praag.co.za

EU sluit ekonomiese vennootskapsooreenkoms met SAOG

Written by

praag

in

,

Na jare se onderhandelinge het die Europese Unie (EU) en ses lande van die Suider-Afrikaanse Ontwikkelingsgemeenskap (SAOG) ‘n ekonomiese vennootskapsooreenkoms (EPA) op Kasane in Botswana onderteken.

Hierdie is die eerste ooreenkoms van sy soort tussen die EU en ‘n streek in Afrika wat die doelwit van ekonomiese integrasie nastreef.

Me. Cecilia Malmström, die EU se kommissaris vir handel, het dit namens die EU se ekonomiese magsblok met SAOG onderteken.

Zimbabwe is nie ingesluit in die transaksie met mede-SAOG-lande nie.

Bekend as die Ekonomiese Vennootskapsooreenkoms (EPA), het die ministers handel van Botswana, Lesotho, Mosambiek, Namibië, Swaziland en Suid-Afrika die ooreenkoms geteken.

Die EPA het gee Afrika-lande toegang tot die interne mark van 500 miljoen verbruikers van die EU.

“Onder die EPA, sal dit ook makliker word vir maatskappye en verbruikers om Europese produkte wat hier nodig is te bekom,” sê Malmström.

Die EPA sal glo rekening hou met die verskillende vlakke van ontwikkeling van elke vennoot.

Dit waarborg Botswana, Lesotho, Mosambiek, Namibië en Swaziland belasting- en kwotavrye toegang tot die Europese mark.

Suid-Afrika, wat reeds ‘n staande afsonderlike ooreenkoms met die EU het, sal ook baat vind by verbeterde marktoegang, wat verder as die bestaande bilaterale ooreenkoms sal strek.

In 2015, het die EU goedere ter waarde van bykans €32 miljard van die streek ingevoer, veral minerale en metale.

Die EU het goedere van byna dieselfde waarde, meestal ingenieurswese, motor- en chemiese produkte uitgevoer na die streek.

Comments

4 responses to “EU sluit ekonomiese vennootskapsooreenkoms met SAOG”

  1. Mattewis Kat Avatar
    Mattewis Kat

    Ek wonder wie verkeer onder die illusie dat die lui ANC elektoraat iets koste-doeltreffend gaan produseer om aan daardie 500 miljoen verbruikers te bied! Daar was immers baie fabrieke in Suid-Afrika gewees onder Apartheid, selfs te midde van ekonomiese sanksies teen die land. Tydens laasgenoemde het in die hartland van die ANC teelgrond: Parker penne vervaardig, Waverly komberse, Telefunken televisies, Willard batterye, Western Flyer fietse, en hoeveel ander nog. Nou is slegs Mercedes Benz en Nestlé, wat ten spyte van die lae gehalte van die arbeid en hulle onwilligheid om te werk, nog ‘n makabere bestaan op ‘n manier voortsit. Daar is geen manier waarop enige van hierdie twee (of enige ander) maatskappye onder die wanbewind van die ANC ‘n nuwe vervaardiging aanleg hier sal tot stand bring nie!

  2. Mattewis Kat Avatar
    Mattewis Kat

    Dit is inderdaad die vraag! Makliker dalk om te sien is wie NIE wen nie, die plaaslike verbruiker natuurlik die mees voor-die-hand-liggende verloorder. Die volgende vlak borg vir die ekonomies-oneffektiewe rasse/geslags- diskriminasie (sg. “extensive equity”) is die belastingbetaler. Die buitensporige belastings- en verbod op bykans nuwe tweedehandse voertuig invoere verseker hierdie toedrag van sake. In die kort termyn sal ‘n kleinerige stad soos Oos-Londen ‘n geweldige ekonomiese terugslag ervaar sou MBSA hulle deur daar sluit, maar myns insiens sal die breër ekonomie eerder ‘n hupstoot kry as al die plaaslike motorfabrieke hul deure sluit en die invoer-regulering/belastings op voertuie wegval. Natuurlik geld dieselfde ook vir die “extensive equity” diskriminasie.

    1. Riempies Avatar
      Riempies

      Wie gaan n nuwe motor koop wat hier aanmekaar geflans word
      deur die bekwames van die ANC? Beslis nie ek nie – ek sal maar invoerbelasting
      betaal.

      1. Mattewis Kat Avatar
        Mattewis Kat

        Haha, jy weet dan! Ek kyk eers ook self of die “plaaslik verteenwoordigde” model wat ek van voorneme is om te koop deel van die reeks uitmaak wat hier aanmekaargeflans word. Ek het destyds juis tydens ‘n motoraanleg fabriekstoer gesien hoe een van die ANC-elektoraat ‘n enjin rubberpyp tydens vervaardiging laat vasknyp tussen ‘n relatief skerp metaal bakwerk paneel en die onderstel van ‘n voertuig; natuurlik omrede sy gesprek met sy mede-ANC vrind langs hom meer belangrik was as sy werk.

        Die belasting word in elk geval deur almal betaal ongeag waar die voertuig vervaardig word. Daar is maar enkele model reekse van die plaaslik verteenwoordigde vervaardigers wat hier gemaak word. Gewoonlik net intree-vlak modelle. Die ANC-arbeid is beslis nie goedkoper nie, maar die gehalte van hul werk net laer en minder konsekwent.

Leave a Reply

More posts