praag.co.za

Tag: Libië

  • EU ontken blaam vir vlugteling-krisis

    EU ontken blaam vir vlugteling-krisis

    Die krisis van massa-migrasie van vlugtelinge uit Afrika is nie veroorsaak deur die Europese lande nie, maar deur outokratiese leiers, het ‘n Europese amptenaar Dinsdag gesê.

    Roeland van de Geer, die ambassadeur van die Europese Unie na Suid-Afrika, het gesê die oorsaak van die krisis in Noord-Afrika “lê vierkantig by sy eie leiers”.

    Ná ‘n vergadering tussen President Jacob Zuma en die diplomatieke korps, het hy aan verslaggewers gesê hy geglo dat die gebrek aan demokratiese waardes die dryfkrag agter die mirgrasie-stroom is.

    “So het ons plaas die verantwoordelikheid vir wat gebeur in die lande van die Magreb duidelik in die hande van die leiers wat diktators was en het nie demokrasie respekteer nie,” het Van der Geer verklaar.

    Vroeër Dinsdag, het President Jacob Zuma Europese lande vir die Libiese vlugtelingkrisis blameer.

    Zuma sê die Europese lande, wat ‘n rol in die ondergang van die Libiese president Gaddafi en die gevolglike onstabiliteit in Libië gespeel het, dra die volle verantwoordelikheid vir die humanitêre en vlugtelingkrisis.

    Hy sê die moondhede wat lande gedestabiliseer het en hul burgers laat vlug het, moet nou verantwoordelikheid vir hul dade aanvaar.

    Zuma is het diplomate toegespreek oor Suid-Afrika se internasionale sienings voor die VN se Algemene Vergadering later hierdie maand vergader.

    Hy het bygevoeg dat die Verenigde Nasies hervorm moet word om al die kontinente te verteenwoordig en om die uitdagings van ‘n moderne wêreld die hoof te bied.

  • Suid-Afrikaner dood in Mali-aanval

    Die Suid-Afrikaanse regering het die aanval op burgerlikes by ‘n hotel in Mali veroordeel.

    ‘n Suid-Afrikaner, Roelof Janse van Rensburg, is in die aanval dood nadat die hotel waar hy as gyselaar aangehou is, deur Franse spesmagte bestorm is.

    Hy het kort voor sy dood nog met sy vrou gepraat. Janse van Rensburg was die pa van vier kinders.

    Die regering sê dit is tragies dat Janse van Rensburg gesterf het terwyl hy gehelp het om bestendigheid in Mali te probeer bring.

    Hy het as paramedikus vir ‘n Russiese lugvaartmaatskappy gewerk wat deel van die VN-vredesending in die sentrale deel van Mali is.

    Twaalf mense is in die aanval op ‘n hotel in die dorp Sevare dood.

    Gewapende aanvallers het die hotel Vrydag bestorm en ‘n groep mense as gyselaars aangehou. Die beleg het sowat 24 uur geduur voordat die gyselaars ontset is.

    Die politieke onbestendigheid in Mali is vererger deur ‘n invloei van wapens in 2011 met die Amerikaans-geleide inval in hul buurland Libië.

    Die teenwoordigheid van islamiste in die noorde het in Maart 2012 tot ‘n militêre staatsgreep gelei in Mali en die vestiging die Islamitiese sjariawet.

    Ecowas het ingestem om ‘n gekoördineerde militêre ekspedisie te loods op ‘n vergadering in Nigerië in November vanm dieselfde jaar, met die VN se steun.

    Die regering in Bamako het Frankryk intussen versoek om militêr in te gryp. Franse troepe het Islamitiese vestings in die noorde skoongemaak, en die grootste deel van die opstand beëindig, maar die toestand bly steeds gespanne.

  • 100 Lyke van asielsoekers spoel op kus uit

    Minstens 100 lyke van vermeende asielsoekers uit Afrika suid van die Sahara het Dinsdag op ’n strand naby die kusdorp Tajoura in Libië uitgespoel.

    Dit is volgens berigte moontlike die naasgrootste tragedie sedert 18 April toe 850 asielsoekers aan die kus van Libië verdrink het.

    Volgens die Migrant Report, ’n webblad wat berig oor kwessies oor immigrante, is besonderhede rakende die voorval nog onduidelik.

    ’n Woordvoerder van Libië se departement van anti-immigrasie sê hul nasionaliteit kon nog nie bevestig word nie.

    Hulle is vermoedelik die slagoffers van ’n skeepswrak langs die kus van Tajoura, ’n dorp omtrent 10 km oos van die hoofstad, Tripoli.

    Die lyke is na ’n hospitaal in Tripoli vervoer.

