Suider-Afrika Archives - Page 519 of 888

Liewer bier as boer

Zimbabwiërs het in 2011 sowat 1,67 miljoen hl bier, die hoogste ooit, in hulle kele afgegooi.

Maar soos bierdrink die hoogte ingeskiet het, het die uitvoer van die land se plase gedaal tot sy laagste laagtepunt sedert onafhanklikheid in 1980 (met die uitsondering van 2008 toe inflasie op 500 miljard persent was).

‘n Land van eens hardwerkende boere sit nou in die kroeg in plaas daarvan om te gaan ploeg, volgens Charlie Taffs, hoof van een van die land se boere-unies. “Dit is ‘n aanduiding van ‘n verbruikersgedrewe samelewing,” het hy gesê.

In 2000 het president Robert Mugabe ‘n veldtog van gewelddadige onteiening teen die land se 4000-sterk wit boerdery-gemeenskap van stapel gestuur, in die naam van revolusionêre grondhervorming. Dit sou glo aan die swart boer sy helfte terugbesorg wat deur wit koloniale regerings ‘n eeu gelede sogenaamd van hom weggeneem is.

Maar selfs oudits deur Mugabe se Zanu-PF-party bevestig dat die groot en hoogs produktiewe plase van blanke boere grootliks deur politici, regters, top-polisiemanne, generaals en die redaksielede van staatskoerante lojaal aan Mugabe oorhandig is, die welbekende “naweek boere”.

Landbou-uitset het grotendeels in duie gestort en die land wat as “Afrika se broodmandjie” bekend gestaan het, is getref deur tekorte en hongersnood.

Die regering se statistiekkantoor sê vir die somerreënseisoen in November, is 1,2 miljoen hektaar grond met mielies, die nasionale stapelvoedsel, beplant.

Dit sou amper genoeg gewees het om die 1,8 miljoen ton wat Zimbabwiërs eet, te voorsien.

Maar in plaas daarvan, in ‘n tragiese herhaling van elke jaar sedert 2000, het die ministerie van landbou saad en voorrade slegs kon lewer toe die reën reeds goed aan die gang was. Dit is lank reeds deur die Zimbabwiese landboukundiges vasgestel dat mielies wat ná 31 Desember geplant word, nie sal ryp word nie.

Taffs en ander vakbonde waarsku dat nie meer as 700,000 ton verwag kan word wanneer hierdie jaar se oes geoes word nie – 1,1 miljoen kort van die vraag.

Die tekort sal deur duur invoere aangevul moet word. Unicef, die Verenigde Nasies se Kinderfondsagentskap, het reeds waarsku dat 3,5 miljoen kinders regoor die land van noodrantsoene afhanklik sal wees.

Hierdie seisoen, is die voorsiening van goedkoop saad en kunsmis herdoop na die “presidensiële insetteprogram”. Dis ‘n goedkoop foefie om die gewone roetine van ‘n regeringsbefondsde operasie in ‘n verkiesingsboodskap te omskep, om boere te oorreed om vir die 87-jarige Mugabe te stem in verkiesings wat na verwagting iewers in die volgende 15 maande sal plaasvind.

“Dit is ‘n volslae ramp,” het Taffs gesê. Boere kon slegs begin met die invordering van hul insette op Nuwejaarsdag, toe die reënseisoen al amper halfpad verby was. Boere het staan en toekyk soos politieke swaargewigte voor in die lang toue ingedruk het by die landelike depots en hul vragmotors gelaai het. Selfs stedelike minibusse is toegelaat om saad en kunsmis op te laai.

Hulle moes toekyk hoe dieselfde gesubsidieerde kunsmis ‘n paar uur later by die bushalte in Harare teen dubbel die prys verkwansel word, het die staatsbeheerde Herald-koerant berig.

Die meeste boere het huis toe gegaan met min of niks.

“Elke jaar is dieselfde,” het Taffs gesê. “Daar is geen verantwoordeliksin by die mense wat die insette kry nie, en mense kan doen wat hulle wil.”

