Dan Roodt, Author at praag.co.za

Afrikaner sal besef DA is ‘n klug wanneer swart leier kom

Voor die munisipale verkiesing het die DA-Leier Helen Zille gesê dat Lindiwe Mazibuko (DA-Nasionale Woordvoerder) haar moet opvolg as leier. In Rapport van 22 Mei 2011 het Helen Zille dit weereens beklemtoon dat Lindiwe haar moet opvolg.

Baie Afrikaners is van die mees rasbewuste mense in Suid-Afrika; hoe kan hulle vir die DA stem wat ‘n liberale party is? Die DA wil alle volke tevrede hou en hoofsaaklik die swart- en kleurlingbevolking. Die DA bied my as Afrikaner niks nie, omdat as die DA die land sou regeer, sal SEB (BEE) op sy beste toegepas word en ons Afrikaners sal daaronder ly. Die Afrikaner moet besin of moontlike beter dienslewering by die DA belangriker is, as dat jy jou volksidenteit gaan verloor. Die swart bevolking is reeds op pad na identiteitloosheid deurdat hulle hul eie tale versaak en eerder Engels verkies. Ons is ook besig om ‘n identeitlose groep te raak want ons hardloop agter die liberaliste aan. Die liberale sal natuurlik stem vir hierdie identeitlose weg, want dit is hulle einddoel met ons; daardeur kan hulle die mense manipuleer soos hulle wil. Waarom is daar in Europa en selfs hier op ons eie kontinent soveel etniese oorloë? Hierdie opstande vind juis plaas omdat hierdie groepe denkers is en hulle wil hul eie identiteite behou. Die Afrikaner gaan wakker skrik as dit eers te laat is, wanneer die liberale monster hulle ingesluk het. Voorbeelde van multikulturele lande soos Frankryk, Duitsland, Nederland en die VSA bewys niks want elke groep streef na sy eie identiteit en daarom vind ook hier rassisme plaas. Die oplossing vir Suid-Afrika is selfbeskikking en die Afrikaner moet hiervoor veg.

Stem eerder vir iets waarin jy kan glo en nie om die verkeerde redes vir ‘n party om opposisie te verkry of om Pretoria te wen nie, want dit gaan nie gebeur nie. Daar moet ook nie buite stemming gebly word nie, want dit help insgelyks niks nie.

Александр Фильчаков

Afrikaners is verloorders in Athollgate-skandaal

In die jare sewentig was daar Watergate, ‘n skandaal wat Richard Nixon as president uit die Withuis verwyder het. Onlangs was daar Climategate, waarin die leuens van die klimaatsamesweerders ontbloot is, daardie kwasi-wetenskaplikes in diens van hul regerings, wat jou en my wil bangmaak met stories oor die weer ten einde ons meer belasting te laat betaal. Inkriminerende eposse het hulle klimaatgekonkel oopgevlek.

Vandag sit die Demokratiese Alliansie met die moontlikheid van Athollgate, ‘n gewraakte epos wat mnr Atholl Trollip, ‘n senior Ooskaapse leier van dié party na bewering vir ‘n mede DA-lid gestuur het, waarin Trollip vir mnr Jaap Kelder, die voorsitter van die Nasionale Belastingbetalersunie, soos volg bestempel:

“Please answer this Arsehole once and for all, deal with the Afrikaner issue that he raises and tell him to stop masquerading as a rate payer organization especially if he is the reincarnation of the AWB, KP, FF+ , NAZI. Stuur die IDIOOT in sy moer in asseblief. Athol”

Dié epos is na bewering gestuur nádat mnr Kelder die Zanu-PF-agtige toespraak van die DA se mak “African African”, me Lindiwe Mazibuko, waarin sy gedreig het om die proses van grondroof op blanke plase meer effektief as die ANC te bestuur, bevraagteken het. Mnr Kelder se vraag het kennelik hetsy ‘n tere senuwee aangeraak by wie ook al die epos hierbo geskryf het, hetsy ‘n gulde geleentheid gebied.

