praag.co.za

G4S kry die trekpas by Mangaung

Written by

Karin Roodt

in

,

g4s2Verskeie werknemers, onder andere ‘n senior amptenaar van die departement van korrektiewe dienste, is Donderdagoggend by die Mangaung- Korrektiewe Sentrum in Bloemfontein aangeval.

RSG berig die situasie by die tronk is steeds gespanne.

Die departement het gister die bestuur van die gevangenis oorgeneem nadat die maatskappy wat aangestel is om die tronk te bestuur, G4S, nie sy kontraktuele verpligtinge nagekom het nie.

Die departement se gewapende eenheid is na die gevangenis ontplooi om die situasie te stabiliseer. ‘n Werknemer van G4S wat anoniem wil bly, sê gevangenes is gewapen met skerp voorwerpe.

Dit is die jongste in ‘n rits voorvalle by die tronk. Verlede week is ‘n vroulike beampte ure lank as gyselaar aangehou. Sy is later ongedeerd vrygelaat.

Comments

4 responses to “G4S kry die trekpas by Mangaung”

  1. Rooikop Avatar
    Rooikop

    Daar is baie politiek rondom die bestuur van tronke en gevangenis. Daar is BAIE groot geld by betrokke (dit kos R5 biljoen om ‘n tronk te bou). Om hierdie kontrakte te kry moet jy gekonnekteer wees – jy moet die regte mense ken en om hulle te ken moet jy die regte hoeveelheid R200 vorms invul en oorhandig.

    Ek weet van ‘n kontrak in hierdie sfeer waar die geld wat na die projek toe sou gaan ongeveer R800 miljoen per jaar sou beloop maar die totale koste aan die regering is R2 biljoen – die groot gedeelte gaan aan een of ander konsortium wat gekonnekteer is tot heel heel bo. (Natuurlik vir die bytjies en blommetjies gedeelte)

    Hierdie is die manier wat die belastingeld na individue en groepe volkies gekanaliseer word. Ongelukkig het ek nie fisiese bewyse nie – dit sou darem ‘n lekker storie gemaak het. Die mense hierby betrokke is in elk geval hoog op in NIA verbind so dan sou ek seker in ‘n sloot opgeëindig het. Die mededinging is so groot vir hierdie kontrakte dat daar ook baie industriële spioenasie plaasvind en selfs ook doodsdreigemente hierby betrokke is.

    1. Boerewitman1 Avatar
      Boerewitman1

      Dalk iets vir Thuli Madonsela om te ondersoek.

  2. Willy Avatar
    Willy

    Ek wonder wat gaan van die hiper moderne, splinter nuwe gebou in Centurion waar die ewe groot G4S kenteken pryk word noudat hulle nie die kontraktuele verpligtinge nagekom het nie.

    1. Shannon Avatar
      Shannon

      Nie veel nie. Die hekke sal egter nie meet gesluit wees nie.

Leave a Reply

More posts