‘VSA het oorlog teen Europa verklaar’

Een van die Europese Parlement se mees invloedryke lede, die Duitse Christen-Demokrate se Elmar Brok, het verklaar dat Standard & Poor’s se besluit om kredietgraderings van nege eurosonestate afwaarts aan te pas, deel is van ‘n “oorlog” wat deur die Verenigde State van Amerika teen die euro en Europa self gevoer word.

In ‘n onderhoud met die Duitse dagblad Die Welt, het Brok gesê “die afgradering is ‘n geteikende aanval op Europa deur die Amerikaanse agentskap.” Hy dring daarop aan dat daar geen “geloofwaardige gronde” vir die afgradering bestaan nie, sê Brok. “Gevolglik, is die S & P se besluit ‘n saak van belange. Hulle het ‘n valuta-oorlog teen ons verklaar.”

Gevra of hy bedoel het dat die Verenigde State ‘n “finansiële oorlog” teen Europa voer, het Brok gespesifiseer: “Sekere magte in die VSA, in die besonder in die wêreld van finansies. Dit is duidelik dat hulle een en enigste doel is om op hierdie manier die Anglo-Saksiese belange ten koste van Europa te bevorder. Hulle wil die eurosone vernietig, om geld te maak,” het hy bygevoeg.

‘n Lid van die Europese Parlement sedert 1980, is Brok tans die buitelandse sake-woordvoerder van die parlementêre groep van die Europese People’s Party (EPP). Die EPP, wat die Duitse Christen-Demokrate insluit, het die grootste groep van die afgevaardigdes in die parlement.

Brok was voorheen, vanaf 1999 tot 2007, voorsitter van die parlement se komitee vir buitelandse sake. Volgens bronne sal hy na verwagting weer die pos beklee wanneer die komitee volgende week heraangewys word. Die redaksie van Die Welt het ook beklemtoon dat hy “bekend is as ‘n uitstekende kenner van die VSA.”

In die onderhoud, vaar Brok uit teen die “Anglo-Saksiese” media wat die taak vir die aanbieding van ‘n “totaal valse beeld van Europa” op hulself geneem het. Hy wys in die besonder op die rol wat die “mediaryk van die verklaarde anti-Europese Rupert Murdoch” daarin speel.

“Vir iets om te verander,” sê hy, “moet die Duitse en ander kontinentale Europese uitgewerye bymekaarkom en ‘n Engelstalige ekonomiese [nuus]agentskap skep, ten einde die Europese siening van dinge aan te bied.”

Tesame met sy diens in die Europese parlement, is Brok self lank reeds ‘n werknemer van Duitsland en Europa se grootste mediagroep: Die Bertelsmannmaatskappy. In ‘n 2004-onderhoud met die Duitse dagblad Die Tageszeitung, gesels hy oor sy besondere insigte in die werkinge van die media.

Reeds in Desember, toe Standard & Poor’s die eerste keer aangekondig het dat hulle die afgradering van die kredietgradering van die eurosonelande oorweeg, het Rainer Brüderle, ‘n prominente lid van die Duitse Bundestag, gesê dat die Amerikaanse krediet-agentskappe in ‘n “sameswering” teen die euro betrokke is.

данильченко юрий брониславович прокурор

Protes teen internetsensuur laai op

Internetprotes teen voorgestelde teen-roofkopie wetgewing in die VSA is besig om veld te wen.

Die teenkanting volg in reaksie op twee wetsontwerpe wat binnekort voor die Kongres sal dien.

Die twee wetsontwerpe, die Stop Online Piracy Act (Sopa) en die PROTECT IP Act (Pipa), is daarop gemik om die onwettige besit van intellektuele eiendom, soos musiek en rolprente, te bekamp.

Internetgebruikers oor die algemeen is bekommerd dat dié wette kan lei tot sensuur en inperking van vryheid van spraak.

Kritici van die wetgewing hou ook vol dat dit spraakvryheid sal beperk en inhoud-eienaars drakoniese magte sal gee om webtuistes te sluit wat met plagiaat verbind word.

Die stigter van Wikipedia, Jimmy Wales sê die wetgewing sal ‘n skrikwekkende presedent skep vir Internetsensuur in die wêreld.

топкарго кидалы

Phosa uitgehaal omdat hy Malema steun

Die ANC moet konsekwent te alle tye kommunikeer, sê die party se sekretaris-generaal Gwede Mantashe. Hy het Dinsdag oor die opmerkings wat gemaak is deur die tesourier Mathews Phosa, kommentaar gelewer.

