deur Hannes Engelbrecht
Ondersteuners van die VF+ wat gereeld selfbeskikking voorhou as die party se beleid wanneer vrae deur Front Nasionaal gevra word, het waarskynlik vanoggend in hulle koffie gestik toe hul leier se artikel in Rapport gelees is.
Dr Pieter Mulder draai geen doekies om nie – sy party het “herposisioneer”. In die proses val Mulder terug op die ou Nasionale Party-slagspreuk van “eenheid in diversiteit”, of soos die De Klerk-NP dit gedefinieer het : “Eenheid in verskeidenheid”. Mulder strewe na ‘n “nuwe staatkundige bestel waarin erkenning gegee word aan die diversiteit van Suid Afrika”. Hy reken “ons minderheidskonferensie het ‘n gesamentlike doel vir minderheidsgroepe daargestel”. Al wat kortkom van die ou Nasionale Party-retoriek is dat Mulder nog net die slagspreuk van “Eie Sake” ook moes ophaal.
Van selfbeskikking maak Mulder geen melding nie; inteendeel, hy omhels die eenheidstaat met gemak:
“So ‘n nuwe Suid Afrika moet gebou word rondom die konsep van ware eenheid in verskeidenheid; rondom ‘n ware ‘better life for all’; rondom ‘n ware gelyke kans vir almal”.
Dit is presies die standpunt wat FW de Klerk verkondig het gedurende Kodesa.
Hierdie standpunte van Mulder en die VF+ maak dit nou duidelik waarom die “koalisie” en “samewerking” met eenheidstaat-partye soos Cope en die PAC vir die party ‘n voortvloeisel is. Nes die NP destyds met die IVP en DP.
Dis ook duidelik waarom Mulder geen probleem het met ‘n adjunk-minsterskap in die ANC-regering nie – dit was ook De Klerk se standpunt in die Regering van Nasionale Eenheid onder Mandela.
Die Vryheidsfront het nou die bodem geskraap. Hulle politieke argumente het opgeraak. As ‘n party teruggryp na ou uitgediende Nasionale Party-argumente wat ‘n klaaglike mislukking was, is jy polities bankrot.
Baie mense vra waarom Front Nasionaal gestig is – dit is die rede. Die sogenaamde “tuiste vir Afrikaners” van die Vryheidsfront is net ‘n ou Nasionale Party-pypdroom. Nes die NP is die VF+ nou ook waarskynlik op pad na ‘n roemlose politieke dood.
Hannes Engelbrecht is leier van Front Nasionaal
Mensig maar dis ‘n geroggel vanuit die VF+ siekbed.
Hoe voorspelbaar.. Nou is Rapport ewe skielik die VF se nuwe beste vriend.. net om seker te maak die Afrikaners wat nie vir hulself kan dink nie, en DA gestem het al die tyd, nie dalk wakker skrik en vir die FN stem nie..
Geen wonder dan dat die VF (en natuurlik Afriforim) laasjaar bietjie minder as entosiasties was oor die ‘Boikot Naspers’ aksie..
Ek kry so al die idee dat die broeders, (en die agter hulle..) nog hard aan die werk is agter die skerms..
En net so ‘n terloopse opmerking, ek het weer gaan kyk na die artikel in Rapport: al my op- en afduimpies is verwyder, maar steeds ingekleur, so ek kan nie weer stem nie. Ek’s nie te verbaas nie..
Ja, Willem. Ek het ook gaan loer – dis duidelik dat die op/afduim stelsel op rapport se webblad gemanipuleer word! Snaaks dat die afduime vir Rentia Diedericks bly staan – maar enige opduime wat vir haar gegee word verdwyn … skelm … die naarpers
Pieter Mulder, Kortbroek die tweede?
Self die mense wie se steun die VF+ uit lojaliteit gehad het – moet nou begin vra maar dr. Mulder wat het jy al die afgelope 20 vir ons “eenheid in diversiteit” bereik?