Maar oorkant die Zambezi-rivier in die naburige Zambië is daar ‘n verstommende ommekeer van rolle tussen die twee lande. Vir dekades totdat Mugabe se grondgryp in 2000 begin het, het Zimbabwiese boere surplusse wat Zambiërs gevoed het, geproduseer omdat Zambië se landbou-stelsel sterwende was.

Toe, in 2008, het die Zambiese president Rupiah Banda ‘n nuwe beleid aangeneem. Boere koop goedkoop insette, reeds in September, betyds vir hulle om voor te berei vir die reën. Boere word dan ook gemonitor om te verseker dat hulle gewasse geproduseer het, en die kunsmis en saad word betaal eers nadat hulle hul oeste verkoop het. As hulle misluk, word hulle onbevoeg verklaar om insette vir die volgende seisoen te ontvang.

Die gevolg was fenomenaal. Verlede jaar het Zambiese boere ‘n rekord-oorskot van 1,6 miljoen ton gehad, wat uitgevoer word na Zimbabwe. “Daar was volle verantwoordelikheid,” het Taffs gesê. “Die program het nou tot ‘n einde gekom, maar dit het hulle ‘n hupstoot gegee, en dit het gewerk.”

In Zimbabwe, sal Mugabe se politieke boere liewer die insette wat aan hulle voorsien is, verkoop en bier koop in plaas van boer.

прокурор Фильчаков

Stigting vra dat De Kock regverdig behandel word

Daar is op 24 Januarie 2012 wyd berig oor Eugene de Kock wat die Mlangenigesin om vergifnis vra vir die dood van Bheki Mlangeni en die familie wat dit verwerp met die opmerking dat hy in die gevangenis moet vrot.

Dit is uiters belangrik dat die volgende feite in gedagte gehou word en dat die Paroolraad nie beïnvloed word deur sake wat hoegenaamd nie op hierdie saak betrekking het nie.

Eugene de Kock is op 4 Mei 1994 gearresteer en op 30 Oktober 1996 weens moord en verskeie ander misdrywe gevonnis. In die geval van Bheki Mlangeni is hy tot 10 jaar gevangenisstraf gevonnis weens strafbare manslag. Toe hy gevonnis is het hy reeds 2 jaar en 5 maande as verhoorafwagtende in die gevangenis verkeer.

Met die uitsondering van die Nelspruitmoorde en die moord op Japie Maponya het De Kock amnestie vir al die ander moorde, met die inbegrip van die strafbare manslag in die geval van Bheki Mlangeni, gekry. Volgens al die feite sal ‘n aansoek om hersiening deur die Hooggeregshof in die geval van Japie Maponya waarskynlik slaag. Dit laat slegs die Nelspruitmoorde oor wat oorweeg behoort te word.

Ofskoon berou nie ‘n vereiste vir amnestie is nie en geeneen van die ANC-kaders berou getoon of gevra het vir die terreurdade wat hulle verrig het nie, het Eugene de Kock nadruklik en by herhaling tydens elke amnestieverhoor sy berou uitgespreek en om vergifnis gevra. Die relase van die amnestieverhore sal dit bevestig.

Artikel 20(10) van die Wet op die Bevordering van Nasionale Eenheid en versoening bepaal soos volg:

“Waar iemand skuldig bevind is aan misdryf wat uitgemaak word deur ‘n daad of versuim wat met ‘n politieke oogmerk in verband staan ten opsigte waarvan amnestie ingevolge hierdie Wet verleen is, word ‘n inskrywing of aantekening van die skuldigbevinding geag uit alle amptelike stukke of rekords geskrap te wees en word die skuldigbevinding vir alle doeleindes, met inbegrip van die toepassing van enige Wet van die Parlement of enige ander wet, geag nie plaas te gevind het nie”.

Bo en behalwe dat hy amnestie in die geval van Bheki Mlangeni gekry het, het De Kock reeds die 10 jaar gevangenisstraf wat ten opsigte van Mlangeni se dood opgelê is, uitgedien, ofskoon die hof gelas het dat die vonnisse gesamentlik uitgedien moet word. Dit sou derhalwe ‘n growwe onreëlmatigheid wees indien die Paroolraad die geval van Bheki Mlangeni sou oorweeg.

