praag.co.za

Meer as 100 mense by betoging vir Clive Derby-Lewis se vrylating

Written by

Dan Roodt

in

,

 

Wessel Basson van Front Nasionaal stap voor tydens die betoging, met die Wes-Kaapse leier Daniël Lotter net links van hom

Dié berigte het op Maroelamedia en Sapa verskyn oor die betoging om Clive Derby-Lewis vry te laat.

Clive Derby-Lewis, een van die mans wat skuldig bevind is aan SAKP-leier Chris Hani se moord, moet vrygelaat word, het Front Nasionaal (FN) Saterdag gesê.

“Derby-Lewis is Suid-Afrika se bekendste oorblywende politieke gevangene,” het Dan Roodt, die groep se adjunkleier, in Pretoria gesê. ʼn Optog is Saterdag gereël deur ondersteuners vir Derby-Lewis.

Roodt het Saterdag aan Maroela Media bevestig ʼn versoekskrif vir Derby-Lewis se vrylating is aan die direkteur van die departement van korrektiewe dienste oorhandig. FN gaan ook ʼn lys van meer as 1 000 name wat ʼn petisie vir Derby-Lewis se vrylating onderteken het, aan die DKD stuur.

Hy sê nagenoeg 120 mense, insluitend die sanger en aktivis Steve Hofmeyr, het Saterdag aan die optog deelgeneem.

Steve Hofmeyr betoog saam met sy twee jong seuns weerskante van hom
Steve Hofmeyr betoog saam met sy twee jong seuns weerskante van hom

FN het dit benadruk dat die vrylatingseis nie ʼn politieke stelling is nie. “Dit kan dalk soos ʼn paradoks klink. Clive is ʼn voltrekte politikus, ʼn staatsman en ʼn leiersfiguur vir die konserwatiewe beweging in Suid-Afrika,” het Roodt gesê. Die FN glo om hom vry te lat, is die regte ding om te doen.

FN eis sy vrylating “in die naam van geregtigheid, in die naam van God of Christelike welwillendheid en in die naam van burgerlike waardes”. “Hulle sal ons verregs noem vir hierdie versoek tot redelikheid,” het Roodt gesê. “Hulle sal ons as fasciste beskryf, of ongemanierde boere, maar ons verwerp alle etikette en slagspreuke.”

Hani is op 10 April 1993 in die oprit van sy huis in Boksburg doodgeskiet. Derby-Lewis (78) is tot 25 jaar tronkstraf gevonnis en het reeds meer as 20 jaar van dié vonnis uitgedien. Hy is onlangs met kanker gediagnoseer en sy aansoek om mediese parool is al twee keer afgekeur.

Die SAKP in die Wes-Kaap beplan om Saterdag Chris Hani-gedenklesings te hou.

Hofmeyr het ook die optog in Pretoria bygewoon. “Op ons president se verjaarsdag vra ons vir ‘n klein bietjie hart en ‘n helse klomp geregtelike konsekwentheid. As [Robert] McBride en [Nelson] Mandela (en [Shabir] Shaik en [Jackie] Selebi) amnestie-gholf mag speel, is ek seker mediese parool kan oorweeg word vir een van die oudste politieke gevangenes ter wêreld,” het Hofmeyr aan Maroela Media gesê.

Comments

77 responses to “Meer as 100 mense by betoging vir Clive Derby-Lewis se vrylating”

  1. Hans Onrust Avatar
    Hans Onrust

    prachtig en bemoedigend dat dit alles goed is verlopen voor een nobel menswaardig doel. Hopelijk vinden de heer Derby Lewis en zijn vrouw en familie, temidden van bureaucratische afgestompte onverschilligheid grenzend aan onverantwoordelijke rancune, enige troost door deze vastberaden dappere rechtgeaarde steun.
    Complimenten aan de organisatoren en protestanten en sympathisanten van deze geslaagde actie.

