praag.co.za

Ondertekende bladmusiek van Die Stem haal R17 000

Written by

praag

in

,

deur Marthinus van Bart

Bladmusiek van Die Stem van Suid-Afrika wat Die Burger Boekhandel uitgegee het en wat op 13 Desember 1935 deur ds. M.L. de Villiers, die komponis, onderteken is, is Donderdag 28 Augustus in Sandton vir R17 000 opgeveil.

Dit is die beleid van die afslaer, Stephan Welz & Co, om nie kopers op sy veilings te identifiseer nie. Die veilingswaardasie van dié kleinood vir kultuurbewuste Afrikaners was R8 000, die helfte minder as die veilingsprys.

Die musiekstuk van vier bladsye, wat as Africana gereken word, is gelamineer. Dit dateer van ’n jaar voordat die Federasie van Afrikaanse Kultuurvereniginge (FAK) dié toonsetting van Die Stem amptelik as die volkslied van Afrikaanssprekende wit Suid-Afrikaners aanvaar het. Die indertydse nasionale volkslied was die Britte se God Save the King.

Ds. Marthinus Lourens de Villiers wat Die Stem van Suid-Afrika getoonset het.
Ds. Marthinus Lourens de Villiers wat Die Stem van Suid-Afrika getoonset het.
Die woorde van Die Stem is vir die Van Riebeeck-fees van 1952 in Engels omgesit as The Call of South Africa. In 1957 het die regering albei weergawes tot die amptelike nasionale volkslied verklaar. Ná die ANC-oorname in 1994 is dit vervang met Nkosi Sikelel’ iAfrika.

Sy bladmusiek wat deur Die Burger Boekhandel gedruk is en op 13 Desember 1935 deur hom onderteken is, het pas R17 000 op ’n veiling van Stephan Welz & Co in Sandton behaal.
Sy bladmusiek wat deur Die Burger Boekhandel gedruk is en op 13 Desember 1935 deur hom onderteken is, het pas R17 000 op ’n veiling van Stephan Welz & Co in Sandton behaal.
Die woorde van Die Stem is in 1918 deur die talentvolle regsgeleerde, politikus, joernalis, skrywer, digter en musikant C.J. Langenhoven aan sy woning op Oudtshoorn gedig. De Burger (sedert Januarie 1922 Die Burger) het die gedig geplaas, en Langenhoven het komponiste genooi om toonsettings in te stuur. M.L. de Villiers se eerste poging was in 1921, maar hy moes dit verskeie kere hersien voordat die Federasie vir Afrikaanse Kultuurvereniginge (FAK) dit in 1936 aanvaar het.

Lees meer oor die skryf van Die Stem, die toonsetting daarvan en wie almal betrokke was voordat dit die amptelike volkslied vir die Afrikaners geword het in KultuurKroniek, kultuurrubriek op die FAK se tuisblad by www.fak.org.za/
kultuur-kroniek/

Comments

15 responses to “Ondertekende bladmusiek van Die Stem haal R17 000”

  1. Riempies Avatar
    Riempies

    Briljante skuif as dit in n Arikanervolksgenoot se hand geland het.

    NS: Ek dink dit is baie meer werd.

    1. Sadie Avatar
      Sadie

      Stem dis baie meer werd. Wat vir my uitstaan is hoe deeglik daar te werk gegaan is om ‘n uitstaande komposisie te skep. Nie die vorige aand afgekyk en die volgende dag gesing nie. By die ontwerp van die nuwe vlag is daar blykbaar internasionale reels oortree. Te veel kleure. Seker een van die lelikste vlae op aarde.

      1. Riempies Avatar
        Riempies

        Deeglik en deurdag – is mos die kenmerk van ons Afrikaners se doen en late. Daarom kon ons bou want ons het nie eers vinniger afgebreek wat reeds gebou was, uit onnoselheid, dan probeer bou nie – al wat hoogstens kan gebeur met so n situasie is om te vervang wat reeds daar was – so is agteruitgang die wagwoord van die huidige regime hulle sal nooit kan inhaal nie.