Eugene de Kock is gearresteer en verhoor toe alle ondersoeke na soortgelyke misdrywe, met inbegrip van misdrywe wat deur lede van die Nasionale Uitvoerende Raad van die African National Congress gepleeg is, opgeskort is hangende die uitslag van onderhandelinge oor moontlike algemene amnestie. Indien de Kock op dieselfde wyse as lede van die NUK van die ANC gehanteer sou gewees het, sou hy lankal op parool gewees het.

Dit is daarom uiters belangrik dat met die oog op reg en geregtigheid die Paroolraad die parool van Eugene de Kock onbevange en onbevooroordeeld met integriteit en opregtheid sal oorweeg. Die Stigting het geen twyfel dat parool in so ‘n geval aan De Kock toegestaan sal word nie.

Die slotgedeelte van die Tussentydse Grondwet lees onder meer soos volg ten opsigte van die verdeeldheid tweespalt en konflik van die verlede:

“Die geleentheid is daar om dit nou reg te stel op die grondslag dat daar ‘n behoefte bestaan aan begrip en nie wraaksug nie, ‘n behoefte aan herstel en nie vergelding nie, ‘n behoefte aan medemenslikheid en nie viktimisering nie.”

Dit is bitter jammer dat politieke leiers hierdie aanhaling ruimskoots gebruik as dit om hulle belange gaan, maar wanneer dit oor sake gaan wat werklik daardeur geraak word, dit heeltemal negeer.

J P Botha
Voorsitter – Stigting vir Gelykheid voor die Reg

Фільчаков прокурор

ANC-Jeugliga kry skietgoed

Die ANC-Jeugliga het skietgoed in die hande gekry teen die stemme binne die ANC wat Malema wil stilmaak. Hulle beskuldig die ANC daarvan dat die dissiplinêre prosedure gebruik word om politieke geskille te vereffen.

Dit het dié week aan die lig gekom by ‘n dissiplinêre appèlkomiteevergadering dat die ANC se hoofaanklaer Uriel Abrahamse ‘n e-pos aan sy adjunk, adv. Nomazotsho Memani, geskryf het om te vra dat die appèl voor die ANC se eeufeesvieringe gehoor word om te voorkom dat Julius Malema die verhoog met president Jacob Zuma deel.

Abrahamse het geskryf: “Ek dink ook nie dit is ‘n goeie idee om by die ander kant betrokke te raak nie, tensy hulle dit inisieer. Ons ervaring is dat hulle elke geleentheid sal gebruik om vertragings te skep. Hulle doen dit ten einde die appellante ‘n kans te gee om by te wees vir die 8 Januarie-program. “

Die Jeugliga is van mening dat hierdie skuif om Malema te verhoed om ‘n verhoog met Zuma te deel, ‘n bewys van ‘n groter politieke komplot is.

Hierdie week het die liga ‘n formele klag ingedien by Zuma en die ANC se ander top vyf amptenare – adjunk-president Kgalema Motlanthe, voorsitter Baleka Mbete, sekretaris-generaal Gwede Mantashe, sy adjunk Thandi Modise en tesourier-generaal Mathews Phosa – oor Abrahamse se optrede.

Abrahamse se e-poskorrespondensie is ook aan die Appèlkomitee deurgegee as bewys dat die saak teen hulle polities gemotiveer is.

Die korrespondensie is deur die komitee aanvaar en die adjunk-minister van justisie, Andries Nel, wat die deel van die ANC se vervolgingspan is, het die inhoud van die e-pos bevestig en dat dit deur Abrahamse gestuur was.

Die e-pos sal waarskynlik spanning skep en verdeeldheid in die regerende party voor die ANC-konferensie in Mangaung in Desember verdiep. Die liga hoop ook dat dit geloofwaardigheid sal gee aan die eise dat die aanklagte teen sy leiers polities gemotiveer word, asook daarop gemik is om die liga se standpunte oor beleid en die leierskap te onderdruk.

