praag.co.za

Steve Hofmeyr, Dan Roodt en Sunette is die nuwe Voëlvry-beweging

Written by

praag

in

,

‘n Paar dekades terug verkrag Dan Roodt die volkslied en lees gedigte voor met ‘n oshart teen sy bors, Koos Kombuis, met of sonder drugs, sing van AWB tiete en huisies by die see, Johannes Kerkorrel bedel harte vir Hillbrow en saam met Max krap die Vrye Weekblad almal se gat. Die een ding in gemeen is hulle rebellie teen die regering, teen ‘n stelsel wat nie werk nie, teen wat hulle glo verkeerd is. In coffee shops en rokerige bars groei die beweging. Dit is gewaagd, dit is protes en dit is hoogverraad. Party mense wil hulle doodskop, ander wil standbeelde bou, maar almal ken die soundtrack van die beweging. Dit is Voëlvry!

Die naweek sing Steve die stem en die skare, duisende van hulle, sing saam. Dan Roodt het ‘n webwerf en Naspers kry hom nogsteeds nie stil nie. Sunette skryf ‘n lied met Eugene se gebed in. Jong kunstenaars begin reguit en onbeskaamd sing van hulle mense, van dit wat verkeerd is, van ‘n stelsel wat nie werk nie en ‘n regering wat nie regeer nie. Die keer is dit nie op die strate van Hillbrow nie, maar die strate van Bothaville, Ventersdorp en Pretoria waar jy dit hoor. Dit is in die kroeg op die platteland en die kunstefees Innibos waar die stem gehoor word. In plaas van coffee shops en agterstraatjies is die beweging nou voor kooperasies en agter op plaasbakkies.

Dit is dalk nog net ‘n gefluister. Onafhanklike, ongekoppelde gebeure wat hier en daar sporadies kop uitsteek. Kunstenaars wat dalk nie tans om dieselfde vuur sit nie, maar wat mekaar nog gaan vind. Praag vervang die drukkoste van ‘n Vrye Weekblad. Sommige mense haat dit, ander wil standbeelde bou. Die regering wil dit smoor. Alles wat was, is, en sal weer wees.

Welkom by Voëlvry v2.0!

– Brief deur Vannermerwe

Comments

22 responses to “Steve Hofmeyr, Dan Roodt en Sunette is die nuwe Voëlvry-beweging”

  1. Trippie Avatar
    Trippie

    Dr Roodt, Steve, Sunette – mag julle stemme NOOIT uitdoof nie.
    Ek (ons) is MET JULLE, al die pad !

  2. jan Avatar
    jan

    Juslaaaik dit som my lewe mooi op: in Tsafendastan:

    Van die Turnhalle verraad beraad af.tot die Inligting skandaal skandaal : Verligte Vrydenkende goddelose Marxiste teenoor verkramptes onder ‘n Nazivlag.

    Die teater van die absurde is besig met ‘n suiweringsproses soos silwer.
    En as ek so terugstaan het ons al die ondenkbare vordering gemaak om van die fasade van funksionaliteit soos die Vingertaaltolk ontslae te raak.

    Praag speel ‘n sleuterol in die rehabilitasie van ons psigotiese volkie.

    1. Trippie Avatar
      Trippie

      Goeie more liewe Jan – hoe absoluut raakgevat is jou slot-sin.
      VIVA PRAAG !

  3. Rooikop Avatar
    Rooikop

    So gepraat van kerkgorrel. – As ek die dinge hier in ZA dophou, sien hoe dinge werklik verloop dan weet ek dinge hier gaan nie sommer van self verander nie. Afrika denke bly nou maar eenmaal dieselfde – van Liberië tot op die Suid punt – aan die ander kant tot in Somalië – Halala Halala ewig is ons afrika…..

  4. Dan Roodt Avatar
    Dan Roodt

    Vannermerwe, sjoe, ja, ek het nog nie só daaraan gedink het nie, maar jy het beslis ‘n punt.

    Jy herinner my nou aan al my jeugsondes, maar ons het mos ‘n tydskriffie gehad wat op ‘n tikmasjien uitgetik en afgerol is gehad, by name “Taaldoos”. Groot was my verbasing toe Leon Lemmer vir my ‘n paar weke gelede skryf dat hy ‘n intekenaar daarop was.

    Intussen het ons almal baie verander, maar die land het nóg meer verander. Terwyl Die Stem destyds amptelik in die skoolsaal gesing is, het dit nou weer iets van ‘n revolusionêre lied geword. Baie vreemd, maar dis seker verstaanbaar.

