praag.co.za

‘Transformasie’, ‘dekolonisering’ lui doodsklok vir universiteite

Written by

praag

in

,

Swart studentegetalle wat jaarliks toeneem veroorsaak groter getalle swart druipelinge aan die einde van die jaar. Dit toon ook hoe druk om toelating vir swartes te vergemaklik in die naam van “transformasie” die Naspers-trefferliedjie, nou sy giftige vrugte baar.

Swart studente eis dat die stelsel, wat op Westerse norme en standaarde gegrond is, “gedekoloniseer” en getransformeer moet word. Maar nie die ANC, hul handlangers of die betogers het die vaagste benul van wat dit verg om ‘n tersiêre instelling te bedryf nie.

In wese beteken dit dat swart wanpretasie befonds moet word. Dit is heeltemal in pas met die ideologiese onsin wat die ANC, DA, EFF en hoofstroommedia soos Media24 daagliks aan ons opdis: Swart en wit uitkomste moet gelyk wees!

Wit studente is woedend omdat klasse ontwrig word en toetsvraestelle opgeskeur word deur dansende barbare wat uit hierdie ideologiese bron hul eise en dreigemente put.

Wittes betaal astronomiese bedrae vir toegang tot tersiêre onderwys, maar word gyselaar gehou deur ideologiese narre, ook in die media.

Hulle moet toekyk hoe hul dosente, nou verbete kultuur-Marxiste wat hul poste wil behou, hul “vereenselwig” met die belaglike protesoptredes terwyl hulle selfs daaraan deelneem en dit goedpraat.

Dit skep weersin en minagting by wit studente wat moet toekyk hoe geweld, intimidasie, brandstigting en vandalisme reeds R500 miljoen se skade aan kampusse aangerig het vir “gelyke geleenthede” en “gratis onderwys”, terwyl hulle en hul ouers met swaarverdiende geldjies probeer om ‘n beter toekoms te skep.

Daar is natuurlik ‘n duidelike verband tussen die toename in swart studente en uitsak- en druipsyfers, maar een wat doodgeswyg word in die naam van juis “gelyke uitkomste”.

Statistieke Suid-Afrika het die swak voltooiingskoerse van baccalaureusgrade deur swart en bruin studente sedert die 1990’s reeds gedokumenteer. Maar volgens die oproermakers moet meer geld bewillig kon word vir hul wanprestasie, die gevolg van “kolonialisme” en “witheid”.

Suid-Afrikaanse studente presteer nog swakker as dié uit die res van Afrika en aan Suid-Afrikaanse universiteite studeer, maar dit het IK-verspreiding, nog ‘n taboe-onderwerp, reeds voorspel.

Minder as ‘n derde van alle studente behaal hul eerste B-graad binne die minimum tydperk. Die syfers is voorts besonder laag in ingenieurswese, natuurwetenskappe en tegnologie waarin groot vaardigheidstekorte heers omdat swartes nie wiskunde kan baasraak nie.

Meer as 240 000 swart studente skuld R6 miljard aan die NSFAS en die skuld aan universiteite se eie leningskemas beloop meer as R5 miljard.

In die verlede is studente se uitslae en grade teruggehou as hulle nie die skuld terugbetaal het nie, maar oproerige swart studente wat die instellings afdreig met geweld, het daarvoor gesorg dat dié maatreël ook afgeskaf is.

Swart studente het dus niks het om te verloor as universiteite ten gronde gaan nie. Hulle sou in elk geval druip. Intussen doen die media, die politieke partye en selfs die dosente lustig mee aan hul ondergang.

Comments

11 responses to “‘Transformasie’, ‘dekolonisering’ lui doodsklok vir universiteite”

  1. Fork Avatar
    Fork

    Hierdie is net die BEGIN van ‘n stelsel wat nog verder gaan faal.
    Die idee van gratis onderwys, van laerskool tot universiteit klink wonderlik. Daar is ook mense wat gratis onderwys vergelyk met verskeie lande in Europa.
    Hier is ‘n paar punte:
    Populasie van Europa teenoor Suid Afrika
    Die neiging van die Suid Afrikaners, en ons weet watter groep, wat protesteer die oomblik sodra dinge nie hulle manier verloop nie.
    Volgens my gaan gratis universiteite die volgende probleme meebring:
    1.Skoliere wat uiters swak doen op skool en verskeie grade herhaal, gaan daarop aandring dat hulle toelating kry tot universiteit.
    2. Die universiteite gaan dan nuwe studente toelatings eksamens skryf. Baie van die mense gaan dit nie maak nie. Resultaat – weereens onrus.
    3. Sodra die toelatings eksamens verwyder is, gaan die mense betoog oor die standaard van die werk en eksamens. Indien dit nie verlaag word nie – onrus.
    4. Elke ou gaan universiteit toe wil gaan. Maak nie saak hoe swak die punte is nie. Dan wanneer hulle nie slag nie gaan daar weereens onrus wees.
    5. Die mense gaan jare neem om eenvoudige kwalifikasies oor te kom.
    6. Mense gaan universiteit toe gaan en jare daar spandeer want hulle is net eenvoudig te lui om te werk.
    7. Die ander probleem gaan die uitlanders wees. Baie mense in die res van Afrika en ander lande gaan eenvoudig na Suid Afrika toe kom en aandring dat hulle ook gratis onderwys moet kry. Dan gaan die koshuise vol student wees wat ook jare neem om hulle kwalifikasie te bereik.
    8. Koshuise: Wat en wie gaan vir dit betaal? Krag en kos.
    9. Boeke en ander studie material: Wie gaan vir dit betaal?
    10. As Suid Afrika skielik sit met 10 miljoen dokters, waar gaan hulle werk kry? Niemand in die buiteland gaan hulle in diens wil neem nie.
    Op watter vlak gaan die universiteite wees wanneer ‘n kind wat nou 10 jaar oud is, wil gaan studeer?
    Gaan daar enige oor wees?
    Ek stel voor dat indien jy ‘n wit Suid Afrikaner is en jy kan die land verlaat, doen dit.