Daagliks gaan dit net slegter en slegter met ons blankes onder die ANC regering se magsmisbruik? Self mense met blinde lojaiteit moes tog nou al agtergekom het dit gaan net vir die Mulders elke dag finansieël beter en met die Afrikaners elke dag slegter, meer swart op blanke moorde – meer diskriminasie by die werkplek by die polisie is feitlik al die opgeleide blanke polisie alreeds vervang met hopelose swartes. Ons kinders se skole met moedertaal onderrig en universiteit is alreeds afgeneem en alreeds op n gedegradeerde standaard Die Weermag bestaan nie meer nie – munisipaliteite die vader weet as dit nie vir Jaap kelder was wat as gewone burger ingegryp het nie het ons al suiwer riool water gedrink.
Wat dr. Mulder – het jy en jou VF+ vir ons Afrikaner gedeelte van jou “eenheid
in diversiteit” gedoen en/of bereik?
Ek hou van die FN se oop- en uitgesproke ondubbelsinnige beleid – anders as die VF+ se dubbelsinnige woordspelings – wat ruimte laat vir enige “pas my” interpetasie.
Die FN kry my stem want ek het n verpligting teenoor my nageslag, wat die VF+ nie deur hulle dade woorde of beleid weerspieël word nie.
Nie een van die ander politieke partye het ‘n teenvoeter vir die woord “Selfbeskikking” nie, en nog minder ‘n plaasvervanger daarvoor.
Die enigste woord wat hulle kon gebruik het, was dit is “Onhaalbaar”.
Orania en Kleinfontein het daardie argument met vliënde vaandels geslaag. Dus hou dit ook nie meer water nie.
Die Blankes in hierdie land wat gaivol is vir die NSA, wil nou op hule eie wees.
Ek sê blankes, want dit is nie net die Afrikaner/Boer wat gaivol is nie, maar ook ‘n baie groot groep wat nie noodwendig ‘n Afrikaner/Boer is nie. Nogtans word hulle net soos ons ook vermoor, verkrag en teen gediskrimineer omdat hulle wit is. Ons het hulle stemme ook nodig.
Front Nasionaal het net een leuse nodig.
*
“STEM FRONT NASIONAAL VIR SELFBESKIKKING”
Niks in die lewe is ‘n waarborg nie. Wat ek wel van seker is, Front Nasionaal het top bestuurslede, geloofwaardige mense met vaste beginsels.
Hannes Engelbrecht, het in sy eerste openbare optrede Churchill se woorde aangehaal: “Ek is nie die leeu nie, maar die lot het op my geval om die leeu se brul te gee”.
Na twintig jaar saam met die VF+ het ons nou seker genoeg van hulle gehad.
Wat ek sou wou sien is dat FN sy resep met ons deel.
Ek wil die woord “Selfbeskikking” sien, en dan die redes daarvoor. Hierdie “redes” is wat die knoop gaan deurhaak vir stemme.
Moddergooiery het sy plek, maar ek glo dat die redelikke Afrikaner/blanke nou gatvol is daarvoor.
Ons is opsoek na redes om nie vir iemand anders te stem nie. Die mense moet gemotiveer word om weer soos ‘n Afrikaner/Boer te voel.
Kweek verwagtinge wat uitvoerbaar is.
Die verkiesing is enkele maande weg en dis weer tyd vir kreatien-politici om hulle
tuis te maak in hierdie droewe land se politieke spanne.
Die Afrikanervolk ken wel kreatien by opkikker-rugbyspelers en atlete, ek
bedoel, ek kan uit my atletiekskryfdae ‘n vroue-atleet of twee onthou
wat van ligvoetse ballerina tot swaargespierde adonisse gevorder het,
alles klaarblyklik te danke aan ‘n laboratoriumspierbouers en ‘n
rowwe afseisoen in die die gimnasium.
In Suid-Afrikaanse rugby is die leuse klaarblyklik nou nog dat ‘n goeie
grote beter is as ‘n goeie kleintjie. Hierdie rugbywaaragtigheid het
veral in Danie Craven se bewindstyd gegeld en die arme rugbywaarnemer
wat geglo het met die heengaan van hierdie vrymesselaar wat nie net
SA rugby nie maar ook in internasionale rugby oorheers het, sou vir
‘n nuwe geslag lenige rugbyspelers sorg, glo en hoop vergeefs.
Sommer
vroeg-vroeg kom, al hier in hul onder-13-dae, kom die seuns agter hoe
die wind in SA rugby waai en dan begin die spuit- en ander
kreatienbehandeling en spoedig is ‘n weltergewig-rugbyspelertjie ‘n
twee-meter-slot.
