Twee lede van die Valke is vanoggend in hegtenis geneem weens beweerde bande met die Tsjeggiese voortvlugtige, Radovan Krejcir.
Die woordvoerder vir die Valke, Paul Ramaloko sê hulle word verbind met dieselfde saak van ontvoering waarin Krejcir na bewering betrokke is.
Die polisiewoordvoerder, Solomon Makgale het nog nie die inhegtenisneming van ‘n tweede verdagte bevestig nie.
Makgale het vroeër gesê dat ‘n 41-jarige adjudant-offisier in hegtenis geneem is.
Die voorval ter sprake het in Junie vanjaar plaasgevind. Krejcir en ‘n vennoot, Desai Lupondo is Vrydag in verband met die saak in hegtenis geneem en het Maandag in die hof verskyn.
Intussen het die Valke berigte ontken dat die bevelvoerder van die georganiseerde misdaad-eenheid in Germiston, Kolonel Francois Steyn bedank het.
Steyn het na wat berig word ‘n lening van R408.000 aanvaar van ‘n maatskappy wat bande met Krejcir het.
Hy het blykbaar eers vyf maande later uitgevind dat die maatskappy in Krejcir se vrou, Katerina se naam geregistreer is.
Beeld berig dat Steyn wou bedank, maar dat die nasionale polisiekommissaris, Riah Phiyega dit nie wou aanvaar nie, hangende die uitslag van ‘n interne ondersoek teen hom.
Ramaloko sê egter hy is bloot met verlof en dat hy nooit aangebied het om sy pos te verlaat nie.
‘n Ondersoekbeampte wat nie gemoeid is met die saak nie, sê die Tsjeggiese voortvlugtige, Radovan Krejcir sal dalk probeer om te ontsnap.
Krejcir het sy hofsaak gewen om onder polisiebewaking in ‘n hospitaal opgeneem te word.
Krejcir het nie verwag om in hegtenis geneem te word nie omdat hy skynbaar planne beraam het om die naweek uit Suid-Afrika pad te gee. – RSG
Hou gerus hierdie spasie dop. Ek glo dat nog SAPD-lede / Valke in die verband in hegtenis geneem gaan word.
Ek sê weer, geld wat stom is maar reg wat krom is. Kom ons kyk of dit die keer so gaan werk. Baie mense sal hul siele verkoop vir geld.
Ek glo ook dat dit nie net hulle is wat diefstal pleeg nie, maar van die forum gebruikers, wat in werkstyd, op die baas se onkostes, daagliks aan diefstal skuldig maak.
G.A.A.P.
Jy is ‘n trol.
Stalker
Hierdie Krejcir is soos ‘n regte manipuleerder. Dis goed wat gebeur het, en dis om die vrot kolle in die elite Valke uit te wys.
OOOPS!!!, die waterdigte saak het n lek…….. mos gese ek wonder wie gaan saam sink….
Die Elite ondersoek span se man kon nie uitvind of Kraaitjek verbind is met die mkpy wat geld leen nie…. Nou wonder ek waarom n klein spannetjie vir Kraaitjek gearesteer het, voordat die groot taakmag hom kom haal het??!! wou hulle iets stil maak?
Waarom het die valk nie die geld terug gegee toe hy uittvind dit is “verbind” nie???
hier gaan nog lekasies wees in die waterdigte saak…die duikboot het n sif deur…
Hier gaan nog baie skandes oopgeruk word. Die boot is besig om te sink..Wonder hoeveel groot trawante die tog na die bodem gaan meemaak.
Verklaar al sy geld en besittings verbeurd, verhoor die gemors vonnis hom en stuur hom na hy sy volle vonnis uitgedien het terug. Nog beter stuur hom sommer nou terug aangesien hy in sy land in die tronk sy vonnis sal uitdien en nie soos by ons op die gholfbane of hospitaal nie.
Dit nou wat ek noem “Poetic Justice” wat n ou saai sal jy maai, en wat jy ontvang sal jy voor betaal.
So… wat leer ons nou uit hierdie dierkunde lessie van vandag…?
.
‘n Aapzaniese “VALK” is eintlik ‘n aasvoël.