Nuus Archives - Page 1037 of 1583

Ondersoek na Cele gevra

Die Vryheidsfront Plus het die Openbare Beskermer versoek om die Departement van Openbare Werke (DOW) en polisiekommissaris, genl. Bheki Cele, se huurkontrak van R500 miljoen vir ‘n gebou van Roux Shabangu, te ondersoek.

“Die feit dat die DOW nou bevestig dat die huurkontrak gesluit is deur die DOW op versoek en na evaluering deur die SAPD, verskoon nie Cele nie. DOW kon nie so kontrak gesluit het sonder versoek, magtiging en aanvaarding van die gebou deur Cele nie. Cele se department betaal die R500 miljoen. Bheki Cele moet daarteen waak dat hy nie in die voetspore van Jackie Selebi volg nie. Dit is onaanvaarbaar dat Cele sê hy teken maar net dokumente en kan nie die goedkeuring van R500 miljoen vir die kontrak onthou nie. Indien Cele nie ‘n R500 miljoen kontrak kan onthou wat hy gemagtig het nie, beteken dit hy is onbevoeg vir sy pos. Die DOW swyg of die kontrak geteken is nog voordat Shabangu die gebou besit het. Indien dit wel so is dui dit op korrupsie. Dit skep duidelik die indruk dat politieke lojaliste van die ANC beloon word met belastinggeld,” sê mnr. Pieter Groenewald, hoofwoordvoerder vir Polisie van die Vryheidsfront Plus.

“Die Vryheidsfront Plus versoek die Openbare Beskermer om nie net ondersoek te doen na die oortreding van reëls en regulasies oor tenders nie, maar om ook ondersoek te doen of ‘n tweede gebou, wat ook moet dien as hoofkantoor vir die Polisie, werklik nodig is. ‘n Tweede gebou is onnodig en ‘n vermorsing van belastinggeld. Die R500 miljoen kan eerder aangewend word om meer polisielede aan te stel en sigbare polisiëring te verhoog,” het Groenewald gesê.

Tweede verminkte lyk duik op in Villiersdorp

Die klein gemeenskap van Villiersdorp is hewig ontsteld ná die ontdekking van ‘n verminkte lyk in die omgewing van hierdie week.

Die lyk, waarvan sekere liggaamsdele en interne organe ontbreek, is Woensdag ontdek op ‘n plaas in die omgewing. Die kop, bors en hande sook organe is verwyder. Polisie vermoed dat die lyk dié van ‘n man is wat vroeër in Julie as vermis aangemeld is.

Die Villiersdorpgemeenskap se GPF-woordvoerderJannie Sykes sê hulle is ontstel deur die moord. Polisie ondersoek ‘n moetiemoord. Die moord kom nadat die verminkte liggaam van ‘n jong seun meer as ‘n week gelede gevind is.

ігри для дивчат topcargo

Polisie skiet seun dood

Twee Vrystaatse polisiemanne word vir moord ondersoek nadat hulle glo ‘n 16-jarige seun doodgeskiet het, het die Onafhanklike Klagtedirektoraat Maandag gesê.

Volgens Moses Dlamini, OK-woordvoerder, het die twee konstabels Saterdag glo na Chris Hani Park gery om vir ‘n vermeende aanvaller te soek.

Die verdagte het glo weggehardloop toe hy die polisie sien.

Daar word beweer dat een konstabel die 16-jarige Aukar Sompane geskiet het wat naby hulle gestaan het.

‘n Ambulans is ontbied en die seun is hospitaal toe geneem waar hy gesterf het.

Die polisielede, wat by die Bronville-polisiestasie diens doen, het Maandag in die landdroshof in Welkom verskyn.

Hulle staan tereg op aanklagte van moord en regsverydeling.

Dit is nie duidelik wanneer die twee in hegtenis geneem is nie.

UV moet konsekwent optree oor ontgroeningsvideo

Die VF Plus-jeug in die Vrystaat het vandag met skok gereageer oor die nuutste diskriminerende ontgroeningsvideo wat by die Universiteit van die Vrystaat die lig gesien het. In hierdie video word die ontgroening van wit huiskomitee-lede in Huis Villa Bravado gewys.