  2. Rooikop Avatar
    Rooikop

    “Minder as ‘n derde van alle studente behaal hul eerste B-graad binne die minimum tydperk. Die syfers is voorts besonder laag in ingenieurswese, natuurwetenskappe en tegnologie waarin groot vaardigheidstekorte heers omdat swartes nie wiskunde kan baasraak nie.” – Hierdie is niks nuut nie, soortgelyke syfers onder blankes. In my studiejare was ons 50 in die eerste jaar. Na ses maande was ons 25. Net 8 het die grad in 4 jaar afgejaag.

  3. besoeker Avatar
    besoeker

    Die grootste probleem, ek weet, ek is daar, is die onbenullige grade wat aangebied word. ‘n Universiteit moet by uitstek ‘n wetenskaplike inrigting wees. Dit beteken dat die kursusse wat aangebied word moet slegs fokus op die
    teoretiese aspekte van die vakgebied. Die eerste doel is om akademici op te lei. Die tweede is om gegradueerde met deeglike kennis van hulle vakgebied te ontplooi in industrie waar hulle kennis en innovasie kan toepas.

    Om die vakke te sien wat deesdae aangebied word is om van te lag. Die grootste gedeelte van universiteits studente swot die mees ongelooflikste kursusse in terme van wat ‘n universiteit veronderstel is om te wees. Hierdie kursusse kan in ‘n week of drie aangebied word.

    Die praktiese komponent word al hoe groter om die onvermoë van die studente aan te vul. Dit was tipies
    die Technikon van die verlede se taak; gee teorie baie gespesialiseerd en dan direkte praktiese ervaring. En daarom kon hulle mense aanstel wat nie M en D grade gehad het nie maar praktiese ervaring. En van die beste tegnici in die wêreld is opgelei.

    Nog ‘n probleem is die tipiese rigtings van die ou kolleges wat nou op universiteit aangebied word; onderwysers, verpleegsters, kuns en tegnologie. Dit het die getalle buitensporig laat groei en so ook die ‘demands’.

    Die universiteit se essensie is verweer, oor die hele wêreld, deur populistiese denke. Dit het ‘n propaganda masjien geword waar sosiale temas alles oorheers. Die lok vlieë soos na ….

    Die kwaliteit van die M en PhD gade wat uitgewors word is om van te braak. Onbenullige gemors.

    My gevoel is om so vinnig as moontlik te verafrikaniseer want dan sal, soos wat die geval is nou met Unisa, geen westerse land sal ag op ons grade gee nie.

    Dan, die eerste wat ons gaan wen is ons kinders. Hulle sal nie aan die liberale gemors blootgestel word nie, aan die totale indoktrinasie wat daar plaasvind nie.

    Tweede sal ons kinders besef dat hulle moet werk vir geld en dan sal die opsies moet beweeg na wat die sagte handjies van ons jeug nooit sou oorweeg nie- elektrisiëns, loodgieter, werktuigkundiges, houtwerkers, en ander besighede, meganici. Wie van hulle wil met riool werk? Wie wil met ghries onder die sagte naeltjies sit? Nee, sagte stoele agter ‘n rekenaar is al wat tel.

    Die wat regtig, regtig wil dokter word, CA of statistikus, aktuaris, ingenieur sal hulle weg vind. Maar om te betaal vir ‘n BA publieke adminstrasie is verby dom. Of REGTE! In hierdie land met hierdie regstelsel! Nee, asb keer jou kind as hy dit wil aanpak. BCom bemarking en dies meer sal deur Akademia aan ons kinders geleenthede gee.

    My familie se kinders word nou al voorgesê; kom uit die stelsel, bekwaam jouself vir iets waar jy altyd in beheer is, waar jy werk, hoe jy werk en wanneer jy wil werk. Ons is jammer dat jy nie die lekker studente lewe kan kry nie maar die geld wat vermors word op grade wat nie die papier werd is waarop dit gedruk is nie, is nie die moete werd nie en kan eerder gebruik word om jou op jou voete te kry sodat jy vir jouself kan werk.

