Tiger Brands se Tastic Simply Delicious-rys-in-sous-produkte bevat ‘n verbode chemiese kleurstof wat DNS-skade en kanker kan veroorsaak.
Die maatskappy het die produkte inderhaas van winkelrakke verwyder nadat dit positief getoets is vir die karsinogeniese chemiese kleurstof Sudan Red.
Meer as 100 voedselprodukte wat in 2005 positief getoets is daarvoor is uit die handel verwyder, maar Tastic het aangehou om dié produkte te verkoop ten spyte van die gevaar wat dit inhou.
Volgens Naresh Singh, besturende hoof van Tiger Brands se rys-en-pasta-afdeling, is 17 000 sakkies onttrek.
Die Simply Delicious-reeks word in Indië vervaardig. Die produkte is ook positief getoets vir Methyl Yellow, ook ‘n verbode kleurstof.
Tiger Brands sal glo aanhou om hulle produkte te versprei as dit “veilig” is.
Leave a Reply
You must be logged in to post a comment.