Wat ook al die rede is, Mnr Kelder is luidens die beweerde epos ‘n Nazi. Hoe durf hy, die sesdeklas- Afrikaner-burger, me Mazibuko se dreigement bevraagteken? Meer as dit, die DA het ‘n Afrikaner-“issue.” Is dit iets soos die regte Nazi’s se Jüdenfragstuck? Let ook op hoe Afrikaners eendragtig in die Nazi-kraal gejaag word. Van die genuanseerde verskille tussen die VF+ en die KP, om nie te praat van die hemelsbreë verskil tussen die Nazi’s en die VF+ nie, sien mens min. Julius Malema noem sy opponente kakkerlakke en sommer vir Mazibuko ‘n “teedame” in dieselfde asem. Min mense het simpatie vir hetsy kakkerlakke, hetsy Nazi’s. Sien mnr Trollip en die ander Engelse uit na die DA se eie Endlösung der Afrikanerfragstuck, nes Julius Malema fantaseer oor ‘n Rwanda-oplossing vir die ANC se blanke vraagstuk?

Daar kan sekerlik vrae geopper word oor presies hóé die epos by mnr Kelder uitgekom het. Dit behoort redelik maklik te wees om dmv elektroniese rekords te verifieer dat dit wel van mnr Trollip se rekenaar afkomstig is. Die versteekte “header“-inhoud van die epos-boodskap sal alreeds goeie leidrade kan verskaf. Trollip kan egter volhou iemand het wederregtelik toegang tot sy rekenaar verkry, nes die Amerikaanse politikus Weiner onlangs gemaak het nadat Weiner foto’s van sy miniskule penissie aan verskeie vrouens gestuur het. Vuilspel kan nie nou al uitgesluit word nie.

Die boodskap kan byvoorbeeld die regte ding wees, maar moontlik met opset aan die verkeerde ontvanger gestuur gewees het. Het iemand wat sy mes in het vir mnr Trollip ‘n gulde geleentheid gesien om hom in ‘n erge verleentheid te dompel? Daar is lank reeds sprake van spanning tussen die Engelse, sosialistiese Struggle-faksie in die DA en die party se Afrikanerlede. Dit kan selfs wees dat daar nog ‘n groter gekonkel agter die skerms aan die gang is. Dis moontlik dat die ANC of die intelligensiegemeenskap een of ander rol in die hele aangeleentheid gespeel het, soos wat met die Browse Mole-aangeleentheid gebeur het. Of, soos ek aan die einde van hierdie skrywe sal spekuleer, is daar ‘n moontlikheid van ‘n nog veel vuiler politieke set as al die bostaande moontlikhede.

Sou die epos egter die ware Jakob wees, en ek weet nie of dit is nie, sou dit my egter nie verbaas nie. Ek sou dit inteendeel verwelkom as mnr Trollip sou erken dat dit inderdaad sy werk was. Dit is immers ‘n ope geheim dat die DA onder me Zille ‘n geweldige sprong na links gemaak het. G’n party kan konsekwent wees en vir Chris Hani bewonder, maar dan lieg dat hy ook na Afrikaners se belange wil omsien nie. Sonder twyfel soek die DA Afrikaners se stemme, maar dit ly ook by my min twyfel dat daar elemente binne die DA is, en beslis tot op topvlak, wat Afrikaners afstootlik vind en inderdaad sien as kakkerlakke of dan Nazi’s wat vermoedelik in terme van een of ander Nüremberg-proses, onder leiding van die ANC en DA, etnies gereinig moet word. Jy kan nie soos Malema se sg teedame, Lindiwe Mazibuko, in die parlement dreig om die Zanu-PF-agtige grondroof teen blanke boere en grondeienaars beter te bestuur nie, maar dan omdraai en probeer maak of jy Afrikaners se belange op die hart dra nie.

My eie minagting vir Trollip en die res van die Engelse, sosialistiese kliek binne die DA sal wel in ‘n mate van respek verander as Trollip sou erken dat hy die skuldige is en as die DA openlik sou boete doen oor sy ware gevoelens jeens Afrikaners. Ek weet egter dat dit nie gaan gebeur nie. Daar gaan links en regs geskerm word oor Athollgate, eenvoudig omdat die DA nie nou reeds kan bekostig om Afrikanersteun by die stembus af te staan nie. Die DA se skoothondjiepers sal waarskynlik hul bes probeer om die hele saak te ignoreer. Ontkennings en aantygings oor verdraaide woorde gaan dus heen en weer vlieg, ten einde die dom Afrikaner-Nazi’s, mnr Trollip se beweerde nuttige idiote, nie té gou te vervreem nie. Tot tyd en wyl die DA nie sy doel bereik het en homself in ‘n Zanu-PF verander het met genoegsame swart steun, en links van die ANC geposisioneer het, is die Afrikaner-Nazi’s, die nuttige idiote van Trollip se epos, se stemme nodig.