Abrahamse beweer dat Luthuli-huis inligting ontvang het dat “die Mopani-streeks-voorsitter en sekretaris in Limpopo, ‘n vergadering gereël het twee weke gelede waar hulle Julius genooi het om hulle toe te spreek. Kameraad Cassel Mathale, [Limpopo se premier] was ook teenwoordig en, volgens die verslae wat ons ontvang het, was die agenda basies om hul planne vir massa-mobilisering te bespreek en die ANC-president te ondermyn”.

Hy het ook geskryf: “Hulle is besig om T-hemde vir 8 Januarie te druk, met die slagspreuk, ‘Kgalema vir president’ en hulle probeer om die Jeugliga-strukture te mobiliseer in die hele land ter ondersteuning van hierdie veldtog “.

Abrahamse, ‘n oud-UmkonthoweSizwelid is geen vreemdeling van omstredenheid nie. Twee jaar gelede is hy skuldig bevind aan die moord op vier-jaar-oue Gwadiso Belang, tydens ‘n skietery in Westdene, Johannesburg. Hy is op ‘n aanklag van strafbare manslag skuldig bevind en gevonnis tot vier jaar in die tronk, maar het slegs 10 maande uitgedien. Die res is omskep in korrektiewe toesig.

Abrahamse se e-pos het woede by die geskorsde Jeugligabestuur uitgelok, en hulle vra dat tugstappe teen hom geneem word. Hulle eis ook dat Cyril Ramaphosa, voorsitter van die appèlkomitee, die hulle skorsings as gevolg van politieke inmenging ongedaan maak.

“Artikel 25.2 van die ANC-grondwet verbied dissiplinêre aksies wat bedoel is om politieke punte te skik of wat debat onderdruk in die African National Congress. Die e-poskommunikasie deur Kameraad Uriël is duidelik in stryd met hierdie belangrike beginsel van die ANC en illustreer dat die dissiplinêre verhoor teen die leierskap van die ANC-jeugliga as ‘n politieke instrument aangewend word en debat smoor.”

Die brief is onderteken deur Sindiso Magaqa.

Reusagtige moskee verrys in Midrand

Die Nizamiyemoskee, wat tans in Midrand gebou word, is gebaseer op die Ottomaanse argitek Sinan se Selimiyemoskee in Edirne, Turkye. Dit is buitengewoon groot met besondere aandag aan detail.

Suid-Afrikaners sal binnekort in staat wees om die eerstehands die detail en die verhoudings wat so kenmerkend is van Ottomaanse ontwerp, te ervaar.

Die Suleymaniyemoskee in Turkye is meer as 500 jaar oud, in 1568 opgerig, en dit is skaars om moderne geboue te vind wat dieselfde noukeurige en tydrowende vakmanskap ten toon stel.

Die Nizamiyemoskeekompleks in Midrand, wat vroeg in 2012 voltooi sal word, sluit allerlei gemeenskapsgeriewe soos ‘n skool vir 800 leerlinge, ‘n konferensiesaal, winkels, ‘n restaurant en ‘n kliniek in.

Geen onkoste is gespaar in die gebou se ontwerp en uitvoering nie, met ‘n totale koste wat op sowat R210 miljoen geskat word.

Die man agter die projek is Turkse sakeman Ali Katircioglu, wat na Suid-Afrika verhuis het saam met sy vrou vir die duur van die projek, en sal terugkeer na sy huis in Istanbul wanneer die gebou voltooi is.

Katircioglu het gesê die projek het Nelson Mandela se seën en hy is deur die voormalige president in 2007 aangemoedig om fasiliteite wat tot voordeel van die groter gemeenskap strek, soos ‘n kliniek, in te sluit.

Die moskee self is in die afwerkingstadium, met ‘n paar geskoolde vakmanne (van Turkye ingevoer) om die finale afronding aan sy dekoratiewe elemente te doen.

