Die feit dat politieke onrus die een ding is wat die projek voorheen gekortwiek het, is maar net nog ’n Afrikagrappie. Dink die betrokkenes by die projek werklik dat dinge so gestabiliseer het dat die ding sal kan voortgaan? Die antwoord is ’n onomwonde NEE.
Die kontinent se politieke stabiliteit is nie veel beter as wat dit was amper 25 jaar terug nie, inteendeel, dis net dieselfde as voorheen. Deur onderdrukking van media (soos in Zimbabwe) en elders is dinge soms net stiller gehou. Burgeroorlog gaan onverpoosd voort in menige land terwyl minderheidsgroepe op strepe geteiken word deur groter groepe (Suid-Afrika, Zimbawe, Kenia, Darfoer).
My vraag hier is hoekom moet blankes vanuit ander dele van die wêreld die werk kom bestuur (en beplan) as die Afrikane dan sulke slim mense is wat geen inmenging van die buitewêreld nodig het nie? Ek dink die antwoord is heel eenvoudig hier.
Die slim Afrikane is nie slim genoeg om die breinkrag op te lewer om die dam self te ontwerp en te bou nie. Verder sal hulle ook nie in staat wees om die ding te kan onderhou as hy wel tot stand kom nie; die voorbeeld om na te kyk hier is die Cahorra Bassa-dam van waar ons liewe Eskom ook nou krag aankoop. Volgens berigte is onderhoud by die dam ook nodig en dis die rede hoekom Suid-Afrika slegs ’n beperkte klein hoeveelheid elektrisiteit van daar af kan verkry. Ek dink dit sê al baie van die onbeholpenheid van die betrokke partye.
Die onderwys en opvoedingstelsel in Afrika is seker die een groot saak wat te blameer is. En dis nie dat die stelsel nie gewerk het nie. Die feit is dat die werkende stelsel deur die huidige regerings oorgeneem is en in die grond in vertrap is sodat dit nie meer kán werk nie. Op al die internasionale peilings en studies kom Afrikalande heel onder wat geletterdheid en wiskundige vaardigheid betref.
Indien die swart kinders skool ernstiger opgeneem het en minder aandag gegee het aan hulle menseregte sou die prentjie dalk anders gelyk het. Dan was daar dalk mense wat suksesvol op universiteit kon wees (en ek meen mense wat nie net grade kry omdat hulle swart is nie, maar mense wat dalk in staat is om die werk te doen).
Die universiteite is ’n grap waar politieke aktivisme klaarblyklik die enigste vak is wat enigsins ernstige aandag van swart studente ontvang. In die Ivoorkus het die studente-organisasie sommer president Gbagbo se guerrillavegters verskaf waarmee hy die mag oorgeneem het. Sou die swart studente meer aandag gee aan vakke soos ingenieurswese of die natuurwetenskappe sou Suid-Afrika dalk nie in die gemors sit waarin die land homself vandag bevind nie. Dan was dit dalk nie nodig om met hulp vauit die Amerikas en Europa die projek aan te pak nie, maar kon dit met inheemse breinkrag en kennis gedoen word. Sodoende was dit dalk nie nodig om die Oosterling hier in te kry vir sy kennis nie, want die Afrikaan kon sonder die harde septer uit die ooste die werk self doen.
Wat verder interessant is, is dat Nigerië ook krag sal van die projek sal verkry. Die een land in Afrika wat sit met superryk olievelde, wat tans tekorte aan brandstof beleef! Dis die een land wat as hulle dinge reg bestuur die kontinent kan oorheers met baie dinge, maar weens totale afhanklikheid en onbeholpenheid is hulle nie veel beter daaraan toe as wat Zimbabwe is nie. Zimbabwe was eens op ’n tyd die land wat suidelike Afrika gevoed het, en nou sit en krepeer hulle weens hongersnood en politieke onrus.
Leave a Reply
You must be logged in to post a comment.