    Ten minste 1 780 asielsoekers het tot dusver in die Mediterreense See verdrink in ‘n poging om Europa te bereik.

    Die lyke van 12 asielsoekers is Vrydag gevind nadat die boot waarop hulle was, aan die kus van Libië omgeslaan het.

    Vroeër in die week het Turkse en Griekse kuswagte ’n soektog begin na 19 Afrikane wat vermoedelik verdrink het.

  • Nigerië nader Internasionale Strafhof oor SA se xenofobie

    ‘n Nigeriese menseregte-organisasie het die Internasionale Strafhof (ICC) in Den Haag genader om ‘n klag van haatspraak teen die Zoeloekoning Goodwill Zwelithini te ondersoek.

    Dié hof ontvang maandeliks duisende sulke klagtes wat tans op niks uitloop nie.

    Na vele klagtes teen slegs Afrika-staatshoofde ontvang is, is die instelling gekritiseer as ‘n politieke instrument sonder regskrag, veral nadat Kenia se Uhuru Kenyatta in die spervuur gekom het weens verkiesingsgeweld maar Libië se vermoorde leier nooit die kans gegun is om sy saak te stel nie.

    Hillary Clinton het selfs openlik in ‘n onderhoud na die Amerikaanse inval in Libië gekraai dat internasionale regspleging begrawe is: “Ons het gekom, ons het gesien, hy’s dood”.

    Die klag werp insgelyks ‘n skadu oor Suid-Afrika se regstelsel aangesien die ICC deur die Roomse Statuut gedwing word om alleen klagtes te ondersoek in lande waar die regstelsel nie funksioneer nie.

    Die sosio-ekonomiese regte en aanspreeklikheidsprojek (Serap) het gevra dat die ICC-aanklaer Fatou Bensouda die beweerde medepligtigheid of nalatigheid van Suid-Afrika se polisie in die voorkoming van die xenofobiese aanvalle ondersoek.

    Die minister van polisie Nkosinathi Nhleko was glo teenwoordig toe die koning sy toespraak voorgelees het.

    Zwelithini het by ‘n byeenkoms in Pongola, KwaZulu-Natal in Maart gesê “buitelanders moet hul tasse pak en huis toe gaan”. Hy het egter bygevoeg dat die owerhede nie sal ondersteun wat hy sê nie.

    Die koning het later gesê hy het “onwettige immigrante” bedoel. Hy blameer ook ‘n derde mag vir die geweld.

    Die koning is nie bang om sy sê in Zoeloe te sê nie. In 2012 het hy verklaar dat diegene wat betrokke is in gay verhoudings “vrot” is, maar later die skuld op swak vertaling gepak.

    Serap het gesê Zwelithini se stellings kan nie kragtens enige wet geregverdig word nie, en “misdade teen die mensdom is dikwels die gevolg van opmerkings soos Zwelithini s’n”.

    Serap is klaarblyklik heeltemal tevrede met die aanhitsing teen blankes ten spyte van vrome verklarings oor “haatspraak”:

    “…The Canadian Supreme Court held that hate speech may constitute persecution, even if it does not result in the commission of acts of violence. In arriving at this conclusion, the court considered that a link was demonstrated between the speech at issue and the widespread or systematic attack against the civilian population. Thus, the post-World War II jurisprudence generally establishes that hate speech not urging an audience to commit imminent violence can constitute persecution.”

    Nigerië se waarnemende hoëkommissaris Martin Cobham en sy adjunk Uche Ajulu-Okeke is Saterdag gevra om terug te keer uit Suid-Afrika vir konsultasies oor die aanvalle.

    Die Departement van Internasionale Betrekkinge het in reaksie gesê die onttrekking is “‘n ongelukkige en jammer stap” en “vreemd”.

    Woordvoerder Clayson Monyela het egter verklaar dat Suid-Afrika verbind bly tot die skep van ‘n sterk band en bilaterale verhoudinge met Nigerië.

    Hy het Nigerië daaraan herinner dat Suid-Afrika uiterste geduld aan die dag gelê het met die repatriasie van 84 ontslape burgers wat omgekom het in die Nigeriese kerkramp.

    Die 84 was deel van ‘n groep van 116 wat dood is toe ‘n gastehuis van die Sinagoge Kerk onder leiding van TB Joshua, in September verlede jaar ineengestort het weens swak bouwerk.

    Dinsdag het die minister in die Presidensie Jeff Radebe gesê Suid-Afrika het ‘n hartlike verhouding met Nigerië.

  • Australiese premier siek vir VN-gepreek oor immigrasie

    In Perth het die Australiese­ premier, Tony Abbott, Woensdag­ gesê hy is siek en sat vir die Verenigde­ Nasies (VN) se gepreek oor onwettige immigrante, het die Daily Mail berig.