Die teëls, die kalligrafie, die skildery op die koepel en die gebrandskilderde vensters, is uit Turkye, of plaaslik met behulp van ingevoerde materiaal voltooi.

Die moskee se kenmerkende silhoeët is opvallend in die eenvormige Midrandlandskap en kan 3 500 mense akkommodeer, en nog vele meer as die binnehof en die balkonne aan weerskante ook ingesluit word. Die sentrale koepel van 24 meter in deursnee en 32 meter hoog, is net effens kleiner as Sinan se oorspronklike, en die binnehof is omring deur 22 kleiner koepels

Die Iznik-styl teëls is gebruik om die hele binnekant en buitekant van die moskee uit te voer, sommige in reliëf, en handgeverf. Die swaar, gekerfde deure is van Turkye ingevoer.

Weggesteek tussen die koepels is sonpanele wat genoeg elektrisiteit opwek om krag vir die moskee se ligte te verskaf en die water in die ablusie kamers te verhit.

DA-LP sê Zille is diktator

Masizole Mnqasela, DA-LP, verskyn volgende week op verskeie klagtes voor ‘n interne tugverhoor waar hy onskuldig op ses aanklagte van wangedrag sal pleit.

Die Sowetan berig dat Mnqasela sy pleidooi sal lewer voor die DA se federale regskommissie.

“Ek raadpleeg my regspan Dinsdag en ek sal op ‘n perskonferensie my saak stel,” het hy gesê.

In ‘n verklaring wat Maandag vrygestel is, het Mnqasela gesê die aanklagte is “skreeusnaaks en ‘n desperate poging [deur die DA] om uiteenlopende sienings te smoor”.

Tydens die veldtog vir die DA se parlementêre woordvoerder, Lindiwe Mazibuko verlede jaar, het Mnqasela na bewering gesê sy is nie swart genoeg om swart kiesers te lok na die party nie.

“As jy jou oë toemaak en luister na Lindiwe Mazibuko as sy praat, sou jy sê dis ‘n wit persoon wat met jou praat,” het hy glo gesê.

DA-leier Helen Zille het gesê Mnqasela se optrede en uitsprake was nie in lyn met die beleid van die party nie.

Mnqasela het gesê dat die klagtes is ‘n versinsel en smeerveldtog teen hom.

“Ek is sterk oortuig dat hierdie klagtes ‘n mandjie van ‘n wenslysie is wat bepaal is deur diegene wat demokratiese politieke aktiwiteit en ‘n goeie debat wil beëindig binne die Demokratiese Alliansie,” het hy gesê.

“Ek glo ook [die klagtes] is ontwerp om enige aanspraak vir posisies in die toekoms te keer, binne ‘n party wat gepas vernoem na hierdie grootse instelling van politieke stelsel,” het hy wrang opgemerk.

Hy het Donderdag ‘n ope brief aan Zille gestuur waarin hy weereens haar ondersteuning van Mazibuko kritiseer en haar as ‘n diktator beskryf.

“Die onderskrywing van ‘n kandidaat deur ‘n huidige of voormalige leier maak nie die speelveld gelyk nie en herinner ‘n mens aan baie leiers oor wie gesê word dat hulle diktatoriale neigings gehad het,” skryf Mnqasela.

Zille het Mnqasela verdedig nadat hy tereggestaan het op aanklagte van verkragting. Sy beweer hy is verkeerdelik vervolg.

Mnqasela sê Zille se mening van hom het nou verander omdat daar ‘n leierskapstryd in die DA is.

SA se geletterdheidsvlakke bedremmeld laag

Nuwe navorsing deur die SAIR het getoon dat Suid-Afrika se volwasse geletterdheidsvlak laer as dié van ander opkomende lande is. Dit is desondanks Suid-Afrika se enorme besteding aan onderwys.

Die opname wat deur die Suid-Afrikaanse Instituut vir Rasseverhoudinge gedoen is, toon dat Suid-Afrika se besteding aan staatsonderrig, as deel van die totale regeringsbesteding, in die 2009/2010-boekjaar 18% was.

