is geen beweging.
    Wag ons nou maar op mekaar om te sien wie is kordaat genoeg, en sal hy verseker weet dat hy nie alleen staan . Hy hoef nie om te kyk want agter hom staan daar n nasie bankvas, onverskrokke.
    Wat kan hulle ons doen as ons ons eie geskiedenisboek skryf, ons eie volkslied sing , ons GOD aanbid soos ons behoort te doen.
    Wie,……Nie n Mal ema nie, of n Zumie nie. NIEMAND.
    As ons saak met die Here reg is, vir wie hoef ons bang te wees of te skrik.
    Ek hoop julle hoor wat ek hoor. Dit kom uit die aarde………
    DIE LIED VAN VOLK SE ONTWAKING
    Kom laat ons, op ons knieë bly. Hy sal die uitkoms gee.

Leave a Reply

More posts