    Abbott het gesê die Australiese­ beleid om onwettige­ immigrante­ se bote soms terug te sleep na hul land van oorsprong, is “die ordentlikste­, barmhartigste­” oplossing.

    Abbott het gereageer op die VN se beroep op onder meer die Europese Unie om hom daartoe te verbind om aansienlik meer vlugtelinge toe te laat as wat tans gebeur, en kanale te skep vir veilige migrasie.

    In ‘n ope brief het senior VN-amptenare gesê die EU se voorstelle is grootliks daarop gemik om die toestroming van migrante te keer eerder as om hulle veiligheid en regte ‘n prioriteit te maak.

    Die VN sê sterker maatreëls om migrante se regte te beskerm sal meer in ooreenstemming wees met die EU se eie beginsels van menslikheid, eensgesingheid en respek vir menseregte.

    Nigel Farage, die leier van die UK Independence Party (UKIP) het Abbott geprys vir sy voorstelle aan Europa se leiers oor hoe om die bote uit Afrika terug te draai.

    Farage wou egter nie die aanhouding van immigrante, die aanhouding van kinders, of gedwonge terugdryfmaatreëls onderskryf wat deur Australië toegepas word nie.

    “Sommige van die maniere waarop Australië optree oor hierdie dinge,” het hy gesê, “is taaier as wat ons in Brittanje kan aanvaar.”

    Farage probeer stemme werf vir die verkiesing oor twee weke met sy party wat teruggesak het in die peilings.

    Premier Matteo Renzi van Italië het Abbott se taksering beaam. Renzi het aan wetgewers in Rome gesê Europa en die VN moet saam ingryp, het Bloomberg berig.

    Dié uitlatings volg nadat ‘n boot Sondag onderweg­ na die Italiaanse eiland Lampedusa­ omgeslaan het. Na raming het byna 700 mense omgekom.

    Libiese wetstoepassers het Dinsdag sowat 70 mense in Tripoli in hegtenis geneem terwyl hulle op ‘n boot gewag het gewag het om hulle na Lampedusa­ in Italië te neem, het ‘n emigrasie-­ampte­naa­r gesê.

    Twee bote, een met sowat 250 mense van onder meer Senegal, Ghana en Ethiopië, en die ander met honderde­ Ethiopiërs­ en burgers van Eritrea aan boord, is ook voorgekeer­ nadat hulle reeds uit Libië vertrek het na die EU-Eldorado.

    Etlike vaartuie met sowat 600 mense aan boord wat na Italië wou vlug, is die afgelope­ drie dae verhoed om uit Libië te vertrek, het ’n veiligheidsamptenaar­ hier gesê.

  • Oop grense: ‘n Ongeluk wat wag om te gebeur

    Katie Hopkins, ‘n Britse rubriekskrywer vir die Murdoch-poniekoerant The Sun, is diep in die sop weens ‘n ruwe rubriek oor swart migrante.

    Enkele dae voordat ‘n boot van sodanige immigrante in die Middellandse See gesink het en ten minste 700 van hulle verdrink het, het Hopkins presies geskryf wat sy dink oor die spul uit die suide wat hulp in Europa kom bedel.

    Die toeval is vreemd want op dieselfde oomblik in Suid-Afrika het plaaslike swartes met mening op buitelanders toegesak in wat Zimbabwiese diplomate ‘n “grys gebied” van sterftes genoem het. Amptelik het sewe mense omgekom, maar Zimbabwiese koerante beweer daar is meer sterfgevalle.

    Daar was selfs stemme in die ANC wat na ‘n “derde mag” verwys het, maar die regime het nogtans hul verbintenis tot oop grense, wat aanleiding gegee het tot die tragedie, herbevestig.

    Hopkins het die aspirant-bedelaars beskuldig van ‘n “hardnekkige lewenskragtigheid wat met dié van kakkerlakke vergelyk”, en voorgestel dat hulle ter see afgeskrik word deur kanonbote eerder as wat hulle deur reddingswerkers opgepik word.

    Verskeie aanlynpetisies met duisende handtekeninge het The Sun intussen gevra om Hopkins af te dank, terwyl die Vereniging van Swart Prokureurs poog om haar vir die aanhitsing van rassehaat te vervolg.

    Maar die poniekoerant byt steeds vas en het nog nie geswig voor die geweldige druk om van hulle rubriekskrywer ontslae te raak nie.

    Hier is nog ‘n oorspronklike uittreksel uit Hopkins se stuk:

    No, I don’t care. Show me pictures of coffins, show me bodies floating in water, play violins and show me skinny people looking sad.