Altesaam 11% van volwassenes in Suid-Afrika is steeds ongeletterd.

Suid-Afrika se besteding is meer as Hongarye en Bulgarye, wat 10% van hul begroting aan volwasse geletterdheid bestee.

Dié lande se geletterdheidskoers is onderskeidelik 99% en 98%.

Die instituut sê die navorsing toon dat geld nie die probleem is nie, maar dat beleid behoorlik geïmplementeer moet word en leemtes in leierskapsposisies by skole gevul moet word.

Taxi’s maai onder swart bevolking

Die minister van vervoer, mnr. S’bu Ndebele, het in die parlement bevestig dat die afgelope drie finansiële jare vanaf 2008 daar 5315 mense gesterf het net in taxi-ongelukke. In dieselfde tydperk het 1020 mense in busongelukke, 14 163 voetgangers en in totaal 41 431 mense in noodlottige ongelukke gesterf.

Hy het geantwoord op ‘n vraag van Pieter Groenewald van die Vryheidsfront Plus. Die meeste taxi-sterftes het plaasgevind in KwaZulu-Natal en die meeste sterftes in busongelukke was in Mpumalanga, naamlik 1458 en 301 onderskeidelik.

Die meeste sterftes in noodlottige ongelukke asook voetgangers was ook in KwaZulu-Natal met 8 309 padsterftes en 3 555 voetgangers wat gesterf het.

“Volgens die syfers is dit duidelik dat KwaZulu-Natal ‘n ernstige probleem is ten spyte daarvan dat daar gereeld gesê word dat hulle ‘n zero-toleransie handhaaf met verkeer.

Die minister wil graag spoed altyd die skuld gee en wil die spoedgrens verlaag na 100 km/uur. Die werklike probleem is egter die toestaan van bestuurslisensies. Behalwe korrupsie en vervalste bestuurslisensies kry bestuurders lisensies, maar dan is hulle nog steeds onbevoeg om te bestuur.

Die vereistes om ‘n lisensie te kry sal indringend aandag moet kry. Daar is ook genoegsame wetgewing, maar die toepassing daarvan is gebrekkig. Indien die minister hieraan aandag gee sal daar minder sterftes wees op die land se paaie,” sê mnr. Pieter Groenewald (LP), parlementêre woordvoerder van Vervoer vir die Vryheidsfront Plus.

Лобановский Харьков

Vreemdelinghaat flikker in Ekurhuleni

Buitelandse winkel-eienaars in townships in Ekurhuleni sê hulle lewe in vrees nadat ‘n spaza-winkel van ‘n burger van Bangladesj gisteraand aan die brand gesteek is.

Rafiqul Islam moes toekyk hoe sy broer se winkel in vlamme opgaan. Die groep, Ekurhuleni Concerned Business Owners, het homself intussen gedistansieer van aanvalle op buitelanders.

Honderde die Ekurhuleni-inwoners kla steeds omdat die Gautengse regering winkels wat deur buitelandse burgers in hul gebied besit word, nie sluit nie.

Die Ekurhuleni Concerned Residents, en Business and Enterprise Forum, hoofsaaklik uit kleinsake-eienaars en inwoners van townships aan die Oos-Rand voel Suid-Afrikaners trek aan die korste ent.

Hulle het reeds aan Gauteng se premier Nomvula Mokonyane, se kantoor ‘n memorandum oorhandig wat eis dat plaaslike regering besighede in besit van plaaslike burgers ondersteun, en hersoneringsprosesse, asook die oprigting van winkelsentrums in die townships dadelik staak. Hulle vra dat buitelanders wat in HOP-huise bly ook uitgesit moet word.

Forum-woordvoerder Baznaar Moloi het gesê: “Ons eis ‘n positiewe reaksie, indien nie sal ons drastiese stappe neem. Die laaste keer wat ons geveg het, was voor 1994.”

Moloi het gesê hulle het verskeie gesprekke met plaaslike regering in Maart gehad.

