praag.co.za

Is Afrikaans ‘n blote toevalligheid? – ope brief aan Palesa Morudu

Written by

Dan Roodt

in

,
'n Gedeelte van die Afrikaanse Taalmonument in die Paarl
‘n Gedeelte van die Afrikaanse Taalmonument in die Paarl

deur Willem de Jager

Mooi woorde, Palesa, in vandag se Rapport, waarin jy skryf:

Sedert Nelson Mandela se dood deur sy geheel en al onwaardige opvolger aangekondig is, het wit en swart, jonk en oud gesing, gedans, geboe, gestry en gebid oor wat sy nalatenskap beteken.

Die eg Suid-Afrikaanse viering van sy lewe weerspieël dit waarvoor hy sy hele volwasse lewe geveg het.

Op 22 Julie 1985, skaars 48 uur nadat PW Botha ’n noodtoestand afgekondig het, het Oliver Tambo, destydse ANC-president, miljoene Suid-Afrikaners gevra om “die land onregeerbaar en apartheid onwerkbaar te maak”.

Dit is goed ontvang in die townships, waar ons klippe na die polisie en weermag gegooi het en die tronke en strate met ’n vasberade verset gevul het.

’n Paar jaar later is apartheid vervang deur ’n staat wat ons drome beliggaam het vir ’n nie-rassige, nie-seksistiese toekoms.

Graag wil ek jou komplimenteer op jou aanwending van die ironie: Jy volg jou ode aan nie-rassigheid pragtig op met ‘n paragraaf oor die tragiese lot van *swart* mense (20 jaar later) in hierdie “wonderlike… demokrasie” wat julle gebou het. Ek se “julle” in antwoord op jou “ons” wat julle in die strate verset het teen apartheid. Ironies genoeg “suffer” die nuwe *swart* middelklas steeds/weer volgens jou. Ai.

palesa_morudu
Palesa Morudu wat gewoonlik rubrieke in die Business Day publiseer, word deur Rapport as ‘n ‘Kaapse skrywer’ beskryf.

Voorts wil ek vir jou en Rapport beide komplimenteer op julle pragtige Afrikaans. Julle slaag werklik daarin om ‘n etniese niemandsland vir ons op te tower waarin Afrikaans ‘n blote toevalligheid is. Net jammer dit weerspieël geen werklike situasie nie, soos jou artikel. Ons het nou reeds gesien dat omgekeerde apartheid sowel as die illusie dat ras/ etnisiteit ‘n banale onbenulligheid is, nie die oplossing is nie. Is dit heeltemal onmoontlik dat ons realisties na ons diversiteit kan kyk en daarvolgens aan oplossings dink? Ek verstaan dat die ras-taboe ons vermoë om rasioneel te dink beïvloed maar ons kan ten minste probeer.

Die kern van jou boodskap is weinig anders as wat dit dit ten tye van Britse oorname meer as honderd jaar terug was: Die skep van ‘n “Suid Afrikaanse” identiteit is steeds die refrein. 50 miljoen gewillige min-of-meer Suid-Afrikaners maak inderdaad ekonomies sin. Maar net vir ‘n paar groot varke wat geen god ken nie, behalwe Mammon.

Comments

5 responses to “Is Afrikaans ‘n blote toevalligheid? – ope brief aan Palesa Morudu”

  1. Riempies Avatar
    Riempies

    Ek sou graag vir die Palesa Morudu wou vra dat sy vir my se wat maak die huidige
    staatspresident Zuma minder van minder waarde as Mandela wat bomme gegooi het
    en mense vermoor het en nooit in sy lewe geweld afgesweer het nie?

    Mense gekondisoneer tot tropdier status gaan jy veel eerdervind in die buiteland as hier waar almal die waarheid weet. Wit en swart weet die land se infrastruktuur is vernietig – wit en swart weet dat armoede en ellende en werkloosheid verduisendvoudig het onder die ANC terroriste regering van Mandela en sy opvolgers sedert 1994. As jy wil praat praat sin – of skryf jou skryfsels liewer in die buitaland waar die ANC leuens nog so hier en daar geglo word.
    Jammer vir die swak Afrikaans Willem – ongelukkig praat die mense by die Naspers koerante nou net die Kaapse dialek van Afrikaans.

  2. ThysH Avatar
    ThysH

    Willem, het sommer op jou kommentaar op die artikel in Rapport gereageer.
    Herhaal ter wille van Praaglesers: 1. Rapport vermeld nie dat sy ‘n stigterslid van COPE is nie. Hoekom nie?

    2. Ek dink nie sy het die artikel in Afrikaans geskryf nie. Ek vermoed dit is in Johannesburg deur een van Rapport se beter Afrikaanse redaksielede vertaal.

  3. Kalium_Chloraat Avatar
    Kalium_Chloraat

    Ja, maar nou is die Mandelabegrafnispartytjie oor en die 1994-partytjie se babelas duur voort en die nie-rassige mirage het verdwyn, so wat nou Palesa? Dit lyk my eerder asof jy met oogklappe loop.

  4. Arnieann Avatar
    Arnieann

    Net maar nog ‘n oppervlakige waarneming van ‘n swarte. Waarskynlik ook nog met die hulp van Raport wat op alle maniere probeer om enige blaam wat hulle in hierdie mislukte NSA veroorsaak het,op iets anders wat “buite hulle beheer” is, wil afskuif.

    1. Willem De Jager Avatar
      Willem De Jager

      Arnieann (en my ander mede-Afrikaners hier bó), my kommentaar was nie gemik teen Palesa nie. Sy het die volste reg om te skryf wat sy wil. Dit was teen die Afrikaans-vertaalde weergawe wat Rapport aan ons voorhou asof dit uit die volksmond kom. Rapport hou anti-Afrikaner sentimente aan ons voor in keur-Afrikaans en sodoende vreet ons dit vir soetkoek op.

      Taal is ‘n magtige wapen en Rapport weet dit goed. Dit is hoe hulle Afrikaners van ‘n eens trotse, geankerde volk kan reduseer tot ‘n Mammon-aanbiddende, skuld-belaaide (Apartheid én ABSA), verwarde gepeupel.

Leave a Reply

More posts