    I still don’t care.

    Because in the next minute you’ll show me pictures of aggressive young men at Calais, spreading like norovirus on a cruise ship.

    Watching them try to clamber on to British lorries and steal their way into the UK, do I feel pity? Only for the British drivers, who get hit with a fine every time one of this plague of feral humans ends up in their truck.

    Die dag nadat Hopkins se stuk verskyn het, het Le Figaro, die sentrum-regse Franse koerant wat min of meer tot dieselfde gehoor as die Wall Street Journal in die VSA spreek en nie as “ver-regs” sal kwalifiseer nie, ‘n stuk deur Hervé Juin die lig laat sien.

    Die skrywer is bekend vir sy prominente, anti-globalistiese polemiese artikels oor die “ekologie van beskawings”.

    Juin se uitstekende argument, in dié stuk asook elders, is dat die ideologie van individuele regte, in samewerking met die meedoënlose opmars van globale kapitalisme, tot die vernietiging van diversiteit van beskawings sal lei.

    Volgens skattings wag daar ‘n miljoen voornemende Afrikane om in Europa aan wal te gaan met EU-wette en veral die Lissabonverdrag wat lidlande dwing om humanitêre hulp aan hulle te verleen en menselewens te red.

    In Libië, Noord-Afrika, waar NAVO die eens welvarende land met lugaanvalle tot ‘n terreurnes verdoem het, wag daar vandag die meeste onwettige migrante om te vertrek.

    Onder die voorwendsel dat hulle asielsoekers is, kan ISIS-elemente tans maklik die vasteland binnedring, ‘n kopseer vir sowel amptenare as politici.

    Meer as 1750 migrante het reeds sedert die begin van die jaar in die Middellandse See omgekom. Dit is meer as 30 keer hoër as in dieselfde tydperk van 2014, sê die Internasionale Organisasie vir Migrasie.

    Gaan Europa, wat fel gekritiseer word deur veral linkse Amerikaanse, sogenaamde menseregtegroepe, bes gee?

    Die VSA, wat as ‘n immigranteland tot stand gekom het, is die dryfveer van die ideologie van multikulti, meng en morele verontwaardiging, asook die destabilisering van Noord-Afrika wat direk vir die stormloop verantwoordelik is.

  • Dertig Christene deur ISIS onthoof

    Die Islamitiese Staat-groep het ‘n video vrygestel wat toon hoe 30 Christene tereggestel word.

    Die beeldmateriaal van 29 minute wys hoe “volgelinge van die kruis” op ‘n strand onthoof word en ander doodgeskiet word.

    Die Ethiopiese Christene is in Libië ontvoer.

    Dit is soortgelyk aan ‘n ISIS-video wat toon hoe 21 Egiptiese Christene in Februarie tereggestel is.

    Die groep beheer tans groot dele van Sirië en Irak en het die steun van Saoedi-Arabië, ‘n Amerikaanse bondgenoot.

    ISIS het reeds in dele van die Midde-Ooste en Afrika-lande soos Libië uitgebrei.

    Noord-Afrika is deur Amerikaans-geleide NAVO-lugaanvalle gedestabiliseer wat die opkoms van ISIS vergemaklik het.

    ‘n Woordvoerder van die Ethiopiese regering het die grusame daad veroordeel.

    ISIS is bedrywig op die internet en het ‘n span kuberkrakers wat namens hulle kuberaanvalle doen.

  • Honderde asielsoekers verdrink na boot omslaan

    Daar word gevrees dat 700 mense verdrink het toe ’n visserboot wat immigrante na Europa gesmokkel het, Saterdagnag naby die Libiese kus in die Middellandse See omgeslaan het, het AFP berig.

    Die Verenigde Nasies se agentskap vir vlugtelinge (UNHCR), het gister gesê dit kan die dodelikste Mediterreense immigranteramp ooit wees.

    Net 28 mense het oorleef toe die visserboot omgeslaan het, het die UNHCR se woordvoerder, Carlotta Sami, gister in ’n onderhoud met die Sky TG24-nuusdiens in Italië gesê.

    Volgens haar was daar meer as 700 mense aan boord toe dit omgeslaan het.

    Die vloot van Malta skat die getal mense wat op die visserboot was op 650 en sê ’n noodsein is omstreeks middernag Saterdag ontvang.

    “Ons het saam met Italië vaartuie in die gebied ontplooi om met die reddingsoperasie te help,” het ’n woordvoerder van die Maltese vloot gister aan AFP gesê.

    Sou die getal sterftes bevestig word, kan hierdie by verre die grootste massaverdrinking wees in ’n groeiende reeks soortgelyke voorvalle waarin immigrante uit Afrika op oorlaaide, onseevaardige skepe na lande in die Europese Unie probeer vlug.