“Ons het ons kommer uitgespreek en talle vergaderings is gehou oor die aantal onwettige winkels wat deur buitelanders besit word. Die ooreenkoms was dat die regering die resolusies wat goedgekeur is, teen Julie, sal implementeer, “sê Moloi.

Hy het gesê dat dit nie gebeur het nie en die aantal winkels in besit van buitelanders, veral uit Pakistan en Bangladesj, het verdriedubbel.

“Baie van hierdie winkels betaal nie belasting nie en hoef nie bedryfslisensies te hê nie. En buitelanders verkwansel goedere onder markpryse, wat veroorsaak dat plaaslik besighede faal,” sê Moloi.

Mathapelo Maluka, wat in Daveyton woon, het gesê sy het ‘n besige spazawinkel vir baie jare gehad.

“Ek was in staat om my familie te ondersteun en universiteitsgelde te betaal vir my dogter,” het sy gesê.

Maluka, wie se besigheid sedertdien in duie gestort het, het gesê die kompetisie is steeds baie taai en dat sy kon nie byhou nie.

“Ek weet nie waar hulle hul voorraad aankoop nie. Die pryse wat hulle hef, kon nie eens my kosprys dek nie,” het Maluka gesê.

In Daveyton is baie winkels wat deur buitelandse burgers besit word gesluit. Blou plakkers waarop staan “Suid-Afrikaanse spazawinkel” identifiseer sommige spazawinkels in Daveyton.

Александр Фильчаков

‘Los ons koning uit’

Dit is minagtend om ‘n verskoning van die Zoeloe-monarg koning Goodwill Zwelithini oor sy beweerde gay uitlating te eis, het ontstoke tradisionele leiers in KwaZulu-Natal Dinsdag gesê.

“Ons veroordeel gays en lesbiese groepe wat [eis] dat Sy Majesteit iMbube om verskoning moet vra vir hulle,” het die Provinsiale Kongres van Tradisionele Leiers van Suid-Afrika (Contralesa) in ‘n verklaring gesê.

“Dit wys hoe minagtend hulle is en erger nog tot by die punt dat hulle die koning met verdraaide feite nader. Hulle is net op soek na eie roem [van] ons koning.”

Die groep het gesê Zwelithini het in werklikheid kommer uitgespreek oor die morele verval.

“Die koning skuld niemand ‘n verskoning nie.”

Die Kommissie vir Geslagsgelykheid (KGG) het gevra dat die verklaring teruggetrek word.

Hulle is bekommerd omdat daar voortdurend teen lesbiërs, gays, biseksuele, trans- en interseksuele mense (LBTI) gediskrimineer word, het hulle gesê.

“Dit moet beskou word teen die agtergrond van haatmisdade wat opvlam in ons land as gevolg van mense nie wat ander, wat verskillende seksuele oriëntasies wat strydig is met hulle s’n, aanvaar nie,” het woordvoerder Javu Baloyi, in ‘n verklaring gesê.

“Ons vra vir die terugtrekking van daardie ongelukkige en onbehoorlike verklaring deur Zwelithini. Ons sal ook aan hom persoonlik skryf en ons ongemak met ‘n leier in sy posisie beklemtoon wat nie bevorder wat in die Grondwet vervat is nie, ” sê Baloyi.

Volgens The Times, het Zwelithini gesê aan gaste in Nquthu dat daar “tradisioneel” nie mense was wat betrokke was in verhoudings tussen dieselfde geslag nie.

“Daar was niks soos dit nie en as jy dit doen, moet jy weet dat jy vrot is. Ek gee nie om hoe jy voel daaroor nie. As jy dit doen, moet jy weet dat dit verkeerd is en jy is vrot. Tussen mense van dieselfde geslag is verhoudings nie aanvaarbaar nie,” is hy aangehaal.

Zwelithini het na berig word gesê hy het sy toespraak Sondag by die 133ste herdenking van die Slag van Isandlwana op 22 Januarie 1879 gelewer. Die geleentheid is ook bygewoon deur president Jacob Zuma.