Is ek egter die enigste wat wonder of hierdie epos nie heel moontlik ‘n siniese set van die DA self is om swart steun te wen nie? ‘n Doelbewus uitgelekte epos wat die boodskap oordra dat die DA met die ANCYL saamstem oor “Kill the Boer”, sou immers uiters gewild onder swartes wees, al ontken die ware outeurs van die epos hewiglik dat dit hul eie werk was. Die DA kan dus by Athollgate baat vind. Die ANC kan hiermee punte aanteken. Dit is die dom Afrikaners, die Nazi’s, die stemvee, mnr Trollip se beweerde idiote, wat op haas ongelooflike wyse vir diegene wat hulle totaal minag, bly stem, wat gaan aanhou om die verloorders te wees.

Лобановский Харьков

Lastersaak is ‘terugslag vir spraakvryheid en geregtigheid’, sê Roodt

In sy reaksie op regter Goodey se bevinding dat lasterlike etikette jeens hom “in die openbare belang” en geregverdig is, het dr. Dan Roodt van Praag dit as ‘n “slag vir spraakvryheid en geregtigheid” bestempel.

“Heel moontlik sien ons hier die eerste gevolge van ‘n getransformeerde regbank waarin omstrede sake met rassekonnotasies konstant in die guns van die heersende ideologie en van politieke korrektheid beslis gaan word,” het Roodt gesê. “Die deur word hiermee ook oopgemaak vir die verguising van dissidente en selfs haatspraak teen die blanke en Afrikanerminderheid. Ons het onlangs gesien hoe mnr. Atholl Trollip van die liberale DA Afrikaners voor die voet as ‘Nazi’s’ in ‘n e-pos aan mnr. Jaap Kelder tipeer. Ek herinner my dat ek reeds tien jaar gelede toe ek slegs ‘n versigtige besorgdheid oor die voortbestaan van Afrikaans uitgespreek het, reeds as ‘n ‘Nazi’ verketter is.”

Roodt meen dat Die Burger, Leopold Scholtz en die bruin elite van die Wes-Kaap met ‘n veldtog teen Afrikanerdissidente en teen hom persoonlik besig is. “Ironies genoeg is dit die tweede keer in my lewe dat ek ‘n hofsaak oor meningsvryheid verloor. Die eerste keer was as student in die destydse Taaldoos-saak in Johannesburg toe ek die spit moes afbyt vir die vierletterwoorde van Koos Kombuis en ten minste een Naspers-joernalis wat onder ‘n skuilnaam geskryf het. Tans is dieselfde volgers en kruipers wat die sensuur van destyds goedgepraat en ondersteun het besig om ‘n nuwe en erger sensuur te vestig.”

Die etikettering van Roodt as “rassis” deur Scholtz en ander het geskied weens sy kommentaar op geweldsmisdaad en plaasmoorde wat oorwegend deur jong manlike lede van sommige rassegroepe gepleeg word. Volgens Roodt “is hierdie nuwe sensuur wat nou gevestig word nie net veel erger as die oue nie, maar maak dit eerlike kommentaar oor die geweld, misdaad en korrupsie wat in ons land tier toenemend onmoontlik. Selfs akademiese navorsing oor disfunksionele groepe of sub-groepe in die samelewing sal voortaan onmoontlik wees, uit vrees dat navorsers deur die hoofstroommedia in hul heksejag as ‘rassiste’ gestigmatiseer sal word.”

Roodt het sy ondersteuners, ook sy groot internasionale aanhang, vir hul lojaliteit bedank en gesê: “Dis ‘n bitter pil om te sluk as die hof ook ‘n bestraffende kostebevel teen ‘n individu soos ek in die guns van ‘n reusemaatskappy soos Naspers met sy vyf miljard rand aan jaarlikse winste ná belasting uitreik. Duidelik moet ek, benewens die aantasting van my waardigheid en reputasie, nog verder gestraf word omdat ek dit durf waag het om my teen die mag van Grootbroer te verset.”

