Motlanthe is Suid-Afrika se nuwe president

Die aankondiging is deur Hoofregter Pius Langa gemaak. Hy sal vanmiddag Motlanthe se inhuldiging by Tuynhuys waarneem.

Motlanthe het 269 stemme op homself verenig teenoor 50 vir die enigste ander nominasie, naamlik Joe Seremane, DA-voorsitter. Van die stembriewe is 41 bederf, 'n aansienlike hoeveelheid wat dui op 'n protesstem. Die ID-party se vier parlementêre verteenwoordigers het buite stemming gebly.

'n Nuwe Kabinet en adjunk-president sal na verwagting binnekort aangekondig word.