praag.co.za

Kebble se pa dood aangetref met kop-skietwond

Written by

praag

in

,

Roger Kebble, die vader van die vermoorde mynmagnaat Brett Kebble, is dood aangetref in Kaapstad met ‘n koeëlwond in die kop, het ANA berig.

Die Wes-Kaapse polisie het bevestig dat die liggaam van ‘n man in sy motor in Bishopscourt gevind is.

“Hierdie kantoor kan bevestig dat vanmiddag op 25 Augustus 2015, ‘n liggaam van ‘n 76-jarige man gevind is deur die polisie in ‘n voertuig met ‘n skietwond aan sy kop op die hoeke van Montery- en Bo-Bebbintoweg in Bishopscourt,” het polisiewoordvoerder Noloyisa Rwexana gesê.

Die polisie wou eers nie bevestig dat dit Kebble is nie. ‘n Geregtelike doodsondersoek sal volg, maar niemand is nog in hegtenis geneem op hierdie stadium nie.

Brett Kebble, sy seun, is doodgeskiet in Johannesburg in September 2005. Die hof het daarna beslis dat dit ‘n “geassisteerde selfmoord deur drie selferkende aanvallers” was.

Comments

4 responses to “Kebble se pa dood aangetref met kop-skietwond”

  1. Rooikop Avatar
    Rooikop

    Narpers se opskrifte maak sommer dat dit selfmoord was. Is hierdie ook georkestreer soos sy seun se dood? Die storie is mos versprei dat Brett wou selfmoord pleeg en dit soos ‘n moord wou laat lyk – daardie een is net te dik vir ‘n daalder in my oë. Nou is sy pa op soortgelyke manier oorlede? Ek ruik rot.

    1. G Avatar
      G

      Janee, as Narpers vóór die ondersoek gedoen is al weet dis selfmoord, is hulle besonder versiende.

      1. Rutger Avatar
        Rutger

        Geen skote is gehoor nie, so ‘selfmoord’ met ‘n knaldemper? Mafiabaas Glenn Agliotti het aan eNCA gesê hy het meegevoel met die Kebble familie, en veral die kleinkinders. Die oubaas wou seker begin praat.

  2. Michael Lawson Avatar
    Michael Lawson

    Brett Kebble was my advokaat in Kaapstad kort voordat hy betrokke geraak het met die duiwelse moordenaars . Ek glo nie hy het selfmoord gepleeg nie . En nou sy vader……………… Dis nou 14 bekante van my wat in die laaste jare vermoor/ dood is . Al vier die jaar . Die land is werklik in sy moer .

Leave a Reply

More posts