    ‘n Tyd gelede het ek ook ‘n klompie bejaardes ontmoet wat almal lede van die Nasionale Party se Jeugbond in die veertigerjare was. Hulle was almal kreatiewe, rebelse mense, baie anders as die NP-ministers en staatsamptenare wat ons veel later geken het.

    Dit sê vir my die volgende: in elke volk is daar ‘n konstante stryd tussen sy skeppende, denkende voorhoede en die gemaksugtige, konformistiese burokrate wat op bestaande rykdom of mag teer.

    Toe Naspers en Die Burger in 1915 gestig is, was dit ‘n rebelse gebaar: téén die ou SAP- en Britsgesinde kultuur wat destyds dominant was. Vandag is dit ‘n globale maatskappy wat volledig die Anglo-Amerikaanse Ryk dien, dus presies die teenoorgestelde as waarvoor hy in 1915 gestig is!

    Ek kan my ook voorstel hoe ‘n jong Afrikaner moes gevoel het as hy in die 1930s gaan fliek, en daar speel hulle “God Saving The King” in die bioskoop! Blykbaar het dit destyds soms op vuisgevegte uitgeloop as Afrikaners nie daarvoor wou opstaan nie – en ook in reaksie Die Stem begin sing het!

    Al hierdie golwe van konformisme en opstand wat mekaar in die tyd opvolg, maak uiteindelik ‘n volk se geskiedenis uit. Die Franse tradisie, wat ek redelik goed ken, is presies dieselfde. Twintig, dertig jaar gelede was Frankryk seker die mees linkse land in Wes-Europa, afgesien van Swede. Vandag het daar uit die smeulende as van die Algerynse oorlog, wat almal gedink het lankal afgehandel en vergete was, ‘n nuwe regse beweging ontstaan wat op die voorpunt van intellektuele en skeppende denke verkeer, met honderde klein en groter uitgewers wat romans, essays en geskiedenisboeke publiseer, maar ook eintlik die hoofstroommedia en die internet stormenderhand verower het.

    Die ANC en ANC-Engels is nog minder aantreklik as Britse imperialisme in die 1930s. Die meerderheid Afrikaners het hul reeds daarteen gekeer en dit is net die mense wat ‘n finansiële belang by die huidige stelsel het wat dit nog ondersteun.

    1. jan Avatar
      jan

      Die Stem kan gerus uit die liquirice allsorts Nasielied verwyder word. Dis hoeka geproklameer om op sy eie te staan en gebruik te word.
      ——-
      Daar het stil – stil iets gebeur wat Boerekinders en oumense na hulle Afrikaner asems laat snak en hul harte laat jubel van vreugde en genot van kinderstemmetjies

      Want Verna Vels het op 80 weer vir Liewe Heksie laat opstaan uit haar skokslapie en in Blomfontein is dit die grootste Afrikaner plesier vir oud en jonk. Gaan kyk gerus. Want Lefinia het nou ‘n selfoon!!!!

      Hoedat Liewe Heksie vir Casper die tuindwerg red sal ook ons Afrikaner volkie red.

      Al hierdie kosbaarste skatte van die wonderlikste unieke eg afrikaner kinderteaterkuns moet herleef – van HaasDas tot selfs die Du Plooys van Soetmelksvlei!!! Jaaaaaaa!!!

      Asseblief mense

      1. Riempies Avatar
        Riempies

        Goeiemore onse Jan “sambok” (sommer my liefnaampie vir jou) 😉

        Ek wil sommer hier n ode by jou kommentaar skryf aan Praag.

        Toe ek jou kommentaar lees dink ek – hoeveel mense,
        Afrikaners, besef wat die waarde van Praag is wat dr. Dan tenspyte van
        verguising en teenstand van mede Afrikaners (en veral Naspers se Beeld se manipulerende
        en kondisionerende berigte en anti Afrikaner seepkissies – en ander soortgelyke
        gedrukte koerante) – rigtingvas en met ongelooflike deusettingsvermoeë staande
        gehou het, as enigste spreekbuis vir die Afrikaner met n volgehoue hoë premie
        op vryheid van spraak. Die enigste internet koerant wat onbevrees die vergrype
        teen ons volk aanspreek – ons mense inlig, aanmoedig om vas te staan en
        deur te druk te bemoedig om te veg vir ons taal ons kosbare kultuur, ons
        menseregte en nog vele meer.

        Ek hoop en bid dat Afrikaners nie eendag dieselfde van dr. Dan gaan sê as van mnr. Jaap Marais – het ons hom maar na hom geluister en het ons hom maar ondersteun.

        1. jan Avatar
          jan

          Die ding wat ek laaaaankal vir myself uitgemaak het is die feit dat daar geen toekoms is wat baseer is op die verskriklike leegheid van die verlede nie.

