Nog inhegtenisnemings word verwag nadat ses munisipale werknemers van die Tshwanemunisipaliteit in Pretoria weens bedrog van miljoene rand in hegtenis geneem is.
Die ses munisipale werknemers van Marabastad sal na verwagting Vrydag in die hof verskyn, nadat hul vlootbestuurafdeling vir miljoene rande se bedrog vasgevat is.
Die Metropolisie se anti-korrupsie-eenheid het Donderdag die werknemers by hul Marabastadkantore gearresteer.
Isak Mahamba, Tshwane se Metropolisie-woordvoerder, sê die werkers wat in die vlootbestuursafdeling werk, het na bewering bedrog van miljoene rand gepleeg deur gewysigde fakture namens diensverskaffers by die munisipaliteit in te dien.
“Hulle kon ‘n faktuur uitreik aan een diensverskaffer en drie keer eis van die dieselfde bedrag.”
Hy sê hul anti-korrupsie-eenheid het ‘n wenk ontang ‘n paar maande gelede, maar dit was eers Donderdag dat die noodsaaklike inligting bekom is om voort te gaan met die saak.
Die hoof van die Tshwane Metropolisie, Stephen Ngobeni, sê hulle het met ‘n ondersoek begin.
Nog verdagtes sal binnekort glo in hegtenis geneem word.
Trap hulle vas – gee hulle vir ‘n honger skare.
Rustig nou…! Sit weg daardie panga. ;-p
NS Ek lyk soos ‘n huiskat nou teen jou! Hehehe!
Die haarkleur sê als….
Die hare word mos nou afgeskeer by die manne . Hoeveel geld maak die vervaardigers van skeerlemmetjies nie deesdae nie .
Nee vet weet -ek het in elk geval te min.
So gepraat van skeermeslemmetjies – die goed is onbekostigbaar duur. Hier by ons nou oor die R200 vir 4! So ‘n lemmetjie hou skaars 3 weke met my harde baard – so amper R2/dag net vir ‘n lemmetjie om te skeer!
Ek koop nou maar ‘n ander maak wat langer hou en bietjie goedkoper is. As dit van by afgehang het, het ek baard gedra.
Jy is mos Esau , of het ek die kat nou aan die stert beet .
Nogal ja – hierdie manne (?) wat so al die beenhare en borshare skeer/afhaal laat my ook wonder.
Hoekom nie. Ek oorweeg dit ook juis vir daardie selfde rede.
Hoe sê hulle! “miljons”
More, weet julle hulle kan nou wragtag niks doen wat van waarde is of opbouend is nie.
Hulle staak, toi-toi, oproerig. boikot, optogte in die strate, beskadig privaat eiendom, steel, moor, pleeg bedrog.
Dit is wat n persoon eenkeer gesê het, as die mense net die bietjie breikrag wat hulle het positief en ten volle aanwend tot uitbouing , en voordeel van ALMAL indie land sal ons ongekende hoogtes bereik.