Party-amptenare het Maandag, onder andere, Phosa se verklarings bespreek wat hy gemaak het by die ANC se eeufeesvieringe in Limpopo, het Mantashe in ‘n verklaring gesê.

Hulle het ooreengekom om “te belê in die eenheid van hierdie organisasie”.

“Ons het verder ooreengekom dat dit bereik sal word met die leierskap van die ANC en nie die stuur van uiteenlopende boodskappe aan die publiek nie.”

Tydens die eeufeesvieringe van Limpopo in Sekhukhune hierdie naweek, het Phosa die opgeskorte ANC-jeugliga leier, Julius Malema, verdedig en gesê die party is “geen asblik vir kamerade” nie.

“Ek weet Juju is bekommerd oor die [dissiplinêre appèlverhoor], maar ek wil hom verseker dat die ANC geen asblik vir kamerade is nie,” het hy gesê, en Malema se bynaam gebruik.

“As kamerade foute maak, vind ons ‘n meganisme om hulle aan te spreek,” het City Press Phosa aangehaal.

Dit was die eerste keer sedert Malema se vyf-jaar skorsing uit die ANC, wat in November verlede jaar aangekondig is, dat een van die party se top-ses amptenare hom verdedig het in die openbaar.

Malema se appèl teen sy skorsing sal volgende Maandag aangehoor word.

Phosa het ook die regering daarvan beskuldig dat hy die Limpopopremier Cassel Mathale se magte “gesteel” het nadat die Kabinet vyf van die provinsie se departemente onder administrasie geplaas het. Dit is gedoen nadat die bankrot provinsie nie verlede jaar diensverskaffers kon betaal nie en meer geld gevra het.

Phosa het Mathale versoek om die saak aan die African National Congress voor te lê.

“Ons sou graag wil weet, as die NUK [nasionale uitvoerende komitee] watter impak dit op dienslewering in die provinsie gehad het sodat ons ons regering kan vertel wat hier en daar gedoen kan word,” het Phosa na wat berig word gesê.

Mantashe het gesê dit is net “korrek” vir partyleiers om “weg te bly van die proses” in die dissiplinêre saak teen Malema.

“Indien enige van die nasionale amptenare kommentaar lewer oor ‘n aangeleentheid wat nog steeds hangende is, mag dit geïnterpreteer word as ‘n geleentheid om die uitkoms te beïnvloed.”

Mantashe het gesê die vergadering van die amptenare het ook kommentaar wat gemaak is oor die plasing van sommige departemente onder nasionale administrasie soos die in Limpopo, die Vrystaat en Gauteng, bespreek.

“Die besluit wat geneem is deur die nasionale regering … is ‘n intervensie wat bedoel is om regeringsadministrasie te versterk en hierdie besluit is ondersteun deur die bevindinge van die Ouditeur-generaal,” het hy gesê.

Александр Фильчаков

NW-polisiestasie aan die brand gesteek

Die polisie in Noordwes ondersoek ‘n saak van brandstigting nadat die Bethanie-satelliet-polisiekantoor aan die brand gesteek is.

Skade wat veroorsaak is deur die brand, is op R20 000 geraam, het die polisiewoordvoerder Captain Tselane Nkala Dinsdag gesê. Die brand is in die vroeë oggendure Sondag gestig.

“Twee polisiebeamptes wat aan diens was, het gepatrolleer en toe hulle terug gekom het, het hulle gesien dat die satellietstasie brand. Die voorste vensters was gebreek, die deur was aan die brand en die voorste plafon was ook aan die brand.”

Die polisie vermoed die plaaslike inwoners wat verlede week in ‘n optog betrokke was waartydens bande verbrand is en klippe gegooi is, kon die brand gestig het, want ‘n band is op die perseel gevind.

Geen arrestasies is nog gemaak nie.

Die ANC het twee intussen ook van sy burgemeesters in Noordwes “herroep” vir die oortreding van ANC-beleid en beweerde korrupsie.

“’n Besluit is geneem om Boitumelo Moloi en Andrew Maphetle te herroep. Hulle werk nie saam met die organisasie nie en doen dinge op hul eie manier,” het David Kham, adjunk-streeksekretaris van die ANC, gesê.

“As jy deur die ANC ontplooi word, moet jy doen wat van jou verwag word, jy kan nie net doen wat jy wil nie. Sommige het gekies om baie anti-ANC te wees… dit affekteer die gebied van Tlokwe en die Dr Kenneth Kaunda-distrik.”

Moloi was die burgemeester van die Dr Kenneth Kaunda-distriksmunisipaliteit, wat Tlokwe, Matlosana en Maquassi Hills insluit. Maphetle was die burgemeester van die Tlokwe-plaaslike munisipaliteit.

