‘n Verhoging vir staatsamptenare is goedgekeur en sal beteken dat President Jacob Zuma se salaris nou meer as R2.7 miljoen jaarliks sal wees.
Die Onafhanklike Kommissie vir die Vergoeding van Staatsmptenare het gister sy aanbeveling rakende salarisse in die openbare sektor gemaak.
Staatsamptenare wat meer as R1 miljoen verdien, sal ‘n vyf persent verhoging ontvang en amptenare wat minder as R1 miljoen ontvang sal ‘n ses persent verhoging kry.
Die verhoging sal terugwerkend vanaf 1 April 2014 geld.
Adjunk-president Cyril Ramaphosa se salaris sal verhoog vanaf R2.47 miljoen na R2.6 miljoen rand. Regters in die Grondwethof en Appèlhofregters se salarisse sal vanaf net minder as R2 miljoen na R2.08 miljoen verhoog, terwyl ‘n regter in die Hooggeregshof nou R1.69 miljoen sal verdien.
Leave a Reply
You must be logged in to post a comment.