  2. Dolk Avatar
    Dolk

    Ek wens ek kon daar wees!!! BAIE DANKIE aan elke siel wat daar was!

    PS Berig lui: “Die FN glo om hom vry te lat,”?! Klink na ‘n “capy”… ;-))

    1. Rifrug Avatar
      Rifrug

      PS Berig lui: “Die FN glo om hom vry te lat,”? … ook gesien … maar gedink aan die slaanding “lat”! Wou niks sê nie (want al my gedagtes oor die speling in die spelling was komies…) en dié CdL issue lyk sensitief.

      1. Dolk Avatar
        Dolk

        Gedink jy sal dit ook raaksien… :-))

  3. Dolk Avatar
    Dolk

    Toe word my waardering verwyder – teenoor hulle wat die lopie bygewoon het… Whatever…!

    1. Trippie Avatar
      Trippie

      Ek KAN NIE GLO wat ek nou sien nie – my kommentaar is VERWYDER ?

      1. Dolk Avatar
        Dolk

        Trippie… Ek is verstom. Ek sê dit – terwyl RSG “Ek’s ‘n dapper muis” saggies vanuit die skemer kammawêreld aan ‘n moderator speel…

        1. Trippie Avatar
          Trippie

          Ek hoop van harte hier sal ‘n skriftelike verduideliking wees van wat in die afgelope 5 minute plaasgevind het.

          1. Dolk Avatar
            Dolk

            Trippie – na alles wat al gebeur het… Glo jy aan die tandemuis?

            NS Verseker is dit sarkasties – maar glo my…, dit is gekwalifiseerde, verdiende sarkasme…

          2. Dolk Avatar
            Dolk

            Ek gaan nou biefstuk braai! :-))) Tjorts en cheers! 🙂

          3. Trippie Avatar
            Trippie

            Geniet dit – ons vleisie is reeds op die kole … ek eet net die pap-tert met spek, room en mielies – en vir nagereg, heerlike malvapoeding met karamel vla.

            En op hierdie noot, skink gerus ‘n glasie goeie rooi wyn – GESONDHEID !

          4. Dolk Avatar
            Dolk

            Nee wragties! My hond byt my vol knoppe as ek my lippe oor daardie vleislose versnappering sluit! (LOL! Grap net hoor.)

            Geniet dit terdeë Trippie en, baie dankies…

            Mag mnr. Clive Derby-Lewis so spoedig moontlik sy vryheid terug kry! Ons hier drink ‘n heildronk op Ingryping en geregtigheid.

  4. Trippie Avatar
    Trippie

    Hold on, this is waiting to be approved by Pro-Afrikaanse Aksiegroep
    Waarom Praag ?

    1. Dolk Avatar
      Dolk

      Dis ‘n SKANDE!!!

      1. Leana Avatar
        Leana

        Ek verstaan nou nie Dolk, ‘n SKANDE ??? Sulke dinge gebeur mos maar van tyd tot tyd op die netwerke.

    2. Dolk Avatar
      Dolk

      Wens u almal ‘n goeie nag toe.

      1. Trippie Avatar
        Trippie

        Dankie Dolk, vir jou en geliefdes ook – geseende nagrus.
        Hans, BAIE DANKIE vir jou altyd sinvolle bydraes vanuit die buiteland – opregte Boeregroete.

        1. Dolk Avatar
          Dolk

          Baie dankie Trippie – vir jou ook.

          NS My innige waardering aan elkeen wat die optog en betoog meegemaak het – ek sou so graag dit wou meemaak!

          1. Trippie Avatar
            Trippie

            Afstand is natuurlik ook ‘n groot oorsaak dat baie van die mense dit nie kon bywoon nie – tog weet ek, elkeen was hart en siel daar !

          2. Dolk Avatar
            Dolk

            Presies!

