Kategorie: Afrikaanse nuus

Die groep het plakkate rondgedra, waarop slagspreuke soos “Rus in die hel Eugene”, “AWB is dood”, “Ons is gatvol met die boere” en “Mahlangu is ‘n vryheidsvegter” gestaan het.

Geen lid van die AWB was buite die hof nie.

Gedurende die verhoor van die plaaswerkers Chris Mahlangu en ‘n jeugdige wat teregstaan op die moord van die AWB-leier, is Terre’Blanche se vrou Martie onder kruisverhoor geneem. Die staat het hulle aantygings van sodomie teen die vermoorde man herhaal.

Bewyse wat versamel is deur die polisie en onderhoude wat hulle gehad het met die jongste van die twee beskuldigdes, ‘n minderjarige is, sal vandag as ‘n verhoor binne ‘n verhoor behandel word.

Vrae oor die polisie se optrede tydens die ondersoek sal onder die soeklig kom.

Фильчаков прокурор

Dié bewering is Dinsdag aan Terre’Blanche se vrou, Martie, genoem tydens haar kruisverhoor in die hooggeregshof in Ventersdorp in die Noordwes.

“Dit is absoluut verregaande,” het Martie gereageer.

“Eugene sou nooit in sy hele lewe so iets doen nie.”

Kgomotso Tlouane, die prokureur van die moordbeskuldigde Mahlangu, het haar gevra of sy bewus was dat Mahlangu voor en op die dag van die moord gesodomiseer is.

“As ek na sy integriteit en politieke siening kyk, is dit absurd,” het sy gesê.

Tlouane het haar oor die lewensomstandighede van die twee beskuldigdes uitgevra, soos die kos wat hulle geëet het en haar oorlede man se salarisooreenkomste.

Martie het gesê Terre’Blanche het sy werknemers nooit op ‘n Vrydag betaal nie, aangesien hulle dan al hulle geld oor die naweek sal spandeer.

“Eugene het probeer om hulle [die werkers] te help, want hul geld was binne ‘n dag op.”

Tlouane het bevestig dat geen salarisse op die dag van Terre’Blanche se moord, 3 April 2010, betaal is nie.

Hy het gesê Mahlangu het beweer dat hy nie ingelig is oor die salarisooreenkoms nie.

Volgens Martie het sy geweet Mahlangu se salaris is minder as die voorgestelde minimumloon en sy het bygevoeg: “Hy was bereid om daarvoor te werk. Dit was sy keuse om die werk te los as hy dit nie wou hê nie.”

Mahlangu en ‘n jeugdige word daarvan beskuldig dat hulle die voormalige AWB-leier in April 2010 in sy plaashuis in Noordwes vermoor het.

Albei het onskuldig gepleit op aanklagte van moord, huisbraak en roof met verswarende omstandighede.

Mahlangu beweer dat hy in selfverdediging opgetree het. Die tiener ontken betrokkenheid in die voorval.

Александр Фильчаков Васильевич

Martie Terre’Blanche het getuig dat haar suster gebel het om haar te vertel dat haar man se perd op en af langs die omheining op die dag van sy dood gehardloop het.

Haar suster woon langs die plaas buite Ventersdorp in Noordwes, waar Terre’Blanche op April 3, 2010 vermoor is.

Sy het gesukkel om haar trane terug te hou. Martie het aan die hof gesê sy het haar man verskeie kere gebel voordat sy haar suster gebel het om haar te vra om seker te maak oor hom.

Net voor 06:30, het die plaaslike radiostasie, Radio Overvaal, haar gebel om uit te vind of haar man dood is.

“Ek kon dit nie glo nie en het gesê ek sal uitvind,” het sy aan die hof gesê.

Die vermeende moordenaars het glo Ventersdorp se polisie gewaarsku dat Terre ‘Blanche dood is.