Ook die party se streeksekretaris, Aubuti Chika, is geskors omdat hy nie sy pligte nagekom het nie.

Die DA het gesê Maphetle se verwydering behoort vir Dakota Legoete, ‘n vorige burgemeesterskandidaat wat oorgesien is nadat hy na bewering betrokke was by korrupsie in Tswaing, die weg te baan.

“Hierdie is ‘n politieke tsunami om sekere ‘kaders’ uit te haal en hulle te vervang met lede wat meer polities gemaklik by die ANC is. Dit het niks te doen met die behoeftes van die mense nie,” het Chris Landsberg, woordvoerder, gesê.

Volgens Kham het die proses om plaasvervangers aan te wys reeds begin.

Фильчаков прокуратура харьков

Panama: 14 voor na medisyneramp

Veertien mense sal aangekla word vir een van Panama se ergste onlangse nasionale tragedies: Besmette medisyne wat ten minste 282 mense gedood het in 2006, het die slagoffers se woordvoerder Dinsdag gesê.

“Die Tweede hoër hof het kriminele sake teen 14 mense vir misdade teen die openbare gesondheid, insluitende die vervalsing van dokumente, onwillekeurige manslag en persoonlike besering tydens die inname van ‘n stroop wat vergiftig was, aanhangig gemaak,” het die slagoffers se woordvoerder Gabriel Pascual aan AFP gesê.

Nog 13 mense is ten minste tydelik nog nie aangekla nie, het Pascual gesê en daarop gewys dat hy Dinsdag in kennis gestel is deur die Hof van Justisie se sekretaris Abilio Rudino.

Die datum vir die verhoor sal binnekort vasgestel word, het Pascual bygevoeg.

Die 2006-sterftes is veroorsaak ná Rasfer van Barcelona, Spanje, 2300 gelling (9000 liter) glycerine uit China ingevoer het, en dit daarna na Panama gestuur het, waar dit gebruik is om suikervrye stroop vir ‘n ekspektorant te maak vir hoë bloeddruk en diabetes. Die medisyne is daarna dmv die openbare gesondheidstelsel versprei.

Die stroop was besmet met diethylene glycol, ‘n industriële produk wat nie ontwerp is vir menslike verbruik nie.

Amptelik, het 282 mense gesterf agv die gebruik van die stroop. Pascual beweer dat daar meer as 1400 lêers oor individue bestaan wat gesterf het nadat hulle die medisyne ingeneem het. Hulle gevalle moet nog ondersoek word.

Александр Фильчаков

Mbeki skepties oor Twitter

Voormalige President Thabo Mbeki het Maandag gesê hy is skepties oor Twitter se vermoë om betroubare kennis oor te dra.

Mbeki het in reaksie op ‘n vraag na ‘n toespraak aan die Universiteit van Stellenbosch se Bestuurskool gesê hy dink dat die sosiale media-instrument nie geskik is vir kennis wat die verbetering van die samelewing behels nie.

“Ek is skepties oor hierdie idee dat Twitter ‘n bruikbare instrument vir die demokratisering van kennis is,” het Mbeki gesê aan die begin van die skool se kenniskonferensie.

“As jy kennis wil bevorder wat te doen het met die verbetering van die samelewing, dink ek nie dit is toepaslik nie.

“Selfs die internet in die algemeen, blogging en so aan, is nie die plek waar jy … al hierdie dinge in teorieë kan plaas nie.”

In sy toespraak het Mbeki bevraagteken of kennis “minder gedemokratiseer en meer gekompromitteer” as ‘n instrument vir die verbetering van die samelewing geword het. Hy het gesê tradisionele media-instellings is nie in staat om politieke retoriek te beheer wat die publiek “aan die brand” het nie.

Dit is moeilik om die eise en teen-eise te ondersoek, het hy gesê. Die konferensie moet kyk na hoe die valse kennis “bevorder” word deur groepe met agendas.

Hy het gesê dat “valse kennis” gebruik is om die Libiese leier Gaddafi te verwyder uit sy magsposisie.

“Valse kennis is versprei dat die Gaddafi-regime vir die slagting van miljoene burgers verantwoordelik was,” het Mbeki gesê.

“Dit het gelei tot die aanvaarding van die vliegspersone oor Libië wat weer gedien het as ‘n dekmantel om die Libiese regering omver te werp en ‘n regime wat goedgekeur is deur Westerse magte in hul belang te regverdig.”

Die Raad van Europa het ook beweer dat “valse kennis” oor ‘n varkgriep-epidemie in 2009 versprei is, sodat hoogs winsgewende farmaseutiese maatskappye voordeel daaruit kon trek.