  5. Trippie Avatar
    Trippie

    HIER WAS MY OORSPRONKLIKE PLASING :

    Dankie Dr Roodt, Steve, Hannes Cloete, Abel Malan en andere – ELKEEN se teenwoordigheid daar.

    “in die naam van geregtigheid, in die naam van God of Christelike welwillendheid en in die naam van burgerlike waardes”.

    HIEROP MY ANTWOORD – AMEN !

    My bede is dat Oom Clive vrygelaat sal word om sy laaste (menslik gesproke een jaar – volgens sy dokter) tyd op aarde saam met sy geliefdes deur te bring.

    Self kon ek nie daar wees as gevolg van mediese omstandighede, maar in my hart en siel was ek daar vir Oom Clive.

    1. Dolk Avatar
      Dolk

      AMEN!!!

    2. Riempies Avatar
      Riempies

      Trippie lyk my Praag het sporadiese probleme – ek het
      soortgelyke ervarings as jy al van gisteraand af. Lyk darrem nou of dit opgelos
      is – hoop ek 😉 (Askies Praag as Disqus die skuldige is)

      1. Trippie Avatar
        Trippie

        Dankie vir jou SPOEDIGE terugvoer Riempies – waardeer.

        Riempies, terwyl ek hier sit, spring die OP-DUIM pyltjie aan en af of is dit nou op en af !

        1. Dolk Avatar
          Dolk

          Noem jy name? :-))

      2. Hans Onrust Avatar
        Hans Onrust

        daar lijkt het wel op Riempies.

        1. Riempies Avatar
          Riempies

          Goeienaand Hans – iets is nog nie reg nie ek begin my
          soekenjin verdink- my bladuitleg van Praag is totaal versteurd en vreemd. Die
          kommentare hardloop ook sigzag oor die blad.

          1. Hans Onrust Avatar
            Hans Onrust

            van hiervandaan is het commentaarkader nou baie(veel) breder, maar de communicatie verloopt nou goed.

          2. Riempies Avatar
            Riempies

            Ja by my is die kommentaar blokkie ook baie breer (4 vyfdes van die blad) en die
            kommentare is sigzag geplaas dan moet dit Disqus wees. Dalk het Disqus net n
            glasie rooiwyn te veel in en gaan dit more reg wees 😉

          3. Trippie Avatar
            Trippie

            Ek skuld Praag ‘n verskoning – die probleem moet dus by Disqus wees.

          4. Dolk Avatar
            Dolk

            Ek het iets oor zuma BY-gesê… Toe waai my opinie by die deur uit.

          5. Trippie Avatar
            Trippie

            ‘n Man se mening is ‘n man se mening – tog is daar niks positief om oor zuma te sê nie. Hy is en bly ‘n rotter, tesame met sy meelopers.

  6. Karel Comlbrinck Avatar
    Karel Comlbrinck

    Dankie vir die mense wat die moeite gedoen het om ten bate van mnr Derby-Lewis te gaan betoog. Hulle kom alle eer toe.

    Maar 100 betogers. Een honderd! Ag nee wat pappie. Vergeet maar. Die Afrikaner is eens so ontman en verrot soos enige ander Westerling. Een honderd betogers is omtrent die leserspubliek van Praag in die Pretoria gebied. Rugby en braai en 4×4 praatjies om die kampvuur is omtrent so ver as wat die Afrikaner se verbeeldingskrag strek. Dis ook waarom hy sy lot aan De Klerk en kie toevertrou het.

  7. Riempies Avatar
    Riempies

    Met die verdere uitsondering van ons wat in die Wes Kaap en ver woon wat ook daar sou wou gewees het – stem ek saam met jou. Volgens my man was daar 30 duisend witskepsels by die rugby in JHB. Rugby die got waarvoor hulle ons land voor verkoop het saam met FW de Klerk. My hartewens is dat die swartes nou die rugby heeltmal swart gaan maak nie net 60% nie!!

