praag.co.za

FAK vereer twee Ortodokse priesters vir hul vertaalwerk

Written by

Karin Roodt

in

,

fak_logoDie FAK het twee Afrikaanse Ortodokse priesters vir besondere kultuurprestasie by die geleentheid van die 80ste herdenking van die eerste vertaling van die Bybel in Afrikaans vereer.

Vader Zacharias van Wyk van Robertson in die Wes-Kaap en vader Jacobus van der Riet van Johannesburg het dié toekenning  ontvang vir die vertalings van Ortodokse liturgieë en gesange in Afrikaans.

Die geleentheid is by Voortrekkermonument gehou en luister is daaraan verleen deur treffende Afrikaanse koorsang van die Afrikaanse Hoër Seunskool.

Johan Rossouw het in sy huldigingswoord gesê daar meestal “volslae onkunde” oor die Ortodokse kerk onder Afrikaners. Hy het dit as tragies bestempel “omdat dit voorkom te midde van ’n ontsettende eietydse ontwrigting van die moderne vorm van die Christendom, naamlik die Protestantisme”.

Rossouw het “die felle verwoestende debatte wat al meer as 15 jaar oor die kerk en die politiek, die gesag van die Bybel, die posisie van vroue en homoseksuele persone in die kerk, die Belhar-belydenis en wat nog woed” voorgehou as bewyse van dié ontwrigting.

Volgens hom is een van die alternatiewe op die krisis om terug te keer na die tradisionele ortodokse vorm van die Christendom. Rossouw het gesê dit sluit aan by ‘n ontluikende ontdekking die Ortodokse Kerk wat talle nuwe bekeerlinge trek.

Rossouw het gesê ’n mens kan nie anders nie as om “die enorme potensiaal van hierdie twee baanbrekers se werk op ’n krisisoomblik in die Afrikaanse geskiedenis te sien”.

Comments

10 responses to “FAK vereer twee Ortodokse priesters vir hul vertaalwerk”

  1. Willy Avatar
    Willy

    Daar is rede tot felle verwoestende debatte op sekere dogmas in die kerk. Daar word deur ‘n handjievol besluit wat die meerderheid lidmate moet aanvaar of nie. Ek sal nie die Belhar belydenis aanvaar omdat ek weet wie die opsteller was.
    Dis weereens net my opinie.

  2. Rooikop Avatar
    Rooikop

    Ek verstaan nie wat bedoel word met die “eietydse ontwrigting van die moderne Christendom” nie. Bedoel hy dat protestantisme ontwrig word of dat dit die ontwrigting is?
    Die wêreld verwag mos al lankal dat daar versoening tussen die Roomse en die Protestantse kerke moet plaasvind – Kyk maar na die beleid van die WCRC waar ons kerke so lekker vlerksleep – die laaste rondte die Hervormde kerk.

    Ek weet nie wat in die Ortodokse geledere aangaan nie maar ek reken daar is seker soortgelyke geraas wat gemaak word.

    1. Eric Bornman Avatar
      Eric Bornman

      …Helige, ALGEMENE, Christelike kerk…….. en die woord katoliek beteken????…….algemeen, alles, …… alle gelowe word een, in VSA slaan die Charismate weer munt (oeps) daaruit, hulle verwyder nou kerk banke om hulle islam broeders te gemoet te kom, ag shame dis so oulik!!

    2. gas01 Avatar
      gas01

      Die einde is naby.

    3. Gas Avatar
      Gas

      Rossouw bedoel die Protestante is verantwoordelik vir die ontwrigting. Maar hy is te bang om dit reguit te sê, want hy praat met ‘n gehoor van Protestante, naamlik die FAK Broeders wat daarvan hou om beledig te word en betaal om te gaan luister.

    4. Kalium_Chloraat Avatar
      Kalium_Chloraat

      Gas hier onder is doodreg, daar is maar baie min ware verskil tussen na Roomse Kerk en die Ortodokse kerk, b.v. glo die Roomse dat Maria sondeloos gebore is en nie kon sondig nie, terwyl die Ortodokse glo dat sy kon sondig, maar nooit gesondig het nie. Tegnies, sien. Die Protestante is hul groot vyand.

      Verlede Saterdag was mos hoeka die herdenking van die St. Batholomeusnag.

      1. Rooikop Avatar
        Rooikop

        Dankie, Ek is glad nie vertroud met die Ortodokse tradisie nie – so leer mens ook weer.
        Ja dit was juis Barthlomeusnag – seker die grootste enkele gebeurtenis wat ons nasie help bou het. So al was dit bitter sleg vir die mense kan ons vandag dankbaar wees daarvoor anders was ons nie vandag hier nie.
        Ek is bly ander stem ook saam met my interpretasie dat dit juis die protestante is wat uitgeroei/reggesien moet word. Die Roomse kerk het dus deur al die eeue nie die protestante vergewe vir die keelafsny van hulle aflaatmelkkoei nie.

        1. Kalium_Chloraat Avatar
          Kalium_Chloraat

          Ja, ons het ons geskiedenis vergeet. Die Edik van Fontainebleau en die Bloedbruilof het baie Hugenote uit Frankryk laat trek. Van hulle het toe hiernatoe getrek. Die Persgevaar het tot ‘n medalje gemunt om hierdie verraderlike moord te vier.

          1. Susan Avatar
            Susan

            Ek dink nie dat ‘n mens Rossouw se opmerkings as ‘n aanval op protestantisme moet sien nie. Dit is so dat daar baie issues is in verskillende protestantse kerke bv gay leraars, selfs die maagdelike geboorte ens. wat nie in die Ortodokse Kerk bestaan nie omdat die kerk se standpunte vroeg-vroeg, binne die eerste 1000 jaar afgehandel is en onveranderd bly.
            Wat interessant is, is dat die Ortodokse Kerk vandie Katolieke Kerk verskil grootliks oor dieselfde dinge as waaroor die protestante van die KK weggebreek het. Die enigste (groot) verskil wat die protestante van die KK behou het is die filioque verandering van die belydenis van Nicea, en die feit dat ‘n groot deel van die tradisie met die hervorming verlore gegaan het. Ortodoksie en die protestante het baie meer in gemeen as wat besef word, die Ortodokse Kerk het net baie vroeer hom van die KK gedistansieer.
            Verder, Kalium, Maria, word nie in die OK “vergoddelik” nie, maar hoogs vereer “geseend is u onder vroue”, sy is immers die persoon wat geboorte gegee het aan ons Here!

  3. Rebel Avatar
    Rebel

    n Merkwaardige prestasie vir Afrikaans! Veels geluk! Dit neem ons bietjie weg van die oppervlakkige Las Vegas-kultuur af.

Leave a Reply

More posts