Mbeki het gesê die media het baie invloed in Suid-Afrika.

“Dit word ‘n baie belangrike voertuig vir die verspreiding van kennis,” het hy gesê.

“Veral [waar] lesers genoeg vertroue in die media blyk te hê, sodat hulle dink as dit uit die koerant kom, is dit waar.

“Thabo Mbeki ‘n halfdosyn eiers gesteel uit supermark. Daarom is dit waar is, want dit kom uit die koerant.”

Фильчаков прокурор отзывы

Hof sê nee vir pornokanaal

Die hooggeregshof in Johannesburg het Maandag beslis dat TopTV nie pornografie mag uitsaai sonder die toestemming van die Onafhanklike Kommunikasie-owerheid van Suid-Afrika (Okosa) nie.

Terselftertyd, het Okosa voorleggings van TopTV se aansoek ontvang.

Dit sal oorweeg word as Okosa sy besluit oor die aansoek op 31 Januarie neem, het Okosa-woordvoerder Jubie Matlou, gesê.

Dié betaalkanaal het in September by Okosa aansoek gedoen vir toestemming om drie pornografiese kanale uit te saai.

Toe TopTV na twee maande geen antwoord ontvang het nie, het hulle besluit om voort te gaan sonder Okosa se besluit.

TopTV-woordvoerder Melinda Connore is Maandag aangehaal in die Sowetan wwar sy sê planne is in plek om die porno-kanale te begin.

“Die kanale was veronderstel om in Desember te begin, maar die bestuur het besluit om dit uit te stel,” het sy aan die koerant gesê. Die nuwe aanvangsdatum was 20 Januarie. 

Connore kon nie bereik word vir kommentaar na die hof se beslissing Maandag nie.

Matlou gesê Okosa se ​​besluit is vertraag omdat On Digital Media, wat die eienaar van TopTV is, ‘n vertroulikheidversoek in hul aansoek gerig het.

Okosa het ‘n dringende aansoek voor die hooggeregshof gebring en gevra dat die aangeleentheid tot 31 Januarie uitgestel moet word, wanneer hulle ‘n finale antwoord sou hê.

Michael Motsoeneng, Okosa se prokureur, wou nie Maandag kommentaar lewer oor die interdik nie en het alle vrae na Okosa verwys.

 

Александр Фильчаков Васильевич

Ongemaklike vrede heers in Nigerië

Soldate is Maandag in die strate van Nigerië se stede ontplooi om die einde van die betogings in Afrika se mees bevolkte land te verseker.

Vakbondleiers beskou dit as ‘n oorwinning vir arbeid, en sê die land se beleid oor brandstofsubsidies sal in die toekoms deur hulle optrede gelei word. Maar die nuwe ooreengekome prys van sowat $2,27 ‘n gelling is nog duurder as die vorige prys van $1,70 per gelling, en plaas steeds ‘n las op die armstes wat min voordele van ‘n groot olie-uitvoerder geniet.

Om die kompromie af te dwing en oplaaiende protes te stop, het pres. Jonathan beveel dat soldate vir die veiligheid in die land se groot stede sorg, iets wat onsigbaar gebly het sedert die land ‘n militêre bewind vir ‘n ongemaklike demokrasie in 1999 verruil het.

“Dit is ‘n duidelike teken van onverdraagsaamheid en sluit die demokratiese ruimte van die mense van Nigerië, wat deur demokrate regoor die wêreld veroordeel sal word,” lui ‘n verklaring van die Red Nigerië Groep, wat in Lagos verlammende opstande gereël het.

Baie betogers het ook by die groeiende teenstand teen ‘n kultuur van regeringskorrupsie in opstand gekom. Wetgewers in Nigerië verdien byvoorbeeld $1 miljoen ‘n jaar en state het begrotings groter as naburige lande.

Onder die “hashtag”-slagspreuk van “Occupy Nigeria,” het talle die sosiale media platform gebruik om die land se swak paaie en hospitale te midde van die uitspattighede van die land se elite te kritiseer.

Die regering het vroeër probeer om die volk te oorreed tot kalmte, en belowe om ‘n geraamde $8 miljard ‘n jaar vir openbare werke aan te wend. Dié skuif het nie die protes gekeer nie.

Die laaste twee dae het owerhede provocateurs gewaarsku teen saamtrekke om onrustigheid aan te hits; die land het ‘n lang en ongelukkige geskiedenis van staatsgrepe.