Die leier van Praag meen dat die stryd om spraakvryheid en geregtigheid in Suid-Afrika “net feller kan word soos wat ‘n korrupte oligargie hom in die land vestig en rassehaat teen minderheidsgroepe, spesifiek die Afrikaner, aangeblaas word. Of Leopold Scholtz en Die Burger dit nou wil weet of nie, hulle verkeer in dieselfde kamp as Malema met sy ‘Skiet die Boer’-liedjies. Histories veg hulle sy aan sy met diegene wat die Afrikanervolk wou uitwis, vanaf Dingaan tot die lords Milner en Kitchener.”

Roodt het die onlangse publikasie van twee belangwekkende boeke oor onderskeidelik die rasseproblematiek van Suid-Afrika en die VSA deur twee Amerikaanse skrywerskollegas verwelkom. Ilana Mercer se Into the cannibal’s pot – lessons for America from post-apartheid South Africa en Jared Taylor se White identity – racial consciousness in the 21^st century gaan volgens hom “die land skud soos nog nooit tevore nie. Leopold Scholtz en Die Burger mag dink dat hul anti-wit rassisme – ons het mos nou carte blanche (sic) om mense ‘rassiste’ te noem – tot ‘n onaantasbare dogma verhef is, maar danksy die internet en boekpublikasies gaan hulle nie daarin slaag om die intellektuele en politieke debat in die doofpot te smoor nie.”

hair accessories topcargo отзыв

Telkom-probleem teister Praag

Weens ‘n probleem met Telkom se netwerk in ons omgewing, is ons internetverbinding heeltemal buite werking en kan ons net sporadies per koordlose verbinding aanlyn gaan.

Sodra die Telkom-probleem herstel is, sal die webwerf teen die normale ritme bygewerk word.

Ons vra om verskoning vir die ongerief.

– die redaksie

topcargo

DA-leier trek los teen ‘Afrikaner-Nazi’s’

Die parlementêre leier van die DA, mnr. Atholl Trollip, het in ‘n hovaardige e-pos aan ‘n medepartylid te velde getrek teen “Afrikaner-Nazi’s” wat aanhangers van die AWB, KP en VF+ sou insluit. Die e-pos is per ongeluk aan mnr. Jaap Kelder gestuur. Trollip se boodskap insinueer dat mnr. Jaap Kelder van die Nasionale Belastingbetalersunie insgelyks ‘n “Afrikaner-Nazi” sou wees. Hy verwys ook na die “Afrikanerkwessie”, dít alles in reaksie op kritiek teen die DA se beleid oor grondhervorming wat volgens die party se woordvoerder soortgelyk aan dié van die ANC sou wees.

Die volledige e-pos, wat hoofsaaklik in Engels geskryf is, lui soos volg: “Please answer this Aresehole once and for all, deal with the Afrikaner issue that he raises and tell him to stop masquerading as a rate payer organization especially if he is the reincarnation of the AWB, KP, FF+ , NAZI. Stuur die IDIOOT in sy moer in sy moer asseblief. Athol”

In sy reaksie, het ‘n leser van Pretoria, mnr. Thys Human, teenoor Trollip opgemerk: “Die vieslike taalgebruik is verstommend vir iemand wat al leier van die party wou word. Die ongebreidelde haat teen die Afrikaner wat daaruit straal, is nog erger.”

Mnr. Jaap Kelder van die NBU het aanvanklik gereageer op ‘n persvklaring van die VF+ waarin mnr. Pieter Groenewald soos volg op uitsprake van die DA in die parlement geantwoord het: “Die Demokratiese Alliansie (DA) se spreker, me. Mazibuku het vandag erken en gesê die DA het dieselfde doelstellings met grondhervorming as die ANC. Daar is dus geen verskil tussen die DA en die ANC as dit kom by grondhervorming nie.”

Die toespraak van Lindiwe Mazibuko, die DA se woordvoerder oor landbou en grondsake, verskyn in die oorspronklike Engels hier onder.