        Wat die regime se vlag betref – ag nee man dis dan moderne onderbroek materiaal en ontwerp.

        1. RSA PATRIOT Avatar
          RSA PATRIOT

          Die nuwe vlag het myns insiens geen betekenis nie, behalwe dat dit die kleure van die ANC vlag het. Die ding is dan deur ‘n landswye kompetisie bepaal! Elke Jan rap kon sy belaglike kunswerke instuur. En nou moet ons die ding op vagpale verduur. In ons gesigte om elke hoek en draai. Die vlag is die gesig van ons land, en die land is nie veel om oor trots te wees nie. Daarom sien min mense die nuwe vlag as simbool van trots. Wie kan nou patrioties raak oor so iets? Die ANC het nou gekry wat hulle wou hê – ons land. Hoekom laat hulle ons dan nie toe om ons eie vlae te hys nie? Want hulle is bang vir die Afrikanereenheid wat dit sal veroorsaak. Die Afrikanereenheid wat hulle party sal vernietig. Daarom verdeel hulle ons met die nuwe vlag.

          1. Andy Avatar
            Andy

            DIT is verseker NIE my vlag nie, en ek het ook geen respek vir hom nie.
            My vlag is tans nog steeds die ou Republiek vlag. Ek het hom hier in my kas mooi netjies in plastiek bewaar ek hom.
            Op daardie vlag is ek hiper trots.

          2. RSA PATRIOT Avatar
            RSA PATRIOT

            Andy. Ek is bly om dit te hoor!

        2. RSA PATRIOT Avatar
          RSA PATRIOT

          Die nuwe vlag is “kitch”. Lyk soos laerskool spanwerk.

      2. Trippie Avatar
        Trippie

        “Seker een van die lelikste vlae op aarde” – DIT IS die lelikste vlag.

        Hier is my vlag.

        Stem saam met jou en Riempies, ‘n skamele R17 000 – ietwat verregaande.

        1. Andy Avatar
          Andy

          Naand Trippie,
          Genugtig maar dit is nou n interressante vlag. Ek het nooit gedink dat mens die besonderhede so kan saamgooi om uitiendelik n vlag wat ook geskiedenis uitbeeld soos hier kan daarstel nie.
          Ek hou hiervan.

  2. Willem Avatar
    Willem

    Baie dankie vir die kompakte stukkie geskiedenis saam met die berig!
    Wat ‘n wonderlike tyd was dit nie daardie toe die beste kreatiewe talent uitgesoek en aangewend is om die land en sy mense vorentoe te vat nie.

    1. Riempies Avatar
      Riempies

      Dit is so Willem – maar ons ondergang was ons onbetrokkenheid om alles maar net in die sogenaamde leiers se hande te laat.
      Hierdie keer gaan die wat ons wil vorentoe vat baard op hulle tande moet groei.

      Ons gaan nie weer mee gemaak word soos die leiers wil nie,
      dit kan ek jou die versekering gee. Hulle praat nie net namens hulle eie
      oortuigings en wil nie maar opsterkte van die Afrikaner volkswil of hulle dit wil weet of nie.

  3. RSA PATRIOT Avatar
    RSA PATRIOT

    Sjoe. Ek sou wat wou gee om dit te kon koop. Ek het darem gelukkig ‘n 1960-referendumbrief met dr. Verwoerd se handtekening. My oupa het dit vir my gegee. (-:
    My heel kosbaarste besitting!

    1. Trippie Avatar
      Trippie

      Ek is “jaloers” ! Bewaar dit soos goud. Kosbaar !

  4. Rooikop Avatar
    Rooikop

    Ek sou verwag dat hierdie ten minste 10 keer meer werd sou wees.

  5. witbeer Avatar
    witbeer

    En dit bly meer werd as enige Beeld, Huisveraad of stukkie snert wat uit Kopdoek en Siesman se penne geuiter was ooit!!
    Meer werd as enige iets wat Pienk Rian van Craparanda ooit kan uiter.

Leave a Reply

More posts