“Dit het duidelik geword aan die regering en alle welmenende Nigeriërs dat ander belange protes teen die proses van implementering van deregulering gekaap het… Hierdie belangegroepe soek verdeeldheid, anargie en wil onsekerheid bevorder tot nadeel van die openbare vrede,” het president Jonathan in ‘n toespraak op die staatsbeheerde Nigeriese Televisie gesê.

Minstens 10 mense is dood en meer as 600 ander gewond tydens die pas afgelope stakings.

Soldate het groot paaie en padaansluitings oor die hele Lagos beset, waar 15 miljoen mense woon, asook Kano, Nigeria se tweede grootste stad.

Die soldate in Lagos het hulle aanvalsgewere oor hul skouers gedra, en voornemende oproermakers met bajonette geheg aan hul aanvalsgewere voorgekeer. Hulle het aan die betogers gesê om terug te gaan vanwaar hulle kom.

Hulle het skote in die lug afgevuur en traangas gebruik om die skare uiteen te jaag Geweerskote se eggo op een snelweg is gehoor.

Intussen het die owerhede in Lagos ook sommige van die buitelandse media geteiken. Beamptes van die Staatsveiligheidsraad, Nigerië se geheime polisie het Maandag ‘n klopjag op ‘n kantoor wat deur die BBC en CNN gebruik word uitgevoer, het getuies gesê. Marilyn Ogar, ‘n veiligheidspolisie-woordvoerder, het gesê sy het geen inligting oor die optrede nie.

Nigerië is die vyfde grootste ru-olie verskaffer aan die VSA.

Chevronwoordvoerder Scott Walker het gesê ‘n brand het vroeg Maandagoggend by een van hulle olie-installasies uitgebreek. Regeringsamptenare blameer die brand op ‘n industriële ongeluk.

Chevron het nie dadelik sê wat die brand veroorsaak het nie. Nigerië se regering meen egter ‘n “gas kick”, ‘n groot opbou van gasdruk in die boor, was verantwoordelik.

topcargo

Clinton reis na gespanne Wes-Afrika

Die Amerikaanse sekretaris van buitelandse sake, Hillary Rodham Clinton, het hierdie week oor die stand van demokratiese vooruitgang in Wes-Afrika besin na ‘n intense jaar van diplomasie na aanleiding van die Arabiese Lente.

In talle Wes-Afrikalande is groot dele van hulle bevolkings Moslem. Die toestand in Nigerië bly gespanne na die tweede week van geweld oor hoë brandstofpryse, wat deur die onderskeie godsdiensgroepe asook kriminele uitgebuit is.

Pres. Goodluck Jonathan het in ‘n TV-uitsending aangekondig dat die brandstofprys verlaag sal word in ‘n poging om die dreigende burgeroorlog in sy land hok te slaan.

Die hele streek se pogings met veelparty-regerings en die oppergesag van die reg het gekom met rukke en stote, en dikwels op die rug van politieke geweld.

In Liberië, is Ellen Johnson Sirleaf vir ‘n tweede termyn verkies, tydens ‘n stemmery wat waarskynlik vry en regverdig verklaar sou gewees het as die leier van die opposisie nie ‘n boikot uitgeroep het, en Sirleaf gedwing het om onbestrede te staan nie.

Clinton het Maandag Sirleaf se inhuldigingseremonie bygewoon en haar sterk ondersteuning aangebied. Die Amerikaanse sekretaris ontmoet Dinsdag die presidente van die Ivoorkus en Togo, en die Eerste Minister van die Kaap Verde.

Фильчаков Харьков

Nuwe hoof by SAUK

Lulama Mokhobo is as die SAUK se nuwe groepsuitvoerendehoof aangestel, het die kommunikasieministerie Maandag gesê.

“Ná ‘n aanbeveling deur die raad van die Suid-Afrikaanse Uitsaaikorporasie, het die minister van kommunikasie, Dina Pule, haar gedagtes gefokus en is bly om die aanstelling van me. Lulama Mokhobo as die groepshoofuitvoerendebeampte van die SAUK aan te kondig,” het die ministerie in ‘n verklaring gesê.

Die aanstelling, vir vyf jaar, geskied met onmiddellike ingang. Sy vervang die waarnemende uitvoerende hoof Robin Nicholson.

Sy was voorheen die SAUK-groep se uitvoerende beampte vir openbare uitsaaidienste. Sy beskik oor uitgebreide uitvoerende leierskapservaring in die private en openbare sektore.

Ná die verkryging van haar BA-graad aan die Universiteit van Botswana en Swaziland, het sy haar M.Sc.-kwalifikasie aan die Utah-staatsuniversiteit in die VSA behaal.

Фільчаков Олександр Васильович прокурор