    Daar is geen hoop vir ordentelike akademici of kwaliteit grade meer nie. Die paar van ons wat stoei om standaarde te hou van wat die vakgebied vereis, verloor stadigaan ook maar die geveg.

    1. G Avatar
      G

      Die enigste manier om daardie geveg te wen is as almal wat teen swart oorheersing is, opstaan en dit sê, swartes ingesluit. Daar is lyk my geen manier hoe dit gaan gebeur nie.

      1. besoeker Avatar
        besoeker

        Dit is meer gekompliseerd as net swart oorheersing. Dit gaan oor die denke van beleidmakers – die hele wereld deur. Dit gaan oor die universiteitsmodel wat ‘n besigheidmodel geword het, wat ‘customers’ soek, dit gaan oor die propaganda wat moet versprei word. In my dae het ons ‘n vak gehad op derde jaar wat genoem is wetenskapleer- wat byv wiskunde en kuns ondersoek het. Vandag noem hulle dit lewensorientering wat ‘n verpligte vak op skool EN universiteit is. Doen jouself die guns en kyk na die, daardie mooi afrikaanse woord, wat daar aan die kinders en studente geleer word. Dit is ‘n gruwel.

        Universiteite is propaganda masjiene. En nie net in ons land nie.

        Soos Rooikop gese het, die suiwer wetenskap vakke het min studente en hulle blootstelling is min aan hierdie globale indoktrinering maar die grootste getal studente sit in vakgebiede wat perfekte werktuie is vir die gemors. En hulle eindig op in plekke waar daar aan hulle stem gehoor gegee word. Voorbeeld Anton van Niekerk op Stalinbos en sy etiek departement- liberale gemors.

        1. Dion Benny Avatar
          Dion Benny

          Wen die land se jeug oor deur hul brein te bespoel. ‘n Vriendin wat by UCT studeer leer van al die geslagte wat jy kry (nie net manlik en vroulik nie). Maar soos jy sê dit word nou wêreldwyd bevorder. Net die Sjinese neem akademie ernstig op.

    2. Flip Kriel Avatar
      Flip Kriel

      As al die departemente wat daardie nuttelose vakke aanbied permanent gesluit word en die beskikbare fondse aangewend word om fakulteite soos geneeskunde, ingenieurswese, natuurwetenskappe en landbou uit te bou, sal al die barbare wat nou die verwoesting aanrig ook eensklaps verdwyn.

    3. Dion Benny Avatar
      Dion Benny

      Ek stem. Universiteite gaan nou meer ook oor ideologie as akademie.

  4. Mattewis Kat Avatar
    Mattewis Kat

    Daardie is ook nie gedekoliniseerde onderrig nie. Die banke, swartbord, en kleding in die foto is kolonialisties van aard.

    As hierdie barbare wil dekoloniseer, moet hulle eenvoudig wegbly van alle vorms van formele onderrig. Daarmee saam moet hulle met hul kaal voete loop waar hulle wil wees, en hulle wonings weer van modder en strooi maak. Dit is hoe jy per definisie jouself weg van die bose westerse strukture “transformeer”. Jy kan nie in westerse gewaad by ‘n betonstruktuur instap en begin sanik en teem oor transformasie van die instellings onder daardie dak nie.

    Omrede dit te abstrak is vir sy “dekoloniale” brein, verstaan die inboorling egter nie huigelary nie. Die ontplooiing van mag, dit verstaan hy mooi.

  5. Morne Nolan Avatar
    Morne Nolan

    Ons kan kerm en kla. Dit gaan niks help nie. Tyd dat ons die konsep van n’ wit volkstaat begin ernstig bevorder onder die volk. Selfs die gematigdes en voorheen ignorenende groepies begin nou sien die reenboognasie is n’ liberale pot k@k. Praag het die insig en kennis om die volkstaat se fondamente te ontwerp en te le.

    1. Dion Benny Avatar
      Dion Benny

      Dis waar. Maar as mens nou sê maar julle sal jul eie land het met jul eie reëls is dit ook ‘n problem.

      In die geval van ‘n nuwe land gaan dit nou moeilik wees. Onthou China en Rusland het nou groot belange in die Noord-Kaap vir hul kernkrag korporasies (asook ‘fracking’). China wil ook ‘n grenslose Afrika hê (Die hele panafrikanisme deuntjie wat die 3 politieke partye sing.) Die rede volgens hulle is in verband met die verskillende wette en regulasies in lande. China vind dit makliker om die hulpbronne te kry as hulle nie hoef te ‘sukkel’ met verskillende wette sisteme nie.

      Punt is dit sal moeilik wees om ‘n nuwe land/staat te vorm maar dit sal werd dit wees. Ek het nog altyd geglo dis n beter opsie omdat daar sulke groot verskille is tussen minderhede en die meerderheid. Asook, die reënboog nasie is ‘n droom. Almal in Alice in Wonderland terwyl die land bankrot gesteel word – geld en hulpbronne.

Leave a Reply

More posts