Trollip het in verdere e-posse hom daarop geroem dat die meerderheid Afrikaners vir die DA stem en dat hy veel vir nasiebou gedoen het.

Toespraak deur Lindiwe Mazibuko van die DA

“The Democratic Alliance’s vision for Rural Development and Land Reform in South Africa is informed by the four pillars of the Open Opportunity Society for all. These are redress, reconciliation, diversity and delivery. It is a vision of a thriving rural economy in which the vile injustices of South Africa’s apartheid and colonial legacies are effectively and decisively redressed through a combination of sustained job-creating economic growth and a well-managed and resourced restitution programme.

Now the ANC government’s aims may be similar to those of the DA but its state-centered approach and its failed policy implementation are vastly different. And they have had the effect of ultimately hampering the achievement of these all important goals.”

все для бани

Aanlynbordeel oopgevlek

Die Ekurhuleni-metropolisie het Donderdag ‘n klopjag op ‘n huis in Alberton uitgevoer waar pornografie na bewering verfilm word om aanlyn te versprei.

Agt vroue en ‘n man in sy 40’s is in hegtenis geneem by die Mayberry Park-huis, suid van Johannesburg, het Wilfred Kgasago, woordvoerder, gesê.

“Ná klagtes van die gemeenskap oor ‘n ongewone hoeveelheid vroue wat die huis besoek het, het die EMPD se taakspan vir misdaadvoorkoming toegeslaan en ‘n massiewe aanlyn-‘bordeel’ oopgevlek.”

Die vroue, tussen die ouderdomme van 20 en 30, het na bewering die huis gebruik om “suggestiewe seksuele aktiwiteit” via webkameras uit te saai. Die man het erken hy het die huis gehuur en bestuur en gesê die eienaar was nie bewus van waarvoor dit gebruik word nie.

Hulle werk al meer as ‘n jaar lank uit die huis en het na bewering meer as R120 000 per maand ingewin.

Hulle word aangekla vir oortredings van die Film- en Publikasiewet, die Inkomstebelastingwet en die Ekurhuleni-metropool se munisipale wette. Dit groep sal na verwagting binnekort in die Alberton-landdroshof verskyn.

прокурор Фильчаков

Onwettige nieroorplantings in SA uitgevoer

Minstens 42 onwettige nieroorplantings is tussen 2001 en 2003 in Kaapse hospitale uitgevoer.

Twee van die operasies was in die Groote Schuur-hospitaal gedoen en ten minste 40 in die Christiaan Barnard-gedenkhospitaal, het dr. David Bass, mediese konsultant, aan Die Burger gesê.

Prof. Del Kahn, eertydse hoof van die Oorplantingsvereniging van SA en nou hoof van chirurgie aan die Universiteit van Kaapstad, het ná die twee oorplantings by Groote Schuur besef die skenkers en ontvangers ken mekaar nie, sê Bass. Hy het vermoed dit was “niere-vir-kontant-operasies”.

Kahn het ‘n memorandum aan oorplantingseenhede in die land gestuur om op die uitkyk te wees vir verdagte buitelandse pasiënte nadat ene mnr. Ilan Perry, ‘n Israelse sakeman, hom genader het.

Lees verder.

bang free

DA-LP melk reisskema

‘n Senior DA-LP, Manie van Dyk, se dogter (ouer as 18) en dié se verloofde maak glo gebruik van die regering se reisskema. Volgens Media24 het die paartjie van Centurion na Kaapstad gereis op die belastingbetaler se onkoste. Van Dyk hou egter vol hy nie oneties opgetree het nie.

Hy het R275 000 se eis om sy reiskoste te dek vir 2009 ingedien. Van Dyk het blybaar verkies om per motor tussen Kaapstad en sy kiesafdeling te reis al sou dit goedkoper wees om te vlieg. Sy buitensporige eis het selfs oë binne die DA laat rek.

Ian Davidson, DA-hoofsweep, sê die reëling is verlede jaar verander nadat Van Dyk se astronomiese eise in September onthul is. Hy sê parlementslede moet nou die goedkoopste reisopsie neem en indien nie, sal hulle nie vir die ekstra uitgawe vergoed word nie.