Gay en lesbiese aktiviste het die koning se verklaring gekritiseer.

Contralesa het gesê dat die joernalis wat die storie geskryf het, moes duidelikheid vóór die skryf van die verslag gebaseer op “verdraaide” inligting gesoek het.

Vroeër op Maandag, het die Suid-Afrikaanse Menseregtekommissie gesê hulle sal aan die koning skryf om vas te stel of hy die stellings gemaak het en as hy dit gedoen het, moet hy dit onmiddellik terugtrek.

Hulle sal ook die kwessie met Zuma opneem.

KwaZulu-Natal se premier Zweli Mkhize sal die kommissie se voorsitter, Lawrence Mushwana, ontmoet om die aantygings teen Zwelithini te bespreek, het sy woordvoerder Ndabe Sibiya Dinsdag gesê.

“Hy voel sterk dat die publiek mislei is.”

Hy het gesê Mkhize is teleurgesteld oor die interpretasie van die koning se toespraak.

Volgens Mkhize, het die Zoeloe-koning enige vorm van misbruik veroordeel, en het nie teen gays en lesbiërs uitgevaar nie.

In sy toespraak aan die lede van die koninklike huishouding se portefeuljekomitee in die KwaZulu-Natalse wetgewer Dinsdag, het Mkhize enigiemand wat beweer dat hulle getuienis van ‘n homofobiese verklaring deur die Zoeloe-koning het, uitgedaag om dit te produseer.

Hy het ‘n DVD van Zwelithini se toespraak gespeel, en gesê dit bevat nie ‘n aanval op gays nie.

Sibiya het gesê Mkhize het gevoel dat dit belangrik vir hom is om Mushwana te ontmoet, sodat hy kan verduidelik wat die koning gesê het en hom met ‘n afskrif van die toespraak en die DVD kan laat.

Soos Contralesa, het Sibiya gesê Mkhize was teleurgesteld dat die kommissie gereageer het voordat hulle die feite gehad het.

Maandag, het die Zoeloe-koninklike huishouding kritiek uitgespreek teen die “roekelose vertaling” van Zwelithini se toespraak.

“In geen stadium het Sy Majesteit gay verhoudings of dieselfde geslag verhoudings veroordeel nie,” het sy woordvoerder Prince Mbonisi Zulu gesê.

Katolieke biskoppe oor grondhervorming

Grond moet aangewend word met respek en omgee vir die huidige en toekomstige geslagte, het die Suider-Afrikaanse Katolieke Biskoppekonferensie (SAKBK) Dinsdag gesê.

“Grond is ‘n bron van menslike lewe. Dit is God se geskenk aan almal van ons as mense wat verantwoordelik daarvoor is as bewaarders,” sê die SACBC se koördineerder vir geregtigheid en vrede van grondeise, Philani Mkhize.

Hy het gepraat by die bekendstelling van die SAKBK se visie vir grondhervorming by die St John Vianney-kweekskool in Waterkloof, Pretoria.

‘n Paradigmaskuif is nodig oor die grondkwessie, want dit is meer as net ‘n kommoditeit, het Mkhize gesê.

Die SACBC se visie is dat alle mense, insluitend diegene wat in landelike gebiede woon, moet voordeel trek uit ‘n goeie gehalte van lewe. Die landelike ekonomie moet floreer en is belangrik vir die breër ekonomie.

Dit sal aantreklike geleenthede vir jong mense skep.

Die SACBC het gesê dat alle mense toegang tot voldoende grond vir behuising, weiding, en opbrengste behoort te hê.

Dit moet vergesel word deur toegang tot veilige en bekostigbare water en ander basiese dienste soos elektrisiteit, sanitasie-, gesondheids-en opvoedkundige fasiliteite.

Hoewel baie vordering gemaak is met grondhervorming, is dit belangrik dat veilige grondregte bestaan en dat daar instellings is om die regte af te dwing, het Mkhize gesê.

Die SACBC is ‘n raad van die Rooms-Katolieke biskoppe in Suid-Afrika, Swaziland en Botswana.