praag.co.za

Biltong is ‘n ekonomiese bielie

Written by

praag

in

,

Biltong beteken vir die Suid-Afrikaanse ekonomie jaarliks meer as R2,5 miljard.

Dit blyk uit navorsing deur die Noordwes-Universiteit.

Melville Saayman sê die studie het die gewildheid en waarde van biltong en wildsvleis probeer bepaal.

Vyf-en-dertig persent van die respondente het aangedui dat kudu die gewildste wildsvleis is, gevolg deur springbok, impala, eland, wildebees, blesbok en volstruis.

Gemsbok was vir vyf persent van die deelnemers aan die studie die gewildste en vlakvark, vir slegs een persent.

Saayman sê dit is nou tyd vir biltong om ‘n rolspeler in die internasionale mark te word.

Comments

18 responses to “Biltong is ‘n ekonomiese bielie”

  1. Kaylee van Yken Avatar
    Kaylee van Yken

    Beesbiltong bly maar koning, gevolg deur koedoe-biltong.

    1. Maddox1 Avatar
      Maddox1

      Nee man Kaylee, hoe water my bek darem nou vir so lekker beesbiltong met ‘n lekker stukkie geel vet aan. As jy hom so kou dan se jou hart : eina,eina,eina!!!, vir al die colestrole, maar dem hy bly maar lekerrrrrrr!!!

    2. Chris W Avatar
      Chris W

      Kaylee,ek stem heeltemal met jou saam.Bees bly koning.En as jy so liggies rooi peper oorstrooi . . . . .o magtig dis lekker verby!

      1. Dolk Avatar
        Dolk

        Oei! My bek water nou soos ‘n kraan – van ‘n ou, vervalle stasie-wasbak!

  2. Rooikop Avatar
    Rooikop

    Lekker bly maar lekker.

  3. Rifrug Avatar
    Rifrug

    “… gevolg deur springbok, impala, eland, wildebees, blesbok …”

    Is ‘n ‘impala’ nie ‘n rooibok in Afrikaans nie?

    http://af.wikipedia.org/wiki/Rooibok

    1. Kaylee van Yken Avatar
      Kaylee van Yken

      Baie interessant. Ek het jou skakel gevolg en google translate ook geraadpleeg. Jy blyk reg te wees.

      1. Rifrug Avatar
        Rifrug

        “Alle maande wat die letter R bevat is ongeskik om sy vleis te eet. Het wurms en ruik nie lekker as jy hom kook nie.”

        ‘n Ouvroustorie oor tarentaal- en vlakvarkvleis wat ek as kind gehoor het…

        Ek moet met die berig saamstem dat Koedoe die gewildste wildsvleis is (maar ek stem nie met die spelling saam nie!) Kudu is Engels!

        Net vir Interessantheid …

        ‘Witsand-natuurreservaat, want die besondere duine brul glo die hardste in die maande met die letter “r”.’

        http://reisinafrikaans.blogspot.com/2009/11/witsand-roep.html

        1. Kaylee van Yken Avatar
          Kaylee van Yken

          Verskoning dat ek nou eers antwoord (gaste gehad tot nou). Stem, ek het dit ook as KOEDOE.

          Rifrug, dis die allermooiste foto’s – dankie vir die skakel. Het ook gelees.

          Ek wat nog altyd van mening, dis ‘n voorreg om oorsee te kan gaan vakansie hou, MAAR, hier is nog soveel plekke en besienswaardighede waarby ek nog nooit uitgekom het nie.

          “Tussen ons” – ek sou nooit daardie duiseligwekkende hoogtes kon meemaak nie.

          Baie dankie nogmaals vir jou ALTYD leersame en interessante plasings, ja, mens is nooit te oud om te leer nie.

        2. Andy van Vuuren Avatar
          Andy van Vuuren

          Terg jy nou net met duine wat net in sekere maande brul!
          Indien dit wel so is , het dit moontlik te doen met die feit dat die wintermaande nie n “r” het nie en juis in daardie maande is die temperatuur baie laer, die lug meer kompak en die sand “digter saam” gebind dus is die brul gestil.
          of so iets.
          Ek vind sulke inligting altyd baie interressant. Sal jy meer hier kan help Rifrug?

          1. Rifrug Avatar
            Rifrug

            Andy: “Terg jy nou net met duine wat net in sekere maande brul!”?

            Nee Andy – dit is ‘n direkte aanhaling uit die skakel wat ek geplaas het!

            http://reisinafrikaans.blogspot.com/2009/11/witsand-roep.html

            Andy: “Sal jy meer hier kan help Rifrug?”

            Ek is nie ‘n kenner op die gebied nie … dus gaan ek nie nou ‘n mening waag nie. Ek hou egter baie van jou teorie.

            Na ‘n Google-soektog kan ek darem die volgende legkaartstukkies byvoeg:

            1. Meeste skakels sê: ‘Niemand weet waarom die sand brul nie – en nog minder waarom slegs die suidelike duine só raas nie.’

            2. ‘Witsand lê soos ‘n eiland van wit sandduine midde-in ‘n see van koperrooi sand.’

            3. Volgens die Witsand Nasionale Park se brosjure is dit moontlik weens die intense wrywing tussen die geronde ysteroksiedvrye korrels. Of dalk is die granulometriese eienskappe, onder meer die eenvormige korrelgrootte, die rede.

            (Rifrug: “of dalk” … beteken (vir my) dat hulle nie weet nie)

            http://www.kalaharibulletin.co.za/localguide.aspx

          2. Andy van Vuuren Avatar
            Andy van Vuuren

            More, en dankie Rifrug.

    2. Andy van Vuuren Avatar
      Andy van Vuuren

      Rifrug, ek lees nou eers jou kommentaar, jy is reg en dit is soos Kaylee sê, dit is beslis Rooibok.
      Sê my dan net, wat is die afrikaanse naam vir die Impala lelie, asseblief.

      1. Rifrug Avatar
        Rifrug

        Adenium obesum
        n: Suid-Afrikaanse struik met ‘n geswolle vetplante stam-en
        met vermelding van pronkerig pienk en wit blomme na die blare
        val; gewild as ‘n ornamentele in die trope [syn: (rooibok
        lelie), (bespot azalia), (woestyn rose), (koedoe lelie), (Adenium
        multiflorum)]

        http://af.w3dictionary.org/index.php?q=azalia

        1. Andy van Vuuren Avatar
          Andy van Vuuren

          Uitstekend, baie dankie. Lekker om mekaar so aan te vul en steeds daagliks te leer.

          1. Rifrug Avatar
            Rifrug

            Woestyn Rose … die mooiste Afrikaans van die opsies hierbo! (rooibok
            lelie), (bespot azalia), (woestyn rose), (koedoe lelie)

          2. Kaylee van Yken Avatar
            Kaylee van Yken

            Dis pragtig RR.

          3. Andy van Vuuren Avatar
            Andy van Vuuren

            Inderdaad

Leave a Reply

More posts