praag.co.za

Spertyd vir SAL-ooreenkoms verstryk vandag

Written by

praag

in

,

Die Suid-Afrikaanse Lugdiens se spertyd vir ‘n ooreenkoms met Airbus om vyf vliegtuie te huur, verstryk vandag, het RSG berig.

Meer as 600 miljoen rand sal teen vandag betaal moet word tensy die Tesourie en SAL ‘n ooreenkoms kan bereik oor die kontrak.

Vroeër is berig dat die Europese vliegtuigvervaardiger bereid is om voort te gaan met ‘n ooreenkoms wat deur die regering goedgekeur is om vyf A330-vliegtuie aan die Suid-Afrikaanse Lugdiens te verhuur.

Die afgedankte minister van Finansies, Nhlanhla Nene het ‘n ruiltransaksie beding waarvolgens die SAL nie die vliegtuie hoef te koop nie.

Die voorsitter van die SAL-raad, Dudu Myeni het egter probeer om die ooreenkoms te heronderhandel ten spyte van teenkanting van die Tesourie.

Die Lugdiens moet teen vandag ‘n regsbindende ooreenkomsbrief aan die maatskappy stuur om die huurooreenkoms te verseker.

Alle oë is op die heraangestelde minister van Finansies, Pravin Gordhan om te sien of hy Nene se standpunt gaan handhaaf.

Nene het Myeni op 3 Desember beveel om voort te gaan met die ooreenkoms, maar hy is ses dae later afgedank.

Volgens ‘n SAL-memorandum kan die redery nie dié duur uitgawe bekostig nie.

Deur die vyf A330-200-langafstandvliegtuie te huur sal die redery miljarde rande bespaar.

Comments

One response to “Spertyd vir SAL-ooreenkoms verstryk vandag”

  1. Chroom Avatar
    Chroom

    Huur het nog nooit gewerk nie, dit werk oor die lang termyn baie duurder uit. In elk geval is die SAL en SA bankrot, so los maar eers daardie vliegtuie dit is nie bekostigbaar nie, so terloops wat het van al die Boeing vliegtuie geword wat hulle geerf het. Daar was Boeing 747-400, 747-SP, 757’s en 767’s. Hulle was baie goed na gekyk en was nog glad nie geskik vir onttrekking nie. Ag, hoe stupid van my, hulle was in die voor 1004 reeds aangekoop of bestel. Jan van Riebeeck kry seker weer die skuld. Safair gebruik steeds Boeing 737-200, 300 en 400 wat van die eerste vliegtuie was wat SAL aangekoop het.

Leave a Reply

More posts