    1. Rooikop Avatar
      Rooikop

      Riempies, hoe gouer hoe beter om ons mense te kuur.

    2. Leana Avatar
      Leana

      Riempies, die enigste tyd wanneer die blankes saamstaan is as die Springbokke rugby speel.
      Tussen 100 en 120 mense by die optog is om die Afrikaner se kop in skaamte te laat sak.
      Wonder of dit so gaan vertoon by die stembus ook.

      1. Riempies Avatar
        Riempies

        Leana ja – hoe langer ons onder die swart regering swaar
        kry en vermoor en verniel word – hoe slegter word ons Afrikaners, ek wil nie meer eers praat van ons Afrikaners nie – ek voel emosioneel gedistansieerd – want ek voel dat eintlik kom ons ware ruggraatloosheid nou na vore.

        Ons is meer bekommerd wat die buiteland van ons dink as
        wat ons bekommerd is dat ons kinders opleiding geweier word in universiteite wat ons self gebou het – ons is meer bekommerd dat ons nie tog die swart regering aanstoot gee wat hulle verdien nie – as wat ons is oor ons mense wat deur swartes so wreedaardig sonder rede vermoor word.

        Ons blanke veral vroue val oor mekaar om die arme swartes te help – en vir die blankes wat in plakkerskampe gedegradeer is deur hierdie swart regering het hulle nie n goeie woord nie.

        Kyk maar die swak wit materiaal “geleerdes” wat gebruik word om ons kinders te oortuig wees skaam vir julle blanke gene en glo
        onvoorwaardelik dat julle en die swartes gelyk is. Soos jy se: die witmense kyk liewers rugby as om te rebelleer teen n sterwende man se vrylating.
        Ek wil nie meer n Afrikaner genoem wees nie ek skaam my te veel vir hulle.

        1. Dolk Avatar
          Dolk

          Wie is jy sonder hulle? Hulle, wie jy jou nou voor skaam. Gaan jy hulle vervang met iemand beter?

          Ek’s vra dit as ‘n ellendige, gekielhaalde Afrikaner – wat deur vele bespot word as te eng, te Godvresend – te konserwatief….

          1. Leana Avatar
            Leana

            Dolk, jy word g’n gespot oor jou konserwatiewe Godvresendheid, of as ellendige geknielhaalde Afrikaner nie. Ons het almal respek vir jou Godsdiens, ons is ook almal Godvresende Christene.
            Die melodrama ja, dis ‘n ander storie. dis net te erg ! Regte ou Drama Queen (King) jy….nou wag……voor jou mond weer 2 bar opblaas, ek trek net jou been. 🙂

          2. Riempies Avatar
            Riempies

            Dolk ek het seker oorboord gegaan – maar die waarheid is
            ek voel so. Kyk maar na Skelmbos se blanke leerkragte – dit is nou veronderstel om ons Afrikaners se voorbeeld te wees – universiteite is tog waar ons leiers van more vandaan kom en juis hulle verkrag en vermoor ons taal – en disrekpekteer ons
            kultuur en leer ons kinders om die leun van gelykheid en broederskap en vermenging te onderhou en te salaam.

            Miskien het ek net n vakansie nodig erens ander as hier by die see. Dalk n slag Kalahari toe dat die son die bitterheid
            uit my lyf kan brand.

            Wil jou vraag antwoord met n teenvraag – wie en wat is
            ek saam met hulle?

          3. Dolk Avatar
            Dolk

            My antwoord?

            (Vir die wat nie begryp nie – beeldspraak volg)

            Kom ek neem u na die huis waar ons “ellendige en eerlose” volkie woon… Ek sien ook wat u sê, u sien… Sal ons daarom die huisie vervloek – sommer self afbrand? Die huisie – waarin ons groot geword het – waarin ons nog altyd veilig was. Waar ons God leer ken het…? Waar bloed selfs op die kosyne geverf was?!

            Is ons dalk die laaste geslag van hierdie “ellendige en eerlose” volk?