“Die VF Plus-jeug veroordeel die UV-bestuur vir die wyse waarop hul hierdie aangeleentheid hanteer het – veral as dit vergelyk word met die wyse waarop hul in die verlede heftig teenoor ontgroeningspraktyke opgetree het,” het Wouter Wessels, die VF Plus-jeug se onderleier in die Vrystaat, gesê.

“Die UV-bestuur tree eensydig en met dubbele standaarde op. Ons is moeg daarvoor dat die UV-bestuur rassisme aanwakker deurdat hulle swart studente en wit studente verskillend behandel,” het Wessels bygevoeg.

Wessels het verder gesê dat prof. Jansen, rektor van die Universiteit van die Vrystaat, nog altyd deursigtigheid beklemtoon het en gewaarsku het dat daar radikaal teen studente wat die reëls oortree en hulself skuldig maak aan ontgroeningspraktyke, opgetree sal word. “Waarom is daar dan in die geheim teen mnr. Chris Nthakeni, die betrokke primarius, opgetree terwyl die oortreding reeds Oktober verlede jaar (2009) plaasgevind het? Dit getuig beslis nie van deursigtigheid nie. Hy is ook slegs as primarius van Huis Villa Bravado geskors en nie soos in talle ander soortgelyke gevalle uit die universiteit of ten minste uit die betrokke koshuis geskors nie.”

In die Reitz-video geval is die betrokke studente summier van die universiteit geskors en is die hele koshuis gesluit. Gedurende 2009 is Huis Armentum se hele huiskomitee geskors en het die UV-bestuur al die inwoners met skorsing gedreig. Daar is ook gedurende 2009 ‘n student uit Huis Karee geskors en die koshuis se seniorbond is summier gesluit.

Ontgroening is verbode en Villa Bravado se inwoners wat aan hierdie praktyk deelgeneem het, se huiskomitee en se koshuishoof is skuldig aan hierdie oortreding en daar moet teen hulle opgetree word.

Die VF Plus-jeug eis ook dat die Menseregtekommissie op dieselfde heftige wyse as in die geval van die Reitz-video teen hierdie betrokkenes sal optree. Hulle reaksie sal met verwagting dopgehou word.

mositaldent

Vuurpyle tref Israel se Eilat-hawe

‘n Vermoedelike kortafstandvuurpylsalvo vanuit die Egiptiese Sinaï, ‘n gebied waar Islamitiese militantes in die verlede aktief was, het Israel en Jordanië se Rooi See-hawens Maandag getref, het die Israeliese polisie gesê.

Daar was geen nuus oor ongevalle in die Israeliese hawe van Eilat nie, het die distrikshawehoof Moshe Cohen gesê en bygevoeg dat sy magte nog steeds probeer om te bevestig dat die vyf ontploffings wat in die oggend gehoor is wel deur granate veroorsaak is.

Cohen het aan die Israeliese Radio gesê dat twee van die verdagte vuurpyle of mortierbomme blykbaar in die see beland het, terwyl ‘n ander die nabygeleë Jordaanse hawe van Aqaba getref het.

Op ‘n vraag van waar die salvo gevuur is, het Cohen gesê: “Dit is ‘n bietjie vroeg om te sê, maar dit is redelik om te aanvaar dat dit uit die suidelike gebied afkomstig is.”

Hy het verwys na die naburige Egipte se Sinaï-woestyn van waar sporadiese geweld afkomstig is wat aan Islamitiese militantes toegeskryf word.

Ten minste een vuurpyl het Aqaba op 22 April getref, maar geen ongevalle veroorsaak nie. Amman het gesê dat die vuurpyl van buite Jordanië afgevuur is en die Israeliese media het gepraat van die Sinaï as ‘n moontlike lanseerpunt.

In 2005 is vuurpyle op Amerikaanse oorlogskepe in die hawe van Aqaba afgevuur, maar het hul teiken gemis het en ‘n Jordaanse soldaat op land gedood. ‘n Groep wat aanspraak maak dat hy bande met Al-Kaida het, het gesê dat hy vir die aanval verantwoordelik is.

