Burgemeesters in die Vrystaat is deur die ANC met afdanking gedreig indien hulle nie hul pligte uitvoer nie.
Thabo Meeko, woordvoerder van die ANC in die Vrystaat, het gesê burgemeesters het vroeër dié maand briewe onderteken wat die ANC toestemming gee om hulle af te dank indien hulle nie hul werk doen nie.
Hy sê munisipaliteite se uitvoering van hul pligte sal van tyd tot tyd geëvalueer word.
Meeko sê hierdie is ’n duidelike bewys dat die ANC wel druk weens gebrekkige dienslewering in munisipaliteite wil verlig en ’n beter lewe vir inwoners wil skep. – OFM
MOENIE DREIG NIE – DOEN DIT NET !
Gebrekkige diens, of geen diens word regoor die land waargeneem.
Sekondeer, raak ontslae van die hele blerrie spul.
Hoekom briewe onderteken om toestemming te verleen om afgedank te word as hulle nie die werk doen waar hulle een helse salaris en byvoordele kry nie?
Ek hoop daar is ook brief vir ondertekening aan Ace Magashule gegee.
Dank die Vader,ek woon in die Weskaap.
Lippetaal vir die media. Dis al wat dit is.
Ek wonder of hulle dalk gedink het dis nou die een of ander verkiesing met al die kruisies wat hulle moes trek?
Net gedreig ?? – Die ANC gaan nog Praat Uitputting (Talk Fatigue) kry.
Kaspaas welkom hier op Praag. Ons begin al meer raak.
Nou wonder mens net die wat nie die toestemming gegee het om afbetaal te word nie, is veilig en kan so voort ploeter? Dit is ‘n eerste in die geskiedenis dat ‘n werknemer sy werkgewer moet toestemming gee om hom af te betaal indien hy nie presteer of sy werk doen nie.