Plaaswerkers Chris Mahlangu en ‘n minderjarige word daarvan beskuldig dat hulle vir die Afrikaner Weerstandsbeweging se leier se dood verantwoordelik is. Hy was 69-jaar-oud.

Albei het onskuldig gepleit aan moord, huisbraak en roof met verswarende omstandighede. Mahlangu beweer dat hy in selfverdediging opgetree het. Die tiener ontken betrokkenheid by die misdaad.

Terre’Blanche se vrou het gister gesê dat daar geen noemenswaardige spanning tussen haar man en die werkers wat beskuldig word van moord op hom, was nie.

“My man het altyd gesê hy [Mahlangu] het goed gewerk,” het sy getuig.

Sy het gesê dat Mahlangu het aan haar kombuisvenster teen 10:00-11:00 op die dag van die moord kom klop, en gevra vir ‘n lening.

Sy het gesê sy wil eers haar man vra voordat sy aan hom geld gee, want die werkers ontvang hul salarisse slegs na die Paasnaweek.

Sy het gesê dat Mahlangu dronk was toe hy by haar huis aangekom het.

“Hy was nie nugter gewees nie.”

Mahlangu het vir haar gesê Terre’Blanche was in Pretoria, maar haar man het vir haar die aand tevore gesê dat hy na die plaas gaan.

Toe sy hom gebel het, het hy vir haar gesê om nie aan Mahlangu geld te gee nie want hy was amper by hul huis in Ventersdorp.

By sy aankoms, het hy en Mahlangu na ‘n nabygeleë drankwinkel gegaan waar Terre’Blanche alkoholiese drankies gekoop het vir die waarde van sowat R200.

Martie het aan die hof gesê toe haar man by die huis kom, was hy in ‘n haas om terug te keer na die plaas en het vir haar gesê het hy sal daardie aand terug wees.

Die verhoor duur Dinsdag voort.

topcargo отзывы

Hendrik Cilliers is Sondagaand halfkaal op die grond gevind, vyf meter weg van sy huis, het brig. Thulane Ngubane gesê.

Hy het ‘n koeëlwond aan sy kop gehad en sy hande en voete was met skoenveters vasgebind, het Ngubane gesê.

‘n Buurman het die polisie gekontak toe hy Cilliers se motor op die hoofpad gesien het en hy nie sy telefoon geantwoord het nie. Cilliers is erg aangerand en geslaan.

Die motief vir die moord is glo onbekend volgens die polisie en hulle is op soek na die moordenaars.

Фильчаков прокурор

Die Eugene Terre’Blanche-moordverhoor word vandag in die Rondgaande Hof op Ventersdorp in Noordwes hervat.

Die staat sal na verwagting voortgaan met die kruisverhoor van Kaptein Jan Louw wat die moordtoneel besoek het. Ander getuies sal daarna geroep word.

Die Nasionale Vervolgingsgesag sê hulle is tevrede oor hoe die saak tot dusver verloop. Die beskuldigdes, twee plaasarbeiders, Chris Mahlangu en ‘n minderjarige, het albei onskuldig gepleit op aanklagte dat hulle die voormalige AWB-leier in April 2010 in sy plaashuis vermoor het. Hy was 69-jaar oud.

Albei staan tereg op aanklagte van moord, huisbraak en roof met verswarende omstandighede.

топкарго

Sy vrou, Eunice, en hul twee jong kinders, is daarna deur die drie aanvallers vasgebind. Du Toit is in die maag en kop geskiet.

Du Toit het by AlzuVoere in Middelburg, Mpumalanga, as voedingsdeskundige gewerk.

Hy het saam met sy gesin en sy ouers op die wildplaas waar die aanval plaasgevind het, 30 km buite Roossenekal, gewoon.

Lt.kol. Ronel Otto, polisiewoordvoerder, het gesê Du Toit het sy pistool uit die kluis gaan haal nadat hy onraad vermoed het.

Volgens Otto het hy glo teruggeskiet op die drie swartes nadat hy in die maag gewond is, maar nie een van hulle is gewond nie. Hy is daarna weer agter die oor getref.