Parlementslede bestee jaarliks R223 miljoen op reise en telefoonoproepe. Dit sluit die reiskoste van 1 700 gades, metgeselle en afhanklikes in. Dié bedrag uit die sakke van belastingbetalers is R65 miljoen meer as in die vorige boekjaar.

прокурор Фильчаков

Britte en Amerikaners dryf grondpagstelsel, ook in SA

Harvard en ander groot Amerikaanse universiteite is besig om deur Britse verskansingsfondse en Europese finansiële spekulante groot dele van Afrika se landbougrond te koop of te huur en sodoende duisende mense van hul grond af te verdryf, volgens ‘n nuwe studie.

Navorsers aan die Californiese Oakland-instituut sê buitelandse beleggers trek voordeel uit “grondgryp”, wat dikwels nie die beloofde voordele van werksgeleenthede en ekonomiese ontwikkeling oplewer nie en tot omgewings- en maatskaplike probleme in die armste lande ter wêreld kan lei.

Die nuwe verslag oor grondaankope in sewe Afrikalande dui daarop dat Harvard, Vanderbilt en baie ander Amerikaanse universiteite met groot skenkingsfondse die afgelope paar jaar swaar in Afrikalande belê het. Baie van die geld is gekanaliseer deur middel van die Londense firma Emergent Asset Management, dws een van Afrika se grootste grondfondse, wat deur voormalige JP Morgan- en Goldman Sachs-valutahandelaars bedryf word.

Die navorsers van die Oakland-instituut meen dat Emergent se kliënte in die VSA tot $500 miljoen van die mees vrugbare landgrond opgekoop het met die verwagting dat dit 25% se opbrengste sal oplewer.

Emergent sê hulle tree verantwoordelik op. “Ja, universiteitskenkingsfondse en pensioenfondse is langtermynbeleggers,” het ‘n woordvoerder gesê. “Ons belê in Afrika se landbou en die oprigting van ondernnemings en werkskepping. Ons is besig om dit op ‘n verantwoordelike manier te doen… Die bedrae is groot. Dit behels honderde miljoene dollar. Dit is nie grondgryp nie. Ons wil die grond meer waardevol maak. Om groot te wees, maak ‘n impak. Skaalekonomieë kan meer produktief wees.”

Chinese en Midde-Oosterse maatskappye is voorheen geïdentifiseer as “grondgrypers” omdat hulle groot stukke grond in ontwikkelende lande aankoop om goedkoop voedsel vir hul eie bevolkings te kweek.

Die maatskappy wat Harvard se beleggingsfondse bestuur, het geweier om kommentaar te lewer. “Dit is die Harvard-bestuur se beleid om nie beleggings of ‘n beleggingstrategie te bespreek nie en daarom kan ek nie die verslag bevestig nie,” het ‘n woordvoerder gesê. Vanderbilt het ook geweier om kommentaar te lewer.

Oakland het gesê beleggers oorbeklemtoon die voordele in aanbiedings vir die betrokke gemeenskappe. “Maatskappye kan komplekse lae van maatskappye en filiale tot hul eie voordeel in ‘n swak gereguleerde omgewing skep. Ontleding van die kontrakte onthul dat baie van die aanbiedings slegs enkele werksgeleenthede sal voorsien en duisende mense van hul grond af sal dwing,” sê Anuradha Mittal, Oakland se direkteur.

In Tanzanië bepaal die memorandum van verstandhouding tussen die plaaslike regering en die Amerikaanse Development Corporation AgriSol Energy, tesame met Iowa Universiteit, dat die twee vernaamste plekke – Katumba en Mishamo – se vlugtelingnedersettings soveel soos 162 000 mense gedwonge sal moet verskuif voordat die $700-miljoenprojek kan begin. Die vlugtelinge bedryf reeds 40 jaar lank hul boerdery daar.

In Ethiopië is ‘n proses van “dorpskepping” deur die regering aan die gang om tienduisende mense uit die tradisionele gebiede in nuwe sentra te vestig, terwyl groot grondtransaksies met internasionale maatskappye onderhandel word.