            So baie kere sien ons net die “ouers” raak – vergeet ons dat daar kinders in die huis is… Kinders wat dalk slaap, besig om skoentjies aan te trek… Dalk nog ongebore kindertjies… ‘n Toekoms…

          4. Riempies Avatar
            Riempies

            Jy se Toekoms? Wat se toekoms is daar vir daardie
            kinders as hulle ouers nie bereid is om daarvoor vir hulle te veg nie? my
            antwoord is GEEN toekoms nie. Vra maar vir Pik Botha was se sy bloedbroer
            Kissenger!

      2. Willy Avatar
        Willy

        Presies wat jy sê Leana, en party wat sulke emosionele krete uiter wat nogal in dieselfde stad bly as wat die optog plaasgevind het, wat dit kon bygewoon het skitter in hul afwesigheid.
        Meer bek as binnegoed soos die gesegde lui.

        1. Leana Avatar
          Leana

          Willy ons het lankal nie meer die grootpraters en voorskreeuertjies nodig nie. Ons het manne/vroue nodig wat die daad by die woord voeg !

    3. Sjert Avatar
      Sjert

      Ek het sleg nuus vir jou Rieme.
      So lank as wat jy en wie ookal na 30,000 “witskepsels” verwys wat na rugbywedstryde loop kyk, so lank sal daar nie meer as100 tot 120 wit siele vir ‘n Pro Afrikaner optog opdaag nie.
      Vergeet terselfdertyd daarvan om hierdie “skepsels” te oortuig dat hulle in een of ander kanton of kampong moet loop bly.

      1. Riempies Avatar
        Riempies

        Ek het nie invloed om iemand te oortuig om n kanton te
        bou nie – dit gebeur sommer vanself. Dit is ook nie net die blankes wat migreer na hulle eie mense nie – die swartes doen dit nog meer. Wat Patriotisme betref kan niemand dit vir iemand anders leer nie, dit is ingebore of afwesig, dis nou maar hoe dit is. 😉

        1. Sjert Avatar
          Sjert

          Jy is ‘n baie dapper Me Rieme wat vir ‘n klomp toeskouers onderweg na ‘n Springbok toets vertel dat hulle nie patrioties is nie.
          Een ou se patriotisme is ‘n ander ou se onnooslikheid.
          Is hoe dit is:-)

          1. Riempies Avatar
            Riempies

            jip ou Sjert presies net soos jy dit se – “Een ou se
            patriotism is ‘n ander ou se onnooslikheid.
            Is hoe dit is :-)” – Sien eintlik verskil ons nie. 😉

          2. Sjert Avatar
            Sjert

            Jou vlugge begrip is verrassend!
            Is jy inderdaad besig om die Inkommer agtergeblewengeite af te skud?
            hehehe

  8. Dieannerou Avatar
    Dieannerou

    Nadat ek meeste van die kommentaar gelees het op die CdL protes wil ek graag die volgende sê. Ek dink ons moet wegkom van die protes optogte en petisies teken ding. Hoeveel van hierdie goed was al gereel sonder noemenswaardige sukses, talle. Ons moet begin verstaan dat die afrikaner en die bantoe twee verskillende tipes wesens is met sterk uiteenlopende denkrigtings. Ons moet ons en hulle geskiedenis en huidige omstandighede in ag neem en dit verskil hemelsbreed.

    Ons gaan nooit soos hulle duisende afrikaners by ‘n protesoptog kry nie, kom ons aanvaar dit nou en beplan eerder aan iets anders wat net so effektief kan wees. Ons sit nou die heeltyd en teem oor die powere opkoms by ‘n protesoptog in plaas daarvan dat ons aanbeweeg en aan ‘n ander strategie werk. Ek het al in die verlede ook gesê ons sal nie selfbeskikking verkry nie dit sal spontaan gebeur en ek is seker daarvan die Oraniers sien dit ook so in deurdat hulle nie belangstel in onderhandelinge oor dit wat ons in elk geval toekom nie hulle gaan doodeenvoudig voort om Orania te ontwikkel tot op ‘n punt waar die ANC niks daaraan sal kan doen nie.