Twee jaar later het ‘n Palestynse selfmoordaanvaller deur die Sinaï gesypel en drie mense by ‘n bakkery in Eilat vermoor.

Jordanië en Egipte is die enigste Arabiese state wat volle vredesooreenkomste met Israel het.

Wat om uit Nederland en België se regeringsamestelling te verwag

Nederland se vervroegde algemene verkiesing het reeds byna twee maande gelede – op 9 Junie – plaasgevind, en die Belgiese kort hierna.

Beide is gekenmerk deur die sterk opkoms van wat in Suid-Afrikaanse terme as regse partye beskou kan word. In die geval van Nederland, die opkoms van Gert Wilders se PVV, en in België van ‘n party wat sterker standpunt inneem oor ‘n onafhanklike Vlaandere.

Sedert 9 Junie word Nederland deur ‘n oorgangskabinet regeer. Dié Kabinet bestaan uit die oorblyfsels van die voor-verkiesingskoalisie nadat die Partij van de Arbeid reeds voor die verkiesing uitgestap het. Die oorblywende partye, die groter Christen-Demokratiese Appèl en die kleiner ChristenUnie het beide swaar verliese gelei. Die CU word nie eens as ‘n moontlike koalisievenoot in enige moontlike kombinasie genoem nie.

Die CDA het lank, blykbaar vrywillig, in die koue bly staan terwyl die fasiliteerders wat deur die monarg aangewys is koalisievennote probeer vind het en ‘n werkbare kabinet uitgetimmer kon kry. Uiteindelik het die CDA weer toegetree, en die samesprekings behels nou die daarstel van ‘n regse kabinet, bestaande uit die CDA, die PVV en die VVD.

Sou dié samesprekings slaag is daar dadelik ‘n probleem, naamlik dat dit ‘n minderheidskabinet sal wees. Elkeen van hierdie partye sal egter op van die klein partye se steun kan reken, soos die CDA wat op die CU en ander Christenpartye se steun sal kan reken … maar teen ‘n prys.

In dié stadium stem die potensiële regse koalisievennote oor belangrike sake saam, soos strenger immigrasiewetgewing. Die CDA en die VVD wil die begroting hokslaan, terwyl Wilders ‘n klein tekort op die begroting nie te onaardig vind nie.

Die PVV en VVD stel meer in grootskaalse kernkrag as in groen energie, en spesifiek windenergie belang. Die rede is om Nederland so gou as moontlik onafhanklik van die invoer van kernenergie te maak.

Die uiteindelike daarstelling van ‘n koalisiekabinet kan nog lank duur. Wanneer die partye mekaar genoegsaam gevind het, word oorgegaan tot die daarstel van ‘n lywige koalisie-beleidsdokument, wat aan Kodesa herinner.

In België gaan dit nie veel vinniger nie. In die proses om ‘n federale regering daar te stel word daar op die oomblik ook nie veel gehoor van Vlaamse afskeiding nie, maar dit sal stellig anders daaruit sien as regeringsvorming op nasionale vlak afgehandel is, en die aandag na die regeerbaarheid van die Vlaamse regering verskuif.

Van buite gesien lyk dit egter of die Nederlanders en Belge in die verkiesing hul voorkeure vir sekere opsies uitdruk, maar dat daar in die praktyk min daarvan in die regeringsamestelling gereflekteer word, en nog minder in die koalisiekabinet se regeerbeginsels. Dit is die prys wat hierdie lande bereid is om te betaal om te verhinder dat een party so allesoorheersend word dat verkiesings bloot die bevestiging van daardie party se voortgesette mag sal wees.

Afrika wil skoon water hê, maar nie beter bestuur

Die uitvoerende sekretaris van die Afrika Ministeriële Raad oor Water, Baai-Mass Taal, sê Afrika moet jaarliks 20 miljard dollar belê om toegang tot water en sanitasie aan sy mense te verbeter en aan sy milleniumdoelwitte te voldoen.