Ek onthou nog die dae toe Buurman van Zyl vir Noord-Transvaal afgerig
het en hoe daar destyds met van sulke slotte van geseënde lengte
gespot is, iets soos “ek het nog nooit so ‘n lang slot gesien wat
so laag kan spring nie”. Daardie tyd is van ‘n afrigter verwag dat
hy groot nie-springende slotte se voorspelermakkers so afrig dat
hulle sulke nie-springende slotte in die geheim en onder die oë van
die skeidsregters kon optel. Vandag ly SA rugby klaarblyklik nog
onder die die verskynsel van nie-springende slotte, so erg dat hulle
‘n slot wat darem twee duim hoog kan spring (Victor Matfield) kon
terugroep na die rugbyveld, ek verneem hy word deur Oude Meester
geborg.
Een van die bes-bewaarde rugbygeheime was natuurlik dat Naas Botha nie kon
skop nie, vra maar vir Dallas Cowboys, die gridiron-Amerikaanse
voetbalspan wat hom ten duurste moes aankoop, hierdie
nie-verdedigende, misskoppende losskakel wat meestal uit die
pawiljoene vir die Cowboys moes skop (hy was nooit die Cowboys se
eintlike skopper nie). Pleks dat hulle maar kennis geneem het van
daardie skopwedstryd waar ‘n Swart sokkerspeler en as ek dit nie mis
het nie ook ‘n SA krieketspeler maar ook Cliffie Brown, ‘n Natalse
rugbyvleuel maar ‘n bedrewe stelskopper, aan deelgeneem het. Hierdie
kompetisie is destyds met groot handegeklap aangekondig maar toe Naas
Botha nie die pyp kon rook nie, mog geen rugbyskrywer oor die uitslag
van die skoppery skryf nie.
Maar as jy in ons land uit ‘n groeie rugby- of politieke familie kom, is jou
kop deur. So moes einste Cliffie Brown, wat in die Springbokproewe
vir 1981 se Nieu-Sealandse toer (die berugte meelblomtoer), draaie om
daardie karperd-vleuelbroer van Naas, ou Darras gehardloop het, maar
tuis bly, tot die Springbokke se grootste verleentheid. Want die
swaargewig-Darius sou ‘n beter slot uitgemaak het en Naas Botha het
al die belangrike skoppe pale toe verbrou.
In daardie tyd skryf ek Carlton-rugby in Pretoria. Met die tabelletjies
wat ek by ou Quintus van Blouen inhandig oor die puntemakers in my
wedstrydverslae kom ek agter Carlton-rugby se grootste puntemaker is
is ‘n Tukkie-vleuel met die naam Regardt Steenkamp. Maar Steenkamp is
om een of ander rede gedoem om vir die res van sy lewe nie verder as
Tukkie-vleuel te vorder nie, om een of ander rede mag die voorste
driedrukker (in ‘n stadium) in Carlton-rugby nie Curriebeker-rugby
onder Buurman van Zyl speel nie. Want jy moet seker vir die regte
familie rugby speel (as iemand lus het kan hy tel hoeveel van Naas
Botha se familie vir Noord-Transvaal rugby gespeel het).
In politiek geld dieselfde ding. Vat nou die De Klerks. FW de Klerk het
byvoorbeeld NP-leier geword met die ou PFP se beginsels, net deurdat
sy pa ‘n NP-minister en ‘n NP-senator was. Sy broer Wimpie het in ‘n
redakteurstoel ingeskuif waar dr. HF Verweord eens gesit het (Die
Transvaler), as Wimpie de Klerk in sy dag des lewens ooit iets anders
as PFP-politiek bevorder het kan die politieke waarnemer wat daardie
waarneming doen, my gerus kontak.
Hulle is die kenmerkende weltergewig-poltici in die onder-13-politieke spanne,
dan word hulle vir so ‘n paar seisoene met politieke kreatien en
ander spierbouers in nie-springende politieke slotte omgetower.