    Hierdie protes optogte doen ons aan die eenkant ook skade aan deurdat dit vir die wereld wys ons kan nie saamstaan in hierdie tipe aksies nie, foto’s van hierdie optogte word die wereld ingestuur en die negatiewe van dit word gewys eerder as die bietjie positieweteit wat daar dalk mag wees. Net so terloops die persoon wat daar was met die groot witbaard en die hoed is heel eerste gewys op die SABC se kanaal twee so dit is wat hulle doen om ons te verkleineer. My voorstel is beplan iets wat die ANC kan seermaak met CdL in die tronk dit moet vir hulle ‘n verleentheid word. Maak soos wat hulle gemaak het met Mandela in die tronk, hulle het die situasie mooi uitgebuit en die NP regering moes toegee. Dis maar net my beskeie opinie.

    1. Dolk Avatar
      Dolk

      Allas! Helaas! Ons volk se WARE probleem is: Ons is te vol planne en, nog voller van “Niksdoen” nie… Toets maar die Woorde…

      1. Willy Avatar
        Willy

        “Ons is te vol Planne en, nog voller van “Niksdoen” nie”. Stof tot nadenke!

      2. Keelvol Avatar
        Keelvol

        Dieannerou – ek stem oor hierdie een glad nie met jou saam nie… Mense is net nog nie gewoond aan die ideë dat dit aanvaarbaar is om aan so n aksie deel te neem nie – gee tyd, gee kans… Ons gaan nog baie sulke aksies reël. Kom neem deel…

        1. Leana Avatar
          Leana

          Keelvol, dan het dit nou tyd geword dat hulle gewoond raak daaraan . Volgende keer dalk busse reel ? Brandstof het duur geraak, en nie almal se beursies staan bultend nie.

          1. Riempies Avatar
            Riempies

            Goeie plan dan kan elke ou net sy deeltjie betaal en ook nie met die verkeer gekonfronteer word nie.

          2. Leana Avatar
            Leana

            Riempies, lyk vir my selfs dit is te veel gevra vir hulle.

      3. Mens Avatar
        Mens

        Wel gedaan vir die 120 mense wat daar was(patetiese opkoms). Soos ek genoem het in ‘n vorige berig(ek sal om verskoning vra sou ek verkeerd wees en daar meer as 1000 mense opdaag) wat toe nie gebeur het nie. Ek bly by standpunt, ons het dit nie in ons murg nie en rugby is meer belangrik…Dankie Dr Roodt vir wat jy en ‘n handjievol ander wel doen. Ek hoop net die blindes se ogies wil nou begin oopgaan, maar ek vermoed dit is te heeltemal laat.

    2. AntSan Avatar
      AntSan

      Kom ons haal die poitiewe uit die dag. Baie mense was onbewus van FN. Hulle sien nou waarvoor FN staan, reg en geregtigheid, deurdat hulle veg vir CdL se vrylating. Met my oor teen die grond klink dit my baie gaan wegbly van die stembus. As FN net 1 sitplek kan kry in die parlement sal dit ons saak baie help. Hoop net nie dit sal gaan soos PM nie, hy is ‘n joiner. Kyk, net die Vader ken die pad vorentoe vir ons. Ek weet ons getalle is te min om fisies te baklei vir vryheid en eie grondgebied. Ek weet ons sit met 80% slapgatte in ons nasie. Ek weet ons is ‘n handjievol oorblyfsel wat steeds beginsel vas bly hoop op ‘n beter toekoms, nee, net ‘n toekoms, vir ons kinders. Waar ons in vrede kan woon en werk, sonder diskriminasie teen ons, sonder dat ons kultuur en taal bedreig word. ‘n Plek waar ons bestaansreg het. Vir die 80% slapgatte, wat niks doen vir jou kinders in hul se benoudheid nie, meneer julle gaan saam met Babilon val, en dit is jou verdiende loon.