    Die visserboot het sowat 96 km van die kus van Libië en 193 km suid van die Italiaanse eiland Lampedusa omgeslaan.
    Hierdie ramp volg ná ’n week waarin nagenoeg 450 ander mense in soortgelyke vlugtelingsrampe in die ­Mediterreense gebied verdrink het. Meer as 11 000 skipbreukelinge is deur lede van die Italiaanse kuswag en ander bote gered.

    Sowat 1 500 immigrante het reeds sedert die begin van die jaar verdrink toe hulle die see tussen Libië en Italië probeer oorsteek het.

    Hulporganisasies het ’n beroep gedoen op die internasionale gemeenskap om beter soek-en-reddingstelsels te vestig en ook vir ’n veldtog om ’n oplossing te vind vir die ongeëwenaarde getal asielsoekers uit Asië, die Midde-Ooste en Afrika.

  • Herrie oor Libiese gesante in Namibië

    Die Republikein berig dat die DTA se president, mnr. McHenry Venaani, sê die Namibiese regering moet ’n beduidende standpunt inneem oor watter faksie in Libië amptelik erken word.

    Libië is sedert die omverwerping en moord van die voormalige diktator, kolonel Muammar Gaddafi, in 2011 in politieke onrus gehul.

    Venaani het verlede Donderdag in die parlement gesê die Namibiese regering het in die verlede die Gaddafi-bewind ondersteun, en dat voormalige president Hifikepunye Pohamba in die openbaar geweier het om die Nasio­nale Oorgangsraad (NTC) te erken.

    Die NTC was vir tien maande ná Gaddafi se dood die werklike Libiese regering voordat die land in faksie­gevegte verstrengel geraak het.

    In Windhoek het die NTC-vlag vir ’n paar dae by die Libiese ambassade gehang voordat dit verwyder is. Volgens die Weense Konvensie moet die gasheerland ’n ooreenkoms met die hoof van die ambassade aangaan rakende die diplomate wat in die land kan dien.

    “Ondersteun ons die Raad van Afgevaardigdes (soms na verwys as die Huis van Verteenwoordigers) in Tobruk wat deur Abdullah al-­Thani gelei word en skynbaar die grootste internasionale ondersteuning en erkenning het, of erken ons die Nuwe Algemene Nasionale Kongres (NGNC) in Tripoli onder leiding van Nouri Abusahmain?” het Venaani gevra. “Ons moet ’n ondubbel­sinnige en bondige buitelandse beleid hê.”

    Venaani wil voorts weet wie, of watter faksie, tans in die Libiese ambassade in Windhoek is en of hierdie diplomate die ambassade wettiglik beset.

  • Onwettige immigrante dood toe boot omslaan

    Minstens tien mense het omgekom en 121 is gered, nadat ’n boot wat onwettige immigrante uit Noord-­Afrika na Sicilië vervoer het, omgeslaan het, het die Italiaanse kuswag Woensdag verklaar.

    Talle mense het die afgelope maande gesterf in ’n toestroming van onwettige immigrante uit konflikgebiede in Noord-Afrika en die Midde-Ooste wat ’n heenkome in Europa gaan soek.

    ’n Patrollieboot van die Italiaanse kuswag het die oorskot na die Siciliaanse hawe, Augusta, geneem. Die meeste bote wat onwettige immigrante vervoer, vertrek uit Libië.

    Libië is gedestabiliseer deur ‘n Amerikaanse inval en word beskou as ‘n falende staat. Die VSA het mbv NAVO die infrastruktuur van die land in puin gelê deur lugbombardemente om die land na die “Steentydperk” terug te neem en ‘n “rebellebeweging” met wapens ondersteun wat tans as ISIS funksioneer.

    Libië was voorheen ‘n stabiele en vooruitstrewende land.

  • Valke ondersoek Libiese bates

    Die Sunday Independent berig Amerikaanse dollars ter waarde van sowat R2 triljoen wat aan Libië behoort, word in sewe swaar bewaarde pakhuise en bunkers in geheime gebiede in Pretoria en Johannesburg gestoor. Dit sluit die etlike miljarde rande wat wettiglik in vier banke in Suid-Afrika aangehou word, uit.

    Soos die onwettige imperiale oorloë deur NAVO, was dié een teen Libië doodgewoon massamoord. Verslae van menseregte-organisasies toon dat die Verenigde State van Amerika, NAVO en hul betaalde “rebelle” daartoe verbind was om die ergste moontlike oorlogsmisdade te pleeg.