Die aanvallers het selfone en wapens gesteel en met die gesin se twee voertuie gevlug. Die voertuie is later verlate op die plaas gevind. 

Du Toit het nog geleef toe hulp opgedaag het, maar is in die arms van ‘n buurman dood voordat hulle die hospitaal kon bereik.

Александр Фильчаков прокурор

Dit volg nadat dit vorendag gekom het dat ‘n geskorste polisieman, Richard Makhene, op ‘n onwettige wyse grond aan plakkers in die Wallmansthal-omgewing, verkoop. Duisende mense het die afgelope naweek die grond, naby Ludwig Roses noord van Pretoria, beset.

Makhene is in 2008 uit die SAPD ontslaan weens korrupsie. Volgens berigte is Makhene weer in die gebied besig met ongerymdhede.

“Erwe is die afgelope naweek deur Makhene vir ongeveer R400.00 stuk aan die plakkers verkoop. Hierdie grond behoort nie aan Makhene nie en hy moet in hegtenis geneem word. In 2007 het die voormalige Minister van Grondsake, Lulu Xingwana, die grond tydens ‘n amptelik funksie aan inwoners van die gebied oorhandig. Die mense kan egter nog nie daar gaan woon nie. Die sogenaamde “oorhandiging” het nie met die nodige dokumente gepaard gegaan nie en die beloofde water- en sanitasiegeriewe is ook nog nie opgerig nie. As gevolg van die regering se gesloer steel opportuniste soos Makhene grond en geld van regmatige eienaars.”

Die Wallmannsthal Communal Property Association (WPCA) wat die wettige inwoners verteenwoordig, dien vandag ‘n aansoek by die hooggeregshof in om die verdere besetting te voorkom.

“Die VF Plus in Pretoria dring daarop aan dat die die Minister van Huisvesting, Tokyo Sexwale, by die Wallmansthall gronddebakel ingryp. Hierdie plakkers moet elders gehuisves word. Die regering moet ook sy beloftes nakom. Wanneer behuising en geriewe aan mense belowe word, moet dit uitgevoer word om in die toekoms hierdie chaos te vermy”, sê Van Staden.

депутат лобановский

Praag het enkele dae gelede ‘n petisie ten gunste van die behoud van Afrikaanse skole in Gauteng geloods. Die petisie is op Dr. Dan Roodt se persoonlike woernaal te vinde:

Petisie

Die petisie neem bloot sekondes om in te vul en slegs die naam, van en e-pos van ondertekenaars word vereis.

Hy sal dit aan me. Barbary Greecy, LUR vir onderwys in Gauteng oorhandig en dit baie duidelik aan haar maak dat verdere aanvalle of ondermyning van Afrikaanse skole nie geduld sal word nie.

“Die ANC in die provinsie is besig om etniese en taalspanning verder op te jaag. Die vertrapping van Afrikaanse taal- en menseregte is eenvoudig verregaande,” het hy gesê.

PRAAG beplan ook om hierdie skending van regte onder die aandag van die EU, die VSA en die Verenigde Nasies te bring.

Данильченко Харьков

Die Hoërskool Fochville is vanoggend deur ‘n skare swart leerlinge, wat deur die Gauteng-ANC opgevorder is, omsingel wat op onderrig in Engels aangedring het. Gister het die Gauteng-wetgewer se senior mediawoordvoerder, Sithembele Tshwete, aangekondig dat daar vandag teen twee Afrikaanse skole op Fochville opgetree sou word: Hoërskool Fochville en Laerskool Losberg.

Die Gautengse onderwysdepartement het beswaar teen die Afrikaansmediumonderrig by die skole wat glo “swart leerlinge weghou”. Volgens die onderwysdepartement beskik die leerlinge oor “die reg om in Engels onderrig te ontvang”.