  9. Willy Avatar
    Willy

    Wat ‘n lekker stappie en om fiks en gesond te wees nog beter!

    1. Leana Avatar
      Leana

      Was jy toe ook daar Willy ? Jy ons nie eers gesien nie ?

      1. Willy Avatar
        Willy

        Jip, omtrent heelagter Leana.

        1. Dolk Avatar
          Dolk

          Enige “selfies” asb?

          1. Willy Avatar
            Willy

            Niks.

          2. Dolk Avatar
            Dolk

            Ondenkbaar!

            Anyways, dankies.

          3. Willy Avatar
            Willy

            Volgende keer spesiaal vir jou. Jy is die enigste een met so ‘n versoek.

          4. Leana Avatar
            Leana

            Dolk as jy nou mooi kyk op die foto bo. Die groot ou is Willy, net so skuins agter hom, 3 rye agtertoe is ons.

          5. Dolk Avatar
            Dolk

            LOL…

  10. Dan Roodt Avatar
    Dan Roodt

    Die doel van enige betoging is nie om soveel moontlik mense daar te kry nie (hoewel getalle natuurlik altyd help). Dit is om jou boodskap in die media in te dra. Die anti-apartheidsbeweging het dikwels net twee of drie mense gehad wat voor Suid-Afrikaanse ambassades in die tagtigerjare betoog het; nietemin het hulle die ANC en SAKP gehelp om Suid-Afrika te verower.

    Gister se aksie was, te oordeel aan die hoeveelheid mediablootstelling wat dit geniet, ‘n reusesukses. Dis net Rapport wat vandag nie ‘n berig daaroor het nie (hoewel Rapport ‘n verslaggewer en fotograaf gestuur het). Maar Gaye Derby-Lewis het vandag ‘n onderhoud in Rapport wat aansluit by die hele veldtog om haar man vrygelaat te kry.

    Myns insiens moet ons ‘n kleinerige groep van so 50 jongmense as betogers oplei en moet ons gereeld sulke betogings hou, wat saam met mediaveldtogte loop.

    Heel week lank het ek mediaverklarings uitgestuur, en dis wat die groot teenwoordigheid van verslaggewers en televisiekameras veroorsaak het. Om dié soort gebeurtenis te reël, is ‘n kuns en die swaai van plakkate op die dag is maar ‘n baie klein deel daarvan. Hier is die dekking wat ons op etv ontvang het:

    http://youtu.be/soXhZgHuKCw

    1. Trippie Avatar
      Trippie

      Dankie Dok, u bemoeienis met die vrylating en mediaverklarings verdien baie respek. Ook baie sterkte aan Mev. Derby-Lewis met haar onderhoud vandag. Mag dit in sink sodat reg en geregtig uiteindelik kan geskied.

    2. Keelvol Avatar
      Keelvol

      “Myns insiens moet ons ‘n kleinerige groep van so 50 jongmense as
      betogers oplei en moet ons gereeld sulke betogings hou, wat saam met mediaveldtogte loop.”

      Dr Dan,… Ons het so baie wat verkeerd is, in hierdie land en waaroor daar eintlik veel erger oor geprotesteer kan word – as vir kamma “service delivery”… Hierdie optog dien as n baie mooi voorbeeld vir almal om te sien. Ons kan ons teen hierdie regering verset! Ons Mag in die openbaar ons saak stel. Die regering, die liberaal vertraagde media en die wêreld kan ons nie meer ignoreer nie!