    Dié beleid van uitwissing het uiteindelik tot die koelbloedige moord op Moeammar Gaddafi gelei, sonder dat hy verhoor is.

    Onderhoude met slagoffers en getuies in Tripoli, Zawiya, Sibrata, Khoms, Zliten, Misrata en Sirte Tawergha lewer genoegsame bewys wat dat burgerlike teikens doelbewus gebombardeer is deur NAVO, wat talle sterftes en beserings veroorsaak het.

    Dit sluit skole, hospitale, die regeringsgeboue, winkels en huise in. Die rebelle, NAVO-vasalle, het sistematiese marteling, mishandeling en wraakmoorde teen Gaddafi-simpatiseerders uitgevoer, terwyl swartes letterlik afgeslag is.

    Massagrafte van swart immigrante wat deur die NAVO-operasie uitgewis is, is gedokumenteer.

    Die Suid-Afrikaanse koerant berig die Valke is besig om ʼn moontlike oortreding van “valutabeheerregulasies” te ondersoek. Hulle het nie kommentaar gelewer oor die massaslagting van swartes in Libië nie.

    Volgens The Independent is die bates, wat honderde ton goud en 6 miljoen karaat se diamante insluit, met minstens 62 vlugte tussen Tripoli en SA in die land ingebring.

    Die koerant berig verder dat die meeste van dié bates glo uit Libië geneem is toe pres. Jacob Zuma betrokke geraak het by ʼn poging van die Afrika-unie om die voormalige Libiese president, Moeammar Gaddafi, te oortuig om uit te tree ná opstande teen sy bewind in Februarie 2011.

    Op die 10de April 2011 het Zuma aangekondig Gadaffi het ‘n plan om die konflik in die land tot ‘n einde te bring, aanvaar ná samesprekinge in Tripoli. Die NAVO-gesteunde rebelle het egter die plan verwerp.

    Gadaffi is op 20 Oktober vermoor sonder verhoor.

    “Ons is by ‘n punt waar ons nie kan kommentaar lewer op die saak nie,” het die woordvoerder, kapt. Paul Ramaloko, gesê.

     

  • VSA al nader aan lugaanvalle op Sirië

    Die Amerikaanse weermag sê vegvliegtuie van Egipte en die Verenigde Arabiese Emirate het ‘n reeks lugaanvalle op ISIS-groepe in Libië uitgevoer.

    ‘n Woordvoerder van die Pentagon, John Kirby, wou nie nadere besonderhede gee oor hoekom dié twee lande die aanvalle uitgevoer het nie.

    Dié aanvalle kom nadat ‘n video vrygestel is waarin ‘n Amerikaner glo onthoof word. Die opname is intussen deur spesialiste as ‘n foefie afgemaak.

    Nadat die VSA Moemmar Ghaddafi laat vermoor het sonder verhoor om Libië sogenaamd te “bevry”, is die land besig om al dieper in chaos te versink.

    Faksies in verskeie stede wat deur die VSA bewapen is om die naburige Sirië te destabiliseer, asook twee strydende Parlemente veg om die mag te behou.

    Amerika het reeds begin met vlugte oor Sirië, het Amerikaanse amptenare gesê. Washington beoog lugaanvalle teen die Islamitiese Kalifaat, maar daar is geen plan om die anti-terreur-aanvalle met die Siriese regering te koördineer nie.

    Dit laat die vermoede ontstaan dat die VSA ‘n nuwe verskoning gekry het om Sirië aan te val soos hulle voorheen beplan het om te doen na hulle ‘n giftige gasaanval deur Amerikaans-gesteunde rebelle op die regering van Bashar al-Assad probeer blameer het.

    Een Amerikaanse amptenaar, het op voorwaarde van anonimiteit aan AP gesê dat die administrasie betroubare intelligensie op die grond in Sirië insamel voordat enige lugaanvalle gedoen word.

    Intussen is ‘n langtermyn skietstaking in die Gasastrook bereik. Israel en die Palestynse groep Hamas het in Kairo ‘n ooreenkoms bereik tydens samesprekings waarin Egipte as bemiddelaar opgetree het.

    Die Sekretaris-Generaal van die Verenigde Nasies, Ban Ki Moon en die VSA is optimisties dat dit sal hou, maar nogtans ‘n beroep op albei partye gedoen om die ooreenkoms na te kom.

    Meer as tweeduisend Palestyne en sowat 70 Israeli’s is in die 50 dae van geweld dood.