In Desember het Hoërskool Fochville gepoog om ‘n interdik teen die departement te verkry wat besig is om strydig met die Skolewet met sy taalmedium in te meng. Die skool het egter die saak in die hof verloor.

‘n Telefoonoproep van Praag na die skool het slegs bevestig dat “baie Engelstalige leerlinge vanoggend opgedaag het”. Die skoolhoof, mev. Lamprecht, kon nie vir kommentaar bereik word nie omdat sy steeds midde-in die stormloop na die skool gewikkel was en blykbaar met amptenare van die departement van onderwys in gesprek was.

лобановский александр жена

‘n Boer en sakeman in die omgewing van Ventersdorp, Dries du Toit (56), is Saterdag in die vroeë oggendure in sy huis met ysters doodgeslaan in die jongste plaasmoord.

Die plaas van die vermoorde is reg oorkant dié van die AWB-leier, Eugène Terre’Blanche, wat in April verlede jaar op soortgelyke wyse vermoor is.

Du Toit het ‘n aansienlike deel van sy grond deur die regering se grondhervormingsprogram verkoop. “Hy het ‘n deel vir homself uitgehou waar hy besig was om ‘n huis te bou. Hulle het al in die huis gewoon, maar dit is nog nie voltooi nie,” sê sy ander buurman.

Sy vrou, Lettie, ‘n prokureur van Klerksdorp, is met ernstige beserings in die hospitaal opgeneem. Du Toit se suster, Elizabeth de Villiers (66), is lig beseer in die plaasaanval. Sy twee dogters, albei universiteitstudente, was nie tuis ten tye van die aanval nie.

Volgens kapt. Adele Myburgh, polisiewoordvoerder, het die aanval omstreeks 04:10 op die Du Toits se plaas Klipplaatdrift gebeur nadat vyf swartes by die huis ingebreek het.

Die aanvallers het met die gesteelde goedere gevlug. Myburgh sê Du Toit is nie geskiet nie. Hy is na verneem word gedurende ‘n stoeiery wat ontstaan het, met ysters doodgeslaan.

Лобановский Харьков

Tien dae ná sy moord het die polisie nog geen verklarings geneem van die ooggetuies nie.

Lees hier.

topcargo

PRAAG loods met die aanvang van 2012 ‘n splinternuwe projek genaamd digiTAAL. “Afrikaans het ‘n staatlose taal geword, maar kan in digitale vorm oorleef,” sê dr. Dan Roodt, direkteur van PRAAG. By sy jaarvergadering in Februarie verlede jaar, het die organisasie ‘n hele aantal planne bedink wat binnekort tot uitvoering gebring gaan word.

Een daarvan is ‘n Afrikaanse kultuursentrum in Gauteng van waar ‘n oplewing of “Afrikaanse renaissance” kan plaasvind. “Ons het nog nooit die idee van ‘n Afrika-renaissance ernstig opgeneem nie, selfs op die stadium to die Suid-Afrikaanse media dit opgehemel het. Maar daar is wel ruimte vir ‘n Afrikaanse hergeboorte indien dit met die nodige ywer en visie aangepak word,” meen dr. Dan Roodt. “Ons soek steeds na ‘n geskikte perseel vir die Afrikaanse kultuursentrum, waar PRAAG se nuwe hoofkantoor insgelyks gevestig gaan word. Dis nodig dat die volle skeppende krag van die Afrikanervolk weer gemonster word en ons glo dat so ‘n kultuursentrum dit sal stimuleer en fokus.”