      Danksy ons Patriotiese Boere Afrikaner leiers, wat onbeskaamd ons Volk se saak stel, is ons besig om die morele hoergrond weer terug te wen. Selfs unfree etv kan nie hulle liberale standpunt aan hierdie morele saak meer verdedig nie. Oral kan mens die krake in die vyand se wapenrusting sien…

      Ons moet juis nie nou ophou nie – ons moet juis nou aan hou om die druk toe te pas – ONS GAAN NIE OPHOU tot Oom Clive veilig by die huis is nie! en as daar iets met hom in sy aanhouding gebeur gaan dit vir GROOT, GROOT moeilikheid sorg!

      Hierdie regering
      moet weet ons staan op en ons gaan hierdie nie meer duld nie – Die lyn
      is nou, in die sand getrek!!!

      Mag almal in SA sien ons VOLK trek nou laer – julle is almal
      uitgenooi!!! Kom staan agter die manne wat julle saak veg – kom neem
      deel – saam maak ons die weg oop na n nuwe realiteit in hierdie land,
      vir Volk en Vaderland!!! met Front Nasionaal wat die goeie saak veg!!! ONS VRYHEID!!

      1. Riempies Avatar
        Riempies

        Ek ondersteun jou mening 100% – ek wil graag net nog byvoeg dat ons met die buitelandse media reel vir dekking -by elke geleentheid.

        1. Keelvol Avatar
          Keelvol

          Hulle was daar – en gewoonlik koop hulle dan die beeld materiaal en so van ons sa
          mense om hulle eie berigte te maak… So wees verseker hierdie boodskap
          versprei op n manier wat nog nooit van te vore vir ons in hierdie land
          beskikbaar was nie – nie tot FN daai… “legitimacy” vir ons saak gegee het nie…

  11. Karel Combrinck Avatar
    Karel Combrinck

    Feit is De Klerk en sy lakeie het die situasie in 1994 wel reg gelees: Die Afrikaner het in sy siel en wese lank voor daardie tyd reeds geabdikeer. Die referendum was net ‘n rubberstempel vir hom om finaal boedel oor te gee. Maar die “volk” was daavoor reeds papryp.

    En as dit kom by die verguising en ondermyning van, veral behoudende, mede-Afrikaners was hulle wel deeglik bereid om in groot getalle te betoog. Ek kan onthou hoe Stellenboschse studente in die vroeg sewentigerjar in busvragte aangery is om Oom Jaap Marais se vergaderings in Somerset Strand en elders te gaan ontwtwrig. Net sodat hulle nou ‘n swart, Engelse universiteit kon erf.

    Soos ‘n ander Praag leser hier onder iewers opmerk, was daar die dag toe 100 mense vir Mnr Derby-Lewis se vylating betoog het, dertig duisend by die rakbie.
    En as daar nog ‘n krieketwedstryd ook was, was die res van die ‘”volk” voor die TV skerm.

    Ek wil my nou reeds verstout om te voorspel dat ons in die komende verkiesing op nie meer as 1% vir die Nasionale Front kan hoop nie. Die res sal stem vir die maklikste en, op die korte duur, die winsgewendste uitweg. En om te stem, is natuurlik ook ‘n manier van betoog.

    Goddank is daar darem nopg Praag wat die vryheidsfakkel dra.

    1. Rooikop Avatar
      Rooikop

      Karel ongelukkig is jou woorde baie waar.

  12. Dolk Avatar
    Dolk

    Enige skote van die agterste Lot – “flukstes”…? ;-))

  13. Leana Avatar
    Leana

    DIS my land !!!
    http://youtu.be/SKRml4_uBlQ

  14. Genl De Wet Avatar
    Genl De Wet

    Getalle vir die regse saak is nie belangrik nie. Wat wel belangrik is, is die kwaliteit van leiers in die regse politiek. Mense wat opsien na God en hardwerkend vashou aan hul ideaal en strewe. Gideon het met ‘n klein bende groot veldslae gewen. Onthou dit wat jy glo, KAN jy bereik.

Leave a Reply

More posts