  • Europa teen die muur

    deur Karel Combrinck

    Min sou die lande van Europa weet dat toe hulle die Europese Unie gestig het of daartoe toegetree het, hulle begin het om hulself in ‘n hoek te verf. Vandag bestaan die Unie uit 27 lidlande met verskillende vlakke van ekonomiese ontwikkeling en lewenstandaarde. Die grootste probleem is egter dat die lidlande hulle magte so te sê volledig aan die Europese Unie oorgedra het en hoewel dit in beginsel die lidlande is wat die wette en beleidsrigtings van van die Europese Unie bepaal, is daar soveel deelnemers met uiteenlopende belange dat indiwiduele lidlande se seggenskap byna net nog teoreties is. Die werklike beheer lê by die burokrate in Brussel.

    ‘n Goeie voorbeeld van die situasie waarin lande van die Europese Unie hulle bevind, is die huidige onstuimigheid onder Franse vrugteboere wat hulle produkte by die tonne in paaie en strate stort omdat die Spaanse vrugteboere hulle produkte teen laer pryse in Frankryk verkoop. Daar is absoluut niks wat die Franse regering hieraan kan doen nie. Die vrye beweging van mense, kapitaal en goedere is een van die hoekstene van die Europese Unie en die burokrate in Brussel sal nooit toelaat dat die Franse regering hulle vrugte­ en ander boere subsideer ten einde hulle mededingend te maak nie.

    Die Franse regering sou bv. die boere kon help deur hulle sosiale­ en werkloosheidsbydrae te verminder. Dis die soort foefie waartoe hulle goed in staat is. Maar Brussel is hiervoor uitgeslape genoeg om spesiaal op die uitkyk te wees vir Franse verneukery en sou so ‘n stap gou herken as ‘n bedekte vorm van subsidie en ‘n stokkie daarvoor te steek. Kortom, daar is niks wat die Franse regering kan doen om die situasie te beredder nie.

    En dit is maar net een voorbeeld. Die totaliteit van die Franse ekonomiese­ en nywerheidsaktiwiteit word geraak. Waar die Franse regering voorheen kon intree om bepaalde sektore sporadies met staatshulp uit die pekel te help, kan hulle dit nou nie meer doen nie. Brussel laat dit nie toe nie. Die gevolg is dat ‘n reeks nywerhede, staalfabrieke, skeepswerwe, motorfabrieke ens. sluit, aan buitelandse belange uitverkoop, of net die land verlaat. Onlangs is die groot Franse maatskappy Alsthom, aan General Electric verkoop. Dis ‘n enorme onderneming wat te make het met nywerhede van strategiese belang soos die vervoersektor, treine, kragsentrales ens. Dit lei natuurlik tot groter arbeidloosheid en ‘n krimpende belastinginkomste. Belastings kan hulle nie verhoog nie, want dit sou die klein en middelslagnywerhede doodsmoor wat reeds in die moeilikheid is en die grootste werkgewers in Frankryk is. Boonop sit hulle met die «probleem» dat omtrent enige iets wat hulle doen of sê die Front National se saak bevorder. (Darem iets positiefs!)

    Nog ‘n goeie voorbeeld is die maatskappy SNCM wat die skeepsverkeer tussen die Franse vasteland en Korsika behartig. Die maatskapy gaan die afgelope maande reeds gebuk onder vernietigende (kommunisties ­geïnspireerde) stakings. Langs die pad het die Franse staat die maatskappy finansieel bygestaan om hulle deur die krisis te help. Noudat die maatskappy halfbankrot is weens die stakings «eis» Brussel dat SNCM die subsisies ten bedrae van miljoene euro’s aan die staat terugbetaal. Onnodig om te sê, is dit so te sê die genadeskoot vir die maatskappy.

    Watter betrekking het dit nou op die situasie in Suid­-Afrika? Suid­-Afrika is, soos Europa, ook multinasionaal van aard. Al die entiteite waaruit Suid­-Afrika bestaan, is deur die Engelse imperialisme binne kunsmatige grense saamgedwing, die twee Boererepublieke, Zoeloeland, die Transkei, ens. Hierdie uiters uiteenlopende groepe hoort nie bymekaar nie, is kultureel onversoenbaar en moes nooit saamgevoeg gewees het nie. Hulle sou wel vreedsaam langs mekaar kon woon. Dis waarvoor dr Verwoerd gewerk het. Maar die halfkommunistiese, halfchristelike, halfdemokratiese «internasionale gemeenskap», gelei deur hulle volledig perverse media wou dit nie.