Vat nou maat die gebroeders Mulder. Waar kan jy nou linkser kry. Maar die pa
het ‘n belofteryke politieke stamboom gehad en hulle is op ‘n dieet
van kreatien en stereoïdes gestuur en wat kry ons. Twee skraal
Afrikaner-nasionaliste is omgetower in twee bul-kortbroek-comrades,
een wat nogal persoonlik in Jacob Zuma se kommunistiese span speel.
Ek onthou nog in my parlementêre verslaggewerdae hoe opgewonde ek was
toe eers Pieter en daarna Corné hul opwagting as Volksraadslede
maak. Twee stamboek-nasionaliste, dink ek toe nog in my politieke
naïwiteit. Waar pa Connie die leisels laat val het, tel hulle dit
op, hou dop!
En dalk het hulle? Want het een van die ouer KP-Volksraadlede nie destyds my
moedswillig (of om ‘n ander rede?) herinner: Ou Schalk Burger,
daardie ou ZAR-volksraadslid wat saam met ‘n klomp ZAR-volksraadslede
oornag-generaals geword het sonder die skiet van ‘n enkele skoot, was
telkens onder die voorbokke (De Emigratie en Syferfontein), wanneer
daar met die Engelse onderhandel is. Tot vandag toe nog glo ek dis
brood wat darem nie op die Mulders se brood gesmeer moet word nie,
soos die Skrif sê, die voorgeslagte kan nie groen druiwe eet en die
kinders se tande stomp word nie (die tande kry mos so ‘n stomp gevoel
as jy aan groen druiwe kou).
Miskien net nog ‘n herinnering uit die parlementêre dae: Ja, daar was
politieke welters wat jy enige dag in ‘n ekstra-swaarkryt kon smyt en
hy sou bobaas wees, jy kan maar sê rasegte jakkalse wat jy nou nog
op ons land se plase kry en groot en swaarlywige en
met-kreatien-gevoerde honde uit de stad of van oorsee eenvoudig in
marathon-om-lewe-en-dood-gevegte doodbyt. Soos hulle daar op die
plase sê: Daai jakkalse maak die honde klaar.
Hulle was van heel ander stoffasie as byvoorbeeld André Fourie en Pietie
du Plessis. Die ou Nasionale Party het ‘n patroon gehad waarmee hulle
debatte aangepak het. Wil hulle die debat in ‘n smerige rigting stuur
het hulle vir die Vrymeselaar Piet Swanepoel of die later
veroordeelde bedrieër Pietie du Plessis ingestuur teen die KP. Om
een of ander duistere rede het hulle ook gedurig van André Fourie
gebruik gemaak in sulke debatte. Maar nooit kon hierdie mense ooit ‘n
noemenswaardige duik in die debat maak nie.
Vir Pieter en Corné sal ek altyd op persoonlike vlak respek hê. Ook vir
hul pa, dr. Connie. Wat PW Bota en Naspers met hullle aangevang het
in opdrag van die Amerikaners staan aangeteken as van die gemeenste
goed wat eie bloed kan aanvang. Maar vir Queensbury-reëls en mak
parlementêre debatjies is daar al jare gelede nie meer tyd nie.
Pieter het eendag gesê, sy pa se raad aan hom was as die politieke
karkasse rondlê styg die arende op.
Tot vandag toe dink dit is goeie raad.
Maar ou Pieter, die karkas waar jy daar in die Kaap rond sit, stink al, dis
lankal nie meer bedoel as politieke spyse vir die Afrikaner nie. Al
wat jy daar doen is om soos ‘n aasvoël rond te sit.
Vandat die DA se strateeg in Engeland gaan werk het (en die Kamer van Mynwese se bekende strateeg en ekonoom het ook probeer wegkom na Kanada toe) is daar duidelik ‘n verandering in politiese rigting van beide. Mynwese het skynbaar hulle “uitbuitingstempo” verhoog (nie verlaag nie) en die DA het skielik hierdie DANC geword. Die vraag wat ek het – wat het gebeur met die VF+ (oor dieselfde tydperk) want ek is seker hierdie manne en vroue weet iets wat ons nog nie gesien het nie. Hoekom die veranderinge en hoekom ontsnap sleutelmense oorsee? My eie waarneming is dat hier ‘n risiko is en dat aksie geneem moet word en daarom is FN ‘n welkome briesie.
Hulle moet Mulder se lippe oor sy kop trek en die moer versmoor met sy eie kek pratery!