Ek het gister afgekom op ‘n brief wat ek op 28 Februarie 1996 aan Rapport geskryf het vir publikasie op die brieweblad. Dit het nie verskyn nie.
Hier volg die brief verbatim wat ek nou vir oorweging stuur aan Praag se brieweblad. Ek was ‘n joernalis by verskeie publikasies voordat ek as aktrise vir Kruik en ander instansies begin werk het.
Elma Potgieter
Geagte meneer,
Deur Afrikaansmediumskole en Afrikaanse tersiëre inrigtings se taal van onderrig (onderwyskultuur) te wil verander en deur Afrikaans drasties af te skaal op die groot openbare kommunikasiemedium, televisie, word daar nie net ongrondwetlik (volgens die oorgangsgrondwet ) opgetree nie, (‘n taal se status sal nie aangetas of afgeskaal word nie, eerder uitgebou word) maar daar word geflankeer met ‘n veel ernstiger misdaad: Volksmoord.
In die Suid-Afrikaanse Regskommissie se werkstuk oor Groeps- en Menseregte, Werkstuk 25, verskyn daar op p 334 die volgende oor Volksmoord:
11.28 ‘Sedert die stigting van die VVO is vier belangrike konvensies aangegaan wat minderhede beskerm, te wete:
i) Die Volksmoord-konvensie van 9 Desember 1948 (Die Konvensie met betrekking tot die Voorkoming en Bestrawwing van die Misdaad van Volksmoord)
11.29 Die Konvensie bepaal dat aantasting van ‘n nasionale, etniese, rasse- of religieuse groep met die doel om dit ten dele of in die geheel te vernietig strafbaar is. Onder vollksmoord word nie alleen gereken die doodmaak van lede van die groep nie, maar ook die berokkening van ernstige liggaamlike of sielkundige leed aan lede van die groep…….’
Kan die afdwing van ‘n ander taal van onderrig of die gedwonge integrasie van rassegroepe nie gereken word as ten minste “ernstige sielkundige leed” wat die lede van ‘n bepaalde bevolkingsgroep aangedoen word nie?
Terloops, ek wonder nog die hele tyd wie organiseer die sogenaamde ‘studente-opstootjies’ by Afrikaanse onderwysinstellings. Nee, dit gebeur nie spontaan nie. Terugskouend het geen rewolusionêre beweging in die geskiedenis van die mensdom nog ooit spontaan ontstaan nie.
En wat is dié betogings, optogte, sitproteste, vullisstrooiing en opstootjies met gereelde tussenposes anders as ‘n gestadige rewolusie of omvergooiing van werkende strukture?
4 responses to “Brief: Afdwing van Engels flankeer met volksmoord”
Karel Combrinck
In werklikheid het die volksmoord in 1994 begin. Rapport en die res van die sinistêre Naspers nes sal nie ‘n brief soos hierdie plaas nie, want hulle weet hulle was aandadig aan die volksmoord indien nie volledig verantwoordelik nie..
Ek het na u onderhoud gekyk op KykNet. Ek het spesiaal die kykweer gekyk op 7 Augustus 2017 net vir die volgende woorde:
Ek wou dit eers op WikiQuote gaan plaas, nou plaas ek dit eerder hier op PRAAG.
_____________
HANNES: As jy kyk na vandag… het die industrie vir jou baie verander?
ELMA: Die Afrikaans het baie agteruitgegaan en dit maak my vreeslik hartseer. Die direkte vertalings; jy weet, uit Engels na Afrikaans. En byvoorbeeld: die gruwel deesdae: “Dink jy daaraan?” “Ja, ek doen”. Ek… ek wil mense verwurg as dit gebeur! Ek is… ek hou van goeie Afrikaans! Lekker Afrikaans.
HANNES: Jy praat van. Ek probeer nog hard en nou en dan glip daar ‘n dingetjie in. Probeer jy goeie Afrikaans praat?
ELMA: Ja, want as jy nie jou taal oefen nie, dan… dan verklein jy, jy verskraal jou woordeskat. En as jy ‘n verskraalde woordeskat het MAAK DIT VAN JOU ‘N PRIMITIEWE MENS. Want jy kan nie meer jou emosies uitdruk nie.
_____________
Nog een laaste ding. In die jare toe die SAUK oorklanking gedoen het, ek praat nou van in die laat-1990’s, was daar die Italiaanse firma Mondo-TV wat vreeslik baie oorklanking gedoen het van Japannese tekenprente. Ek vermoed die SAUK het baie films by hulle geleen of oorgekoop om mee oor te klank.
Maar ek het geluister, en diep gesoek op YouTube, maar nie eens die Duitse weergawe kon so ‘n goeie stem vir Koningin Kristal (in Sneeuwitjie) gekry het soos Elma Potgieter nie. Daardie heerlike kekkellag. Ek was nog 7/8 jaar oud toe daardie reeks vertoon het. Ek spreek in hierdie kommentaar my grootste waardering uit. Dit het die internasionale gehalte oortref!
Elma jou brief is vandag net so relevant, indien nie meer nie, as 22 jaar gelede. Daar was verskeie deklerasies van die VN wat minderheidsregte aangespreek het. Die Algemene Vergadering van die verenigde Nasies het onder andere in terme van die regte van minderheidsgroepe op 18 Desember 1992 bepaal dat etniese
groepe se etniese, godsdienstige en taalregte beskerm moet word. Die primêre funksie vir die beskerming is
geleë in die betrokke staatsowerheid soos vervat in Artikel 1 van die resolusie “ States shall protect the existence and the national or ethnic, cultural, religious and linguistic identity of minorities within their respective territories and shall encourage conditions for the promotion of that identity”. Van die beskerming is min te sien van die ANC regering. Oor volksmoord kan baie uitgebrei word maar kulturele en taalvervreemding van ‘n spesifieke etniese groep is inderdaad volksmoord. Die onderwerp is wel tydens ‘n Algemene Vergadering van die VN bespreek maar nie as ‘n resolusie aangeneem nie.
Dankie Elma, en PRAAG vir die plasing. Jy was deel van my grootword ook, – in die “lekker ou Afrikaanse dae”. Die Afrikaner apatie rondom die eskalasie van die Totale (Volksmoord) Aanslag verstom my. Kissinger en die Pouse het al “gemaan” dat blankes uit Afrika moet padgee, dus is daar doelbewusde agendas agter die marionette regering en liberale (Afrikaner) lakeie in die Nuwe SA. Tog sit die Konsewatiewe en Regse Afrikaner, – as die morele (sogenaamd Verkrampde) Volksgewete, – met kennis, Skrifinsigte, waarheid, getuienisse, hope bekentenisse en beklemtoon ‘n verhouding met die Lewende God, maar kom nie tot ‘n “gesagsblok” met inspraak vir volhoubare selfbestuur en selfbeskikking nie. Waarom is dit so? Wat sal dit kan verander? Wat bind en verbrokkel ons? Volksgroepies, instansies en organisasies? Filosofiese groepe met of sonder geheime? Godsdiensgroeperings? Is dit vir ons totaal onmoontlik om as Afrikanervolk te verenig, strategie te bepaal, te beplan, effektief uit te voer en te kontroleer, terwyl ons bestaansreg effektief verdedig en internasionale alliansies beding? Ons gaan onder! Blank (en Afrikaans) is geteiken!
Leave a Reply
You must be logged in to post a comment.