    In Europa is daar nou, soos u natuurlik reeds weet, ‘n sterk verset besig om pos te vat teen die Europese gedrog onder beheer van ‘n gesiglose burokrasie in Brussel. Hiervan is die Front National in Frankryk miskien die bekendste. Hulle is sat van ‘n Europese Unie wat hulle bevolkings verarm, hul ekonomieë smoor, hulle bevolkingsamestelling met ongebreidelde immigrasie versteur en hulle taal en kultuur verdring. Daarby is die Europese Unie, ten spyte van sy bevolking van 500 miljoen of wat ook al, ‘n volkome tandelose bulhond wat op die wêreldtoneel ongeveer geen gewig dra nie. Waar hulle nog iets verrig, is dit met toestemming of in opdrag van die Amerikaners en dan is dit meesal ‘n totale mislukking soos bv. in Libië. Ons wag nou net dat hulle in die Oekraïne, in navolging van die Amerikaners, ook ‘n gemors moet maak.

    Die skrif is aan die muur vir vormlose en siellose konglomerate en die dag moet en sal kom dat die Suid-­Afrikaanse gedrog ook uitmekaar val.

  • NAVO-lande onttrek personeel uit Libië

    In Libië is meer as 97 mense dood en 400 beseer in wekelange gevegte, maar die dodetal mag aansienlik hoër wees.

    Die konflik wat twee weke gelede dramaties toegeneem het, gaan tans om beheer oor die Tripoli internasionale lughawe waar strydende faksies poog om dit oor te neem.

    Die land se ministerie van gesondheid sê die jongste syfers van die groeiende dodetal is gegrond op verslae van agt openbare hospitale in die hoofstad. Dit sluit nie mediese sentrums buite die stad in nie.

    Amerika, Frankryk, Duitsland, Brittanje en Nederland het vroeër hul diplomatieke personeel gevra om die land so spoedig as moontlik te verlaat uit vrees vir hul veiligheid.

    Dié lande het vroeër aan die NAVO-geleide aanval op Libië deelgeneem, om wat president Obama genoem het “universele waardes” te vestig.

    Libië beskik nie meer oor ‘n weermag nie en die land het na drie jaar sedert NAVO se “humanitêre” ingryping in chaos verval met verskeie militante groepe wat meeding om beheer in die land oor te neem.

    Al Kaida, een van die groepe, is deur die VSA befonds.

    Intussen berig Algeriese bronne dat die gebied steeds wemel van jihadiste wat benewens wapens ook ‘n BUK-missielstelsel gebuit het.

    Die gebuite Libiese toerusting is glo na Mali geneem waar Air Algerie 5017 verlede week neergestort het. Die Amerikaanse Federal Aviation Administration verwys na die gebied as ‘n “hoë-risiko vlugsone”.

    Met die ongeluk naby Gao, Mali van Air Algerie is 110 passasiers en bemanning dood, net enkele dae nadat die Oekraïne ‘n Maleisiese vliegtuig, vlug MH17 met meestal Nederlandse passasiers aan boord glo met dieselfde soort missiel afgeskiet het.

    Die Air Algerie-vlug was op pad van Ougadougou, Burkina Faso, na Algiers, en die moontlikheid dat BUK-missiele uit Libië is gebruik is om die vliegtuig neer te skiet, kan nie uitgesluit word nie.

    In 2013 is so ‘n BUK aangewend in ‘n terreuraanval op die Ain Amena-aardgasaanleg in die Algerynse Sahara. Die jihadiste het 40 Westerlinge en ander gyselaars vermoor.

    Een-en-vyftig van die 110 passasiers aan boord Air Algerie 5017 was Franse burgers.

    Dertien minute nadat die vlug om 09:17 opgestyg het van Ouagadougou-lughawe, het die Air Algerie vlieënier toestemming van lugverkeerbeheer in Niger versoek om ‘n “vliegtuig” in die gebied te vermy. Die ander “vliegtuig” kon ‘n grond-missiel gewees het.

    Die Verenigde State van Amerika bedryf ‘n program met die kodenaam CREEKsand vanaf die militêre kant van Ouagadougou-lughawe sê Franse ontleders. Hulle stuur onbemande tuie vandaar oor die gebied.

    Obama en Hillary Clinton se steun vir Libiese jihadistiese groepe in die omverwerping van Moeammar Gadaffi het gelei tot die verspreiding van wapens dwarsdeur die Sahara-streek.

    Dié twee en ander lede van die Obama-administrasie dra die volle verantwoordelikheid vir die verspreiding van sulke wapentuig aan radikale groepe, aangesien hulle herhaaldelike waarskuwings daaroor geïgnoreer het.

    Dit sluit ‘n paar 480 SA-24 “Grinch” draagbare stelsels, sowel as die BUK-missielstelsel in. Op 22 September 2011, het ‘n senior intelligensie-amptenaar aan The Daily Telegraph gesê: “As die SA-24 missiele in die verkeerde hande kom, sal geen burgerlike vliegtuie in die streek meer veilig teen ‘n aanval wees nie.”