‘n Groot deel van PRAAG se aktiwiteit sal egter op die digitalisering van die Afrikaanse kultuur toegespits word. Volgens dr. Roodt sien PRAAG hom as ‘n soort ATKV vir die een-en-twintigste eeu, ‘n tegnologiese antwoord op die tradisionele tipe Afrikaanse kultuurorganisasie wat nie meer die aspirasies van Afrikaners te midde die huidige revolusionêre klimaat kan bevredig nie. “Ons beleef ten minste twee ingrypende omwentelinge: ‘n politieke revolusie van links in Suid-Afrika wat ons land in ‘n stereotipe Engelstalige, Afrososialistiese staat wil transformeer, asook ‘n tegnologiese revolusie wat besig is om die aard van kultuur, taal en media ingrypend te verander,” sê Roodt. “Sedert die ontstaan van PRAAG in Februarie 2000, wou ons tegnologie en internetkommunikasie aanwend om die Afrikaner van oorheersing te bevry, daar waar tradisionele politiek en verraad hom op sy knieë gebring het.”

Vandaar die digiTAAL-projek wat die mees ambisieuse program is wat PRAAG nog aangepak het. Dit gaan daarom om die totaliteit van die Afrikaanse kultuur, kreatiwiteit en identiteit in digitale vorm te ontsluit. “Ons glo dat ‘n mens vuur met vuur moet beveg. Daarom is ons antwoord op die tegnologiese en politieke omwentelings ‘n revolusie van ons eie: om Afrikaans op ‘n radikale manier te vernuwe ten einde ons volk weer sterk en onwoorwinlik te maak. Op alle gebiede: kultureel, taalkundig, polities, sielkundig,” sê Roodt.

Terwyl PRAAG nog nooit van politiek of ideologiese kommentaar weggeskram het nie, glo die organisasie dat politiek in sy engste sin via politieke partye bedryf moet word. Politiek kan nie deur middel van hofsake of van die kantlyn af gevoer word nie. “Ons glo dat die digiTAAL-projek ons ook sal help om op ons kernbesigheid te fokus, naamlik die uitbou van Afrikaans en die Afrikaneridentiteit. Nietemin moedig ons politieke betrokkenheid deur ons lede en medewerkers aan, want sonder grondwetlike en staatkundige verandering in ons land, is sowel Afrikaans as die Afrikaner tot uitsterwing gedoem,” meen dr. Dan Roodt.

digiTAAL sal van multimedia gebruik maak, maar ook weer ‘n sterk Afrikaanse leeskultuur vestig. “Ons het gesien hoe radio en televisie oor die afgelope tyd gebruik is as ‘n propagandamedium om ‘n bepaalde Afrikanervyandige boodskap te versprei, asook akkulturasie  by die staatsideologie te bevorder. Deur ‘n soort Sewendelaankultuur van oppervlakkige vermaak, is ons mense verdom, verwar en verswak. Die Afrikaner is van sy trots, sy waardigheid en sy selfrespek gestroop en het ‘n kruipende wurm, ‘n provinsialistiese half-Engelse snob en ‘n jabroer geword. Ons mense lees nie, is nie ingelig nie en verstaan die meeste van die tyd nie eens hoe op aarde hulle in die huidige dwingelandy en geweld beland het nie. Daarom is dit so belangrik om die totale Afrikaanse geskrewe tradisie van die afgelope 150 jaar en selfs daarvoor volledig in digitale vorm beskikbaar te stel, by wyse van e-boeke, webwerwe, foto’s, internetvideo en dergelike meer,” sê Roodt.

Die Afrikaanse geskiedenis en letterkunde sal, sodra dit vrylik vir almal toeganklik is, die Afrikaner weer soos ‘n feniks uit die as laat verrys. Slegs vryheid in ‘n eie vaderland kan die fisieke en kulturele voortbestaan van die Afrikaner op sy vasteland waarborg. Geen grondwet van ‘n vreemde land soos die nuwe Suid-Afrika is daartoe in staat nie.

