Nzimande het in ‘n meningsartikel op die ANC se webwerf gesê dat ‘n “anti-meerderheid liberale offensief” probeer om elite stemme te werf wat “neutraal of gesaghebbend” moet lyk om te probeer om die ANC te diskrediteer.
“Die liberale hoofstroommedia, sommige liberale NRO’s, en stemme soos Reuel Khoza, is almal deel van ‘n “ideologiese derde mag, wat die sogenaamde ‘bedreiging’ van ons Grondwet en ‘n ‘gebrek van leierskap in die ANC en die samelewing’ betreur,” het hy gesê.
“Dit is ook belangrik dat ons die ANC se alliansiekaders aanmoedig deur volgehoue ideologiese werk om die liberale offensief te ontbloot vir wat dit is: Vrees vir swart meerderheidsregering.”
Khoza het verlede week gesê die land se “vreemde soort ras” van leierskap moet gehoorsaam bly aan die instellings wat demokrasie ondersteun.
Die land se politieke leierskap se morele kwosiënt het ontaard en die land is vinnig besig om die wigte en teenwigte te verloor wat nodig is om ‘n herhaling van die verlede te voorkom, het hy gesê.
Nzimande het gesê die gedrukte media in Suid-Afrika het “deel van die politieke opposisie geword”.
Bondels gratis eksemplare van The Star koerant is “heeltemal geïgnoreer en agtergelaat” aan die einde van die Chris Hani-herdenking Dinsdag en was ‘n gepaste kommentaar op die stand van die gedrukte media en die houding van “ons kaders”, het hy gesê.
Nzimande het gesê dat alle instellings ter ondersteuning van demokrasie “bevestig of veroordeel word” in die media bloot op die basis daarvan of dit positief of negatief teenoor die ANC staan.
Dit was om hierdie redes dat ANC-lede howe en hoofstuk nege-instellings versoek het “om wakker te wees vir hierdie anti-meerderheidsagenda”.
“Ons wil hê ons howe en hoofstuk nege-instellings moet hul werk kan doen sonder vrees of guns, en nie toelaat dat hulle misbruik word as platforms om partypolitieke agendas te bevorder of gevra word om te beslis oor sake wat gewoonlik aan die kiesers oorgelaat word nie,” het die minister gesê.
Daar was, het hy gesê: “absoluut niks fout” met wysigings van die Grondwet nie, indien dit nodig is of nodig raak nie.
“Die Grondwet, in werklikheid, bepaal self die reëls vir wysigings. Dat die ANC die Grondwet wil wysig ten einde die Grondwet te wil ondermyn, is deel van die ideologiese afpersing deur hierdie ideologiese derde mag.”
Leave a Reply
You must be logged in to post a comment.