Die Raad het nie die ineenstorting van dienste, en veral die agteruitgang van toegang tot skoon water, wat deur die ANC-munisipaliteite se swak bestuur veroorsaak word, bespreek nie.

Die Raad het in Kaapstad beraadslaag oor hoe toegang tot water en sanitasie op die vasteland versnel kan word.

Afrika moet toesien dat die helfte van sy mense teen 2015 toegang het tot skoon water en sanitasie. Volgens Taal het meer as driehonderd miljoen Afrikane nie toegang tot water nie terwyl meer as 500 miljoen nie toegang het tot sanitasie nie.

Die Minister van Waterwese en Omgewingsake, Buyelwa Sonjica, is egter vol vertroue dat Suid-Afrika sy teiken oor water en sanitasie teen 2015 sal kan haal, alhoewel vordering met sanitasie nog stadig is.

Die rolspelers en regering het egter geen verklaring gegee oor hoekom waterkwaliteit steeds agteruitgaan nie

Inwoners van van Meerhof in Hartbeespoortdam het intussen foto’s wat Saterdag 31 Julie geneem is, aangestuur na die Praagredaksie. Rou riool sypel daagliks na die voëlreservaat se grond.

Meerhof se rioolstasie pomp die riool na ‘n sentrale stasie waar dit verwerk word. Ons raaiskoot is dat die pomp nie werk nie en die riool nou net oorvloei in die reservaat.

Daar is volstruise en bokke in die reservaat wat dan natuurlik aan die besoedeling direk blootgestel word, benewens die gevaar wat die onverwerkte afval vir mense inhou. Die inwoners van Meerhof word ook aan die stank blootgestel.

Die kwessie is breedvoerig deur die plaaslikke koerant (www.kormorant.co.za) hanteer. Dit handel oor besoedeling wat vir twee maande in ‘n ander buurt oorvloei het. Die probleem kon vir die duur nie opgelos word nie.

ролики купить

Swart studente vaar uitstekend in… Kuba

Universiteite behoort hulle toelatingsvereistes vir studente wat medies wil studeer aan te pas, sodat Suid-Afrika meer dokters kan oplewer, het Nkosazana Dlamini-Zuma, minister van binnelandse sake, gesê.

Sy het by ‘n plegtigheid in Durban gepraat tydens die 60ste herdenking van die Univerisiteit van KwaZulu-Natal se Mediese Skool.

Dlamini-Zuma sê studente wat keuring by Suid-Afrikaane instellings geweier word, vaar dikwels uitstekend elders – in lande soos Kuba.

москва

Bejaardes sterf in brand

Agtien mense is dood en verskeie ander het brandwonde opgedoen nadat ‘n brand Sondagaand by die Pieter Wessels-tehuis vir bejaardes in Nigel uitgebreek het, het paramedici gesê.

Die brand het Sondagaand omstreeks 21:00 uitgebreek. Die oorsaak van die brand is onbekend en die polisie ondersoek die saak.

“Vier-en-tagtig mense is gered, ‘n man het 40% brandwonde opgedoen en is na die Charlotte Maxeke-hospitaal geneem vir behandeling,” het Chris Botha, ‘n woordvoerder van Netcare, gesê.

Twee ander mense is ernstig beseer en is na hospitale in die gebied geneem vir verdere behandeling.

Ná die brand geblus is, het die brandweermanne die gebou deursoek en vasgestel dat 17 bejaarde inwoners in die brand dood is.

Nóg ‘n persoon het vermoedelik aan ‘n hartaanval beswyk ná ‘n groep mense na ‘n kerk geneem is

100 games online

Metropolisie vasgetrek vir diefstal en afpersing

‘n Metropolisielid van Pretoria is saam met nog twee mans gearresteer kort nadat hulle blykbaar ‘n winkeleienaar beroof en hom vir geld probeer afpers het.

Die drie is gister by ‘n McDonald’s- restaurant in die Kolonnade-winkelsentrum in Pretoria vasgetrek. Nóg metropolisielede het glo in ‘n gemerkte metropolisievoertuig van die restaurant gevlug.

Lees meer.