Die grootste grondtransaksies in Suid-Soedan, waar tot 9% van landbougrond deur Noorse beleggers opgekoop is, is tussen ‘n Texas-maatskappy en ‘n plaaslike koöperasie van hoofmanne beding. Die huurkontrak van 49 jaar behels die gebruik van 400 000 hektaar teen ongeveer $25 000 en stel die maatskappy in staat om alle natuurlike hulpbronne, olie en hout inkluis, te ontgin. Die maatskappy, gelei deur die voormalige Amerikaanse ambassadeur Howard Eugene Douglas, sê dat hy voornemens is om aansoek te doen vir VN-gesteunde koolstofkrediete wat vir hom miljoene dollar per jaar aan inkomste kan beteken.

In Mosambiek, waar tot sewe miljoen hektaar landbougrond potensieel vir beleggers beskikbaar is, is verskansingsfondse besig om saam te werk met Suid-Afrikaanse sakeondernemings om groot stukke bos- en landbougrond vir beleggers in Europa en die VSA op te koop. Die regering gaan glo belasting vir tot 25 jaar afskryf, maar min werksgeleenthede sal geskep word.

“Die skaal van die grondhandel is skokkend,” sê Mittal. Hy sê dié beleggingstrategie kan voedselpryse en die risiko’s van klimaatsverandering verhoog.

Navorsing deur die Wêreldbank en ander dui daarop dat nagenoeg 60m hektaar – ‘n gebied die grootte van Frankryk – die afgelope drie jaar deur buitelandse maatskappye in Afrika gekoop of gehuur is.

“Die meeste van dié transaksies word gekenmerk deur ‘n gebrek aan deursigtigheid, ten spyte van die ernstige implikasies wat konsolidasie van beheer oor globale voedselmarkte en landbouhulpbronne deur finansiële ondernemings kan inhou,” sê die verslag.

Frederic Mousseau, beleidsdirekteur by Oakland, sê: “Hierdie voedselonsekerheid word ‘n veel groter bedreiging vir die wêreld se veiligheid as terrorisme. Meer as een miljard mense in die wêreld ly honger… Die meeste van die wêreld se armes is steeds afhanklik van klein plase vir hulle bestaan, en die spekulante neem dit weg terwyl die beloofde vordering nooit gebeur nie.”

Dit mag dalk verklaar waarom PLAAS, verbonde aan die Universiteit van die Wes-Kaap, Britse en Amerikaanse fondse aanwend om Afrikanerboere ideologies van hul plase te probeer afdwing. Die organisasie produseer ‘n groot hoeveelheid anti-Afrikaanse ideologiese stof wat radikale grondhervorming in Suid-Afrika aanbeveel. Dit sal landbougrond in Suid-Afrika spotgoedkoop maak en dmv ‘n pagstelsel aan buitelandse beleggers beskikbaar stel wat dan nie markpryse daarvoor sal hoef te betaal nie.

игрыдля 7 лет Данильченко Харьков

Yale staak anti-semitisme studierigting

Die Anti-Defamation League, die invloedryke Joodse lobbie, is woedend oor Yale, die roemryke Amerikaanse universiteit, se besluit om sy studiekursus oor anti-semitisme te kanselleer.

‘n Fakulteitskomitee het gesê die 5-jaar-oue Yale-inisiatief vir die Interdissiplinêre Studie van Anti-semitisme het nie voldoen aan die standaarde van navorsing en onderrig nie.

Die nasionale direkteur van die ADL het gesê dat, ongeag die probleme, Yale eerder moes probeer om probleme op te los, as om die deure van die kursus te sluit.

“Veral in ‘n tyd wanneer anti-semitisme steeds hoogty vier en anti-Israel partye enige poging om kwessies in verband met anti-Sionisme en anti-semitisme te bespreek, as onwettig beskou, Yale se besluit is baie ongelukkig en verskriklik,” het Abrahma Foxman in ‘n verklaring gesê.

Politieke wetenskaplike, professor Donald Green sê dat alle kursusse na vyf jaar hersien word na gelang van hoe goed hulle interdissiplinêre navorsing en onderrig by Yale bevorder.

“Bitter min vakkundige werk [oor dié onderwerp] verskyn in top-vlak tydskrifte in die gedragswetenskaplike, vergelykende politieke, of geskiedenis rigtings. Kursusse in hierdie vakgebied trek nie ‘n groot aantal studente nie, “het Green gesê.

Фильчаков