          Wat Vannemerwe beskryf is baie eensydig maar baie waar.
          Ek probeer die voljkskoonheid en volksjuwele en estetiese volksprestasies en volksvreugdes koester en bemark. Die dinge waarop ons met reg trots sal wees oor 100 jaar.
          Die dinge wat die lewe die moeite werd maak.vir Afrikaners.
          Die strategie is om met die troffel en die Sanna te bou aan die toekoms.vir ons kinders.
          iets om na uit te sien wat die wêreld se verbeelding sal aangryp en wat nie met geld gemeet kan word nie.

        2. Trippie Avatar
          Trippie

          Hallo Riempies – kyk nou hoe vul riempies en sambok mekaar aan !
          Komplimente met ‘n puik skrywe.

      2. betzie Avatar
        betzie

        Hoe sal mens nou daardie musiek van Soetmelksvlei kan vergeet . Dit het soveel gesê nog voordat die karakters begin praat het .Rachmaninoff se 18 de variasie van die rapsodie op n tema van Paganini.
        Dan tong-in-die-kies , Jan . My gewese skoonpa het altoos van ‘ alltjorts’ i.p.v. ‘ allsorts ‘ gepraat . Gewesende n internis het hy seker geweet waarvan hy praat ….

      3. Trippie Avatar
        Trippie

        Goeie more liewe Jan – ek sit nie weer my mond aan liquirice all-sorts nie, hehe.
        Jy het regtig ‘n ander manier van skryf, mooi.
        XXX

  5. Riempies Avatar
    Riempies

    Ons Afrikanervolk is voorwaar soos n saadjies was gesaai is – party is besig om te swel onder die
    grond, ander het alreeds die grond gebreek, ander steek skugter hulle nog krom gebuigde ruggies uit, ander begin reeds regop beur, en ander staan alreeds regop geanker in hulle wortels met hulle nuwe
    blaartjies nog besig om uit te sprei om die lewegewende son te ontvang en te groei. Dit is my Afrikanervolk soos hulle altyd was en altyd sal wees. Die dryfkrag is in ons gene.

    1. ss Avatar
      ss

      Riempies, ongelukig is daar ook saadjies wat bang is om uit te kom, saadjies wat met onkruid meng,en baie saadjies wat die rotte vreet. Maar die wat dit maak sal gedy en groot word op n’ skoon akker!

  6. Willem De Jager Avatar
    Willem De Jager

    Heeey! Nou pra’ jy Vannermerwe! Voëlvry was destyds my Malema, my EFF!

  7. Willem De Jager Avatar
    Willem De Jager

    As ons dit so 20 jaar gelede besef het dan sou daar dalk nog miskien iets van kon kom. Nou sal ons eers Xhosa moet leer as ons in Kstd wil werk.

  8. betzie Avatar
    betzie

    Mens moet maar erg versigtig wees as jy jeugsondes begin uitlig . Niemand sal skoon daarvan afkom nie . Daarom my pleidooi : sien tog net n persoon se geheelbeeld raak . Anders gestel : gee hom/haar krediet vir die poging aangewend en daaruit voortvloeiende reslutate en of mislukkings . Versoening , broeders , versoening ………
    dit lei en ly na transformasie . Of is tweegesigwaardes nou die gonswoord ?

    1. Willem De Jager Avatar
      Willem De Jager

      Dit lykmy die gonsfrase is die “national project” en almal wat hulle daarteen verset sal uitgesnuffel en op die markplein in stukke gekap word. Daar is geen legitieme besware nie!

      1. Riempies Avatar
        Riempies

        Willem jy kan n mens darrem lekker laat lag daar word rerig
        met “hulle” gemors hier op Praag. 😉

  9. ss Avatar
    ss

    Nee , Transvaal en Vrystaat is ook ons historiese land ! Hulle kan terug noorde toe gaan ,en daar vrek.

  10. Riempies Avatar
    Riempies

    Langhans die Kaap provinsie beskik nie oor infrastuktuur om
    bv. Transvalers te akkommdeer nie – Transvaler het groot visie – hulle werk
    baie hard en speel baie hard – die kapenaars (waarvan ek een is) is lou en lam.
    ;-)))

  11. Riana Avatar
    Riana

    STEVE BO! https://www.youtube.com/watch?v=SeVBt53Lo_8

  12. Trippie Avatar
    Trippie

    Cobus, ek lees hy het met trots in Australië ook DIE STEM gesing – 500 mense het opgestaan, en trane in die oë, op aandag, saamgesing.

Leave a Reply

More posts