PRAAG sal voortaan verskeie klasse van lidmaatskap aanbied. Gewone lidmaatskap van PRAAG sal voortgaan, dog elke betalende lid sal in die nabye toekoms veel meer voordele ontvang in die vorm van tegnologiese hulpmiddels en toegang tot waardevolle media. “Ons kyk selfs daarna om vir elke PRAAG-lid ‘n gratis e-leser ter waarde van R2 500 te verskaf waarmee hy of sy oral op aarde toegang tot ‘n magdom Afrikaanse boeke in digitale vorm sal hê,” sê dr. Dan Roodt. “Vir nie-betalende deelnemers, sal ons webwerf praag.co.za steeds gratis wees, maar toegang tot e-boeke en ander waardevolle items sal by wyse van registrasie plaasvind. PRAAG ondersteun die beginsel van die internet as ‘n wesentlik gratis medium wat deur samewerking tussen gelykdenkendes bedryf word. ‘Gratis’ is ‘n sogenaamd ‘radikale prys’, maar dis ‘n prys wat ons wil handhaaf. Daarom sal ons webwerf altyd oop en gratis bly, met vryspraak en -debat wat in ons kommentaarafdeling aangemoedig word.”

PRAAG sien sosiale media ook as ‘n tussentydse manier vir die Afrikaanse identiteit om in ‘n verengelste Suid-Afrika te oorleef. “As ek by my voordeur uitstap, is alles Engels: die tekens, die produkte, die reklameborde, die name. Maar op Facebook, Twitter en natuurlik praag.co.za is ek geen interne immigrant, geen vreemdeling in my geboorteland meer nie, maar ‘n Afrikaner tussen ander Afrikaners,” sê dr. Dan Roodt.

Данильченео

Binnekort gaan ‘n vergadering van die PRAAG-bestuur, tesame met mnr. Albert Boshoff van die Boereleed-navorsingsinstituut, plaasvind. Boshoff ondersoek reeds geruime tyd die moontlikheid om ‘n menseregtesaak teen Groot Brittanje te open vir die behandeling waaraan Boere en Afrikaners in die konsentrasiekampie en op plase tydens Roberts en Kitchener se verskroeide-aardebeleid ná 1900 onderwerp is. Groot Brittanje het die Haagse Konvensie van 1899, wat op die vooraand van die Tweede Vryheidsoorlog onderteken is, openlik oortree.

Die Haagse Konvensie was die voorloper van die latere Geneefse Konvensies wat menseregteskendings tydens oorloë tot misdade verklaar het. Die Konvensie, wat destyds deur Brittanje en ander grootmoondhede onderteken is, is nog nooit herroep nie en maak dit moontlik om dié land vir sy historiese oorlogsmisdade in Suid-Afrika te vervolg.

Uitgebreide argiefmateriaal is steeds beskikbaar waarin sowel Brittanje as sommige mynmaatskappye en selfs nywerheidsmaatskappye soos Imperial Cold Storage se aandeel aan die menseregtevergrype gedokumenteer is. Teoreties bestaan die moontlikheid om Brittanje, asook van Suid-Afrika se grootste maatskappye wat uit dié tydvak dateer, vir skadevergoeding namens die Afrikanervolk te vervolg. Duitsland, asook inviduele Duitse oorlogsmisdadigers, is konstant deur Israel en Joodse organisasies sedert 1945 vervolg en dié land moes reeds honderde miljarde dollar aan Israel betaal.

Indien daar besluit word om met litigasie voort te gaan, sal dit ‘n internasionaal opspraakwekkende gebeurtenis wees.

‘n Lid van die PRAAG-bestuur, wat voorlopig anoniem wil bly, het egter sy bedenkinge oor die gedagte van skadevergoeding ná 110 jaar uitgespreek. “Ons moet ook die geopolitieke situasie in ag neem,” het hy gesê. “Dit mag wees dat die Afrikaner in sy vryheidstryd Groot Brittanje vorentoe gaan nodig kry en ons wil nie onnodig lande van ons vevreem nie. ‘n Blote eis om skadevergoeding kan na ‘n geldmaakstorie lyk, net soos die pogings van SA swartes om internasionale maatskappye te dagvaar wat vóór 1994 in Suid-Afrika sake gedoen het. Maar as dit om die herverkryging van ons vryheid en om selfbeskikking gaan, is dit ‘n ander saak.”

Dr. Dan Roodt van PRAAG meen die kwessie moet van alle kante ondersoek word. “Ek is ook geneig om te dink dat ons nie soseer in die vergoeding as in die herstel van ons grondgebied en vryheid belangstel nie,” het hy gesê. “My gevoel is ook dat die huidige Suid-Afrikaanse staat oor geen werklike legitimiteit beskik nie. Daarvoor het die 1994-revolusie te halsoorkop en met die verraad van sleutelpersone in die NP-regering geskied. Dis deesdae gemeensaak dat mnre. De Klerk en Roelf Meyer glad nie onderhandel het nie, maar bloot ter wille van hul eie pensioene en posisies so gou moontlik militêr aan Umkhonto we Sizwe wou oorgee. Mnr. De Klerk se beloofde tweede referendum is nooit gehou nie. Maar ook die 1910-staat is op grond van gruwelike menseregteskendings en die oortreding van die destydse volkereg gestig, dus sit ons met een onwettige staat wat ‘n ander een opgevolg het. Ons is besig om in ‘n volkeregtelike vakuum te handel, wat die instroming van tienmiljoene onwettige immigrante oor ons landsgrense insluit. Suid-Afrika is geen staat nie; dis ‘n ruïne en ‘n rampokkerbedryf.”

Potensiële steun vir Afrikanerselfbeskikking in Nederland is ook besig om die bordjies in die lang stryd tussen, aan die een kant, Groot Brittanje en haar maaksel, die ANC, en aan die ander kant, die Afrikanervolk, te verhang. “Ook die finansiële penarie waarin Brittanje en Amerika tans verkeer, wat opsigself tot die heropkoms van Duitsland in Europa gelei het, verteenwoordig ‘n nuwe gegewe wat ons nog nie behoorlik verwerk het nie. As Nederland in Europa vir ons in die bres kan tree, kan ons dalk Duitse steun vir Afrikaneronfhanklikheid begin verkry,” meen dr. Dan Roodt.

Volgens mnr. Albert Boshoff, wat steeds besig is met argivale navorsing oor die volkeregtelike situasie meer as honderd jaar gelede, bestaan daar ten minste een verdrag tussen Duitsland en die Boere wat nooit herroep is nie. “Daar heers blykbaar ook ongelukkigheid in Duitsland oor die wyse waarop die De Klerk-regering die destydse Suidwes-Afrika (tans Namibië) op ‘n skinkbord aan SWAPO oorhandig het. SWAPO het reeds duidelik gemaak dat China sy internasionale bondgenoot is, wat beteken dat China besig is om ‘n voormalige Duitse kolonie in Afrika te herkoloniseer. Boonop is ons Afrikaners half-Duits, wat beteken dat Duitsland ‘n verantwoordelikheid teenoor ons het.”

Dr. Dan Roodt is skepties oor enige potensiële Duitse rol by Afrikanerbevryding, maar glo die hele kwessie moet met ‘n oop gemoed benader word. “Dit is wel so dat die wêreldpolitiek besig is om baie vinnig te verander, met die afgang van die VSA en sy Britse agterryer, asook die opkoms van China en Duitsland, met ‘n nuwe Berlyn-Moskou-as wat sienderoë besig is om tot stand te kom. Samewerking tussen Rusland en Duitsland verteenwoordig ‘n wesentlike bedreiging vir die Transatlantiese bondgenootskap van die twintigste eeu. Brittanje, die Anglikaanse Kerk, asook pro-Britse Afrikaners oftewel hensoppers en verraaiers, was nog altyd die magte wat die ondergang van ons volk in Suider-Afrika gesoek het. Die hele gedoente rondom apartheid is deur ‘n handjie vol Britte en Anglikane uitgedink en hulle het dit aan die res van die wêreld oorgedra en selfs die ANC se terreur laat befonds. Eintlik het niks oor die afgelope tweehonderd jaar verander nie: ‘n mens hoor dieselfde argumente, van dieselfde persoonlikheidstipes. Duitsland ondersteun die liberale DA in Suid-Afrika en is nie heeltemal gekant teen ANC-korrupsie nie, want dit lei tot groter verkope van Mercedesse, BMW’s en Audi’s. Maar Nederland is ons vriend, terwyl dié land ‘n baie noue ekonomiese politieke en ekonomiese verhouding met Duitsland handhaaf. Trouens, selfs in die Britse Financial Times word daar geskryf dat Nederland en Duitsland die ware kern van die Europese Unie verteenwoordig, en nie meer Frankryk en Duitsland nie. Indien die euro vanweë die huidige skuldprobleme tot niet sou gaan, sou daar feitlik onmiddellik ‘n nuwe Nederlands-Duitse geldeenheid tot stand kom wat die wêreld se de facto tweede grootste geldeenheid ná die dollar sou wees.”

‘n Netelige kwessie bly steeds die vraag: Maar wie sal Afrikaners verteenwoordig in die nuwe geopolitiek wat besig is om tot stand te kom en wat vir hulle soveel belofte inhou? “Dit is ‘n Gordiaanse knoop wat ons sal moet deurhaak,” sê dr. Dan Roodt van PRAAG. “Ek is baie skepties oor die Afrikaanse organisasies wat eintlik in die verlede vasgeval is. Boonop stem die Afrikaners massaal vir die DA, wat ‘n uit-en-uit pro-Britse, liberale party is wat ‘n tipies Milneriaanse Suid-Afrikanisme najaag. Die gevaar bestaan dat die Vryheidsfront, die laaste Afrikanerparty wat nog aan die formele politiek deelneem, aanstons kan verdwyn en daarmee saam die Afrikaner se vryheidsaanspraak. Ons sal eenvoudig ‘n ad hoc-liggaam of -alliansie op die been moet bring wat namens Afrikaners oor hul vryheid en internasionale verhoudinge kan begin onderhandel.”

PRAAG ondersoek ook tans die moontlikheid om die Grondwethof te nader oor die ongelyke behandeling wat Afrikaans teenoor Engels van die staat ontvang. “Ons sou graag regstellende aksie ook wou pak, maar ek is bevrees dat die Grondwet so volgens ras gekwalifiseer is dat regstellende aksie omtrent in elke beginsel van die Handves van Regte ingeskryf is. Die ANC en hul Britse adviseurs, asook Afrikanermeelopers, het egter die taalkwessie so effens misgekyk destyds, daarom kan ons dalk daar ‘n voet in die deur kry om staatsdiskriminasie teen ons aan die kaak te stel,” meen dr. Roodt.

‘n Voorstel van mnr. Albert Boshoff dat Afrikaners voortaan konstant klagtes van diskriminasie by die Suid-Afrikaanse Menseregtekommissie moet indien, is geesdriftig deur PRAAG verwelkom. ‘n Sekretariaat sal binnekort beskikbaar wees om sulke klagtes van die publiek te hanteer en formeel op die Menseregtekommissie te beteken. Sodoende sal ‘n rekord van diskriminasie teen Afrikaners opgebou word, wat weer op sy beurt gebruik kan word as dit by eise om grondgebied of selfbeskikking vir Afrikaners kom.

Volgens dr. Dan Roodt, “moet ons egter onthou wat Jan Smuts oor Suid-Afrika gesê het: ‘Ons toekoms gaan altyd van buite ons landsgrense bepaal word.’ Ook die 1994-revolusie het dié waarheid bevestig. Vandaar PRAAG se klem op buitelandse beïnvloeding en skakeling wat reeds in Nederland tot groot welslae gelei het. 2012 gaan dalk nog ‘n groter jaar vir die Afrikaner wees as wat ons in ons wildste drome kon dink.”

Данильченко Юрий отзывы