Die voormalige tenniskampioen, Bob Hewitt, wat van verkragting beskuldig word, sal na verwagting vanoggend in die Boksburgse landdroshof verskyn.
Die 73-jarige Hewitt staan tereg op twee aanklagte van verkragting.
Een van die voorvalle het glo by Sun City in 1981 plaasgevind, en die tweede in 1982 in Boksburg aan die Oos-Rand.
Albei sy vermeende slagoffers was 16 jaar oud toe die voorvalle plaasgevind het en ‘n derde jonger as 18.
Hewitt staar benewens die aanklag van verkragting ook ‘n aanklag van onsedelike aanranding in die gesig.
Die voormalige Grand Slam-dubbelskampioen het die bewerings ontken en dreig om die vermeende slagoffers te dagvaar.
Hy is tans in Port Elizabeth woonagtig en kon weens ‘n siekte nie ‘n vorige keer in die hof verskyn nie, het sy prokureur Alwyn Griebenow aan die hof gesê.
Sy saak moes ‘n voorheen op op 4 Oktober aangehoor word.
Landdros Emmanuel Magampa het gesê ‘n lasbrief sal tot Hewitt se volgende verskyning weerhou word.
Die saak is uitgestel nadat die staat gesê het ‘n aansoek is ingedien om al drie aanklagte in een hof te hoor.
Die klaagster is mos nie meer minderjarig nie – hoekom word hulle name nie genoem nie?
Indien hy skuldig is, moet hy verantwoording doen en gestraf word.
Ek dink net baie by myself, juis in ‘n geval soos die, hoe bewys jy jou onskuld, sou hy onskuldig wees ? Dit het tog jare terug gebeur, NIE dat dit MINDER ernstig is nie.
Tog is daar vrouens wat verkragting skree vir “revenge” – dit het ek ook al gelees.
Nietemin, die reg moet sy gang gaan, en soos Rooikop altyd se, sny sy goeters af, nie dat dit veel in die stadium sal help nie.
Verkragting is en bly ‘n gruwelike daad, soveel te meer wanneer dit aan kinders gedoen word.
Niks ander as ‘n uitgeslape